هلا جواهررر

كيفك الحمد لله الاصابات بالرياض قليله

عموما كيف حالك مع الدنيا وش مسويه ؟

هلابك فاقد

والله اعتقد ان الاحصائيات غلط الي تطلع لأن كثير اعرفهم جتهم كورونا مو معقوله الرياض كامل بس ميتين وشوي ،
لكن يتشافون بسرعه ماشاءالله
صديقتي واهلها جاهم كلهم كورونا هي بس 4 ايام وتشافت وكل عائلتها بخير حمدلله .

وانا اموري تمام حمدلله لو يخف الحر شوي بس لأن احب اطلع الصبح الحين ماقدر اطلع الا باليل من الشمس ☹

هلا والله جواهررر
كيفك والله طفشان مره انتظر اكلم الدكتور ماهر
يقولون في ايجازة وانا بعد فترة بروح الرياض علشان يشوفني الدكتور
بس امي تقول اصبر لين تخف كورونا

تمام حمدلله ،
ليش طفشان سو لك شيء حلوو العيد قرب روح فصل لك ثوب جديد وشماغ واشتر لك عطر جديد غير روتينك وبيروح الطفش.

انا ان شاءالله بسوي فعاليات للبزارين عندنا استاجرنا شاليه لهم عشان يسبحون وقاعده اسوي توزيعات لهم ان شاءالله تضبط

وانا يافاقد قاعده اسوق وسواقتي مو مره ماعندي رخصه للحين الله يعين دعواتك لي اتعلم زين واصير سواقه 😫😢

يوووه السواقه عندكم بالرياض صعبه
انا ابي اجي للرياض علشان اشتري عود
طفشان ماعندي صديق ولا زوجه ولا وظيفه

اي والله صعبه شوي وزحمه بس انا قدها ان شاءالله

فاقد اذا صرت تبي تفضفض او تتكلم اذا كان ماعندك صديق اكتب بملاحظات جوالك او سجل ملاحظات صوتيه ممكن هالطريقه تخفف عنك .

واجلس مع اهلك سولف معهم واهتم بنفسك اذا صرت تبي تكسب الناس ويصيرلك اصدقاء لازم تهتم بنفسك .

حاول تقرأ كتب كثير وتابع مقاطع وثائقيه. اشياء ممتعه .

ومن ناحية الزواج أنت اكيد ماتبي تظلم بنت الناس معك ،
فيه كثير بنات بيوافقون عليك لأنك كويس لكن وضعك انت ماتغلبت عليه كامل حل مشاكلك وتوظف قول لاخوانك يدورون لك وظيفه ثم فكر تتزوج ، اذا مالقيت وظيفه سو لك بزنس خاص وصدقني اذا كنت قادر تتحمل مسؤليه بتلاقي بنت الحلال

ترى الوضع مو صعب لكن انت يافاقد تعتمد بس على العلاج الدوائي تبيه هو يعالجك بدون ماتكافح ، لاتصدق اي احد يقول علاج مدى الحياه او مرض مزمن انت قادر تعالج نفسك وتتغلب على مرضك وعلى اوهامك وعلى خوفك

انا الحمد لله الان افضل بكثير بعد ماتخلصت من اليبونكس لاني اخذ 200 الحين ... وكان 800!
وتحسنت اموري جدا

بس باقي الحزن والخوف من التصوير

بخصوص الزواج لازم وظيفه و الموضوع مسؤوليه

بس ان شاء الله تتحسن الامور و اتوظف

عندي فلوس كثيره والله وعندي ضمان و تاهيل و ممكن اصرف على نفسي اخذ منهم 500 ريال و اشتري شاي ولا عصير ولا شورما ولا ااعبي بنزين

انا اشوفك متحسنه كثير تبون تطلعون شاليه وتشاركين الاولاد الصغار احلاو وكيك وكذا

والله كنت افكر في موضوعك بس الحمد لله انتي افضل من البقيه مرضى الفصام

بس الدكتور قالي انت عندك ذهان اكتئابي

بس ماشوف بي شئ حتى اني اجلس مع الاهل وافهمها وهي طايره

بخصوص الاصدقاء مافي الي يصدق الا قليل و الناس مصالح والقليل طيب منهم

حتى اهلي يعاملوني مابي شئ اروح من محافظة الى ثانيه و لا يقولون شئ

ومحسسني طبيعي بس الجوال اذا جيت يخذونه علشان ما اشك انا بهم ويضيق صدري
هذا الي بخاطري الان

ايه ماشاءالله يافاقد انت تسافر لحالك وتروح وتجي وضعك حمدلله طبيعي بس لازم تتغلب ع خوفك من التصوير واحسك بتتغلب عليه ان شاءالله .

وانا من ناحيتي الحمدلله مسويه روتين ليومي وعندي صديقات كثير واهلي معي وعندي دراسه عشان كذا تحس وضعي تقريبا كويس ، الي يفرق بيني وبينك أنك انت منطوي على نفسك ماتخرج للعالم ولو جربت وصرت اجتماعي بتصير مثلي تقريبا ماعندك اوهام ولا خوف ولا اعتقادات غريبه ،

ولا تيأس ترى كثير عندهم ذهان ومتوظفين ومتزوجين وعندهم اطفال وبإذن الله تكون واحد منهم قريبا ونفرح فيك

الفصام مايخوف ولا يأثر على حياتي ويدمرها .
الفصام مرض عضوي عادي اذا استخدمت ادويتي اموري تمام واذا ابتعدت عن الضغوطات وعرفت كيف اتحكم بعقلي ونفسيتي اموري بالسليم

والله انا مثلك اتحكم بعقلي كثير

ما احس اني مريض ولا بي شئ بالعكس دايم اشوف ناس اقول الحمد للله اني افضل منهم

لاني عاقل و محترم نفسي كثير و طيب و تصرفاتي عاديه

كثير ناس كذابين و غدارين انا احمد ربي اني مو مثلهم

ايه والله

اذا ماهتميت لكلام الناس وصرت واثق من نفسك ، وقتها اذا شافوك الناس واثق وتتحكم بتصرفاتك بتثبت لهم أن نظرتهم غلط عن المرض النفسي . وهذا هو الي لازم كلنا نسويه لانستسلم لأن الحمدلله وضعنا احسن من غيرنا بكثير

الحمدلله على كل شيء

اذا تبون تطلبون هديه للوالده بالعيد
فيه حساب حلو وبيعجب الامهات
تقدرون تطلبون منه ويوصلون .

الحساب بالإنستقرام
tmairat1