بوعلى ليش اليوم كانت خانقتك العبره شنو السبب وشنو كنت تحس فيه تدرى انا شنو الى يتعبنى بالتفكير انى راح اصير مجنون اوصل حدى بعدين اتذكر ان مليون مره جتنى النوبه وماصار شى بعدين اهدى الحمدالله انت شنو الى تفكر فيه وانت خانقتك العبره

بس هاذا بلا بوك ياعقاب 00 بس والله مافينا طب 00 لو بنصحك نرد نقعد بروحنا انا نفس بعد بس خلها علي ربك يابو عبدالله واضحك ترا الحياة حلوه

المشكله نعرف المشكله واسبابها واهم سبب القعده بروحنا وهم نرجع نقعد بروحنا لاحول ولا قوه الا بالله

والله يا ابو علي انا احاول اني انام في هذا الوقت

تصبحون على خير يا جماعة


فماان الله

والله يابو عبدالله اذا قارنت طفولتي وبدايت مراهقتي بحالي الحيل تصك فيني الدنيا 00 اتذكر احساس السعاده الي كنت احس فيها كنت احب الحياة واي شي يفرحني مااقعد بالبيت لو دقيقه دراسه لعب مغامرات معا الربع 00 لما اتذكر لحضات السعاده واسترجع شعوري بالفرحه لحضاتها ذيج الايام 00 تخنقني العبره اتعب حيييييل الحين ابو عبدالله شوفة عينك حالي شلون يعورني قلبي علي حالي و وضعي الحين 00 هاذي سبت العبره الي تجيني والحمدلله علي كل حال

تلقا خير نوم العوافي

وانت من اهل الخير
فمان الكريم

بوعلى وشلى يخليك تتذكر هالشى انت واجد تتكلم عن هالموضوع شنو السبب الى يخليك تفكر هالتفكير ولا بروحه يجى

والله ماادري ليش 00 بس من ذاك اليوم تذكر شكيتلك ان انا واخواني تعاملنا رسمي معا بعض وجذيه وكانت طفولتنا حلوه 00 من يومها لازم كل يوم اتذكر شغله حلوه وانا صغير سويتها او استرجع شعور سعيد حسيته بلحضاااات وبعدها تصك فيني الدنيا 00 ااااااااااه خلها علي ربك

الحمدالله على كل حال ياخوى مل واحد عنده الى مكفيه سبحان الله كل واحد عنده قصه وسالفه واعراض وبلاوى بس مثل ماقلت خلها على ربك يفرجها

الله كريم ياخوك
عيل اليوم كلش ماطلعت ابو عبدالله لا للوفره ولا للمخيم , صح

لا والله ياخوى ولا مكان طفشت زهقت تصدق بوعلى انا احاتى شنو
لما ادرى ان ماعندى شى اسويه تنقلب الدنيا على لما ما اكون مشغول باى شى حتى لو هنيه معاكم اذا ماكو شى اسويه اتعب على طول نفسيتى تتعب واذا كنت مشغول بشى حتى لو مسلسل حلو او فلم اكون تمام بس المشكله مواى شى يشغلنى يعنى لازم شى احبه فاهمنى بوعلى

السلاام عليكم ورحمة الله وبركاته

مساء الخير جميعاً :msa3:

حالكم واحوالكم

ان شاء الله كل شي تماااام :smile:

وعليكم السلام ورحمه الله وبركاته
ابشرك ياخوى انا الحمدالله نمت عدل نمت 9 ساعات ماشاء الله وصاحى من النوم ولله الحمدوالله لايغير علينا مزاجى حلو ومستانس والحين بطلع مع الاهل
بس حبيت امر اسلم عليكم بالاول :))))))
يارب يدوم هالمزاج الحلو يااااااااااااارب