اهلين اختي المعتصمة الحمد لله انا لم استخدم اي علاجات كنت استخدم ايفكسور لمدة سنة وتركته ومن تركته قبل 7 شهور ماشفت خير لين تقريباً قبل شهر والحمد لله خفت عني عدم التوازن والثقل والخمول وتقريباً ماحس فيها كثير..

نعم انا لازلت بأمريكا واي خدمة تامروني يالغاليين..

الفراشــــه .. مشكوره عالسؤال .. وربي يعطيك العافيه ويجزاك خير


انا بعد والله قلبي معكم واتمنى تكونو بخير كلكم وتكون الاعراض خفت منكم

انا حاليا مسافره .. مارحنا بعيد داخل حدود الوطن المهم نغير الروتين والجو شوي

حالتى متارجحه مابين الاكتئاب ومابين رجه الراس

لكن اقول الحمدلله احسن من اول ولازم نشكر الله عالنعمه الله يدومها علينا وعلى كل مسلم

والله يعافينا وسشفينا شفاء تام

انتى عارفه ثقل الراس وتارجحه وعدم الاتزان تجي بين لحظه والثانيه والمشكله اول ماتجي اي عارض على

طول تجي ضيقه الصدر والخوف

اليوم وانا اصلي الظهر حسيت براسي منظغط وكانه يميل لكن الله يفرجها علينا وعلى كل مسلم

اهلين

ماكو شي غريب اخوي انا اخذ العلاج السلوكي جلسات مره وحده بالاسبوع

عن طريق مستشفى حكومي والطب الحمدلله متطور واايد عندنا

اسبوع التنويم واسبوع استرخاء وتمارين تنفس يعني المجموع اربع ايام في الشهر

اهلين

ماتشوفين شر انا عانيت وايد من الحراه تطلع من راسي واذوني وعروقي

كلها حراره بس انتي تاخذين ادويه الجرثومه اخذي الدوا الا قبل الاكل بساعه وقعدين

اكلي بترتاحين شوي

طمنينا عنج يالغاليه

اهلين

ياليت عندي ماي زمزم ان شالله اطلب من الاهل يجيبون لي
الحمدلله وان شالله للاحسن وفرحت وايد لانك طمنتا عن صحتك وان شالله

ماترجع الا وانت بخير ومافيك الا العافيه ان شالله وطمنا اذا دخلت الموعد

الله يسر لك ان شالله

الله يرجعك بسلامه
اهلين

الحمد لله وفرحت وايد انج بخير وزين ماسويتي يالغاليه

طلعي غيري جو احسن لج ولاتفكرين واايد وهالثقل وهالترنح تعودنا عليه

خلج دووم متفائله وماتشووفين شر ولاتقطعين

00``00`

انا نوبات الهلع اطنشها كثير
بس الي مضايقني ألم راسي احيانا احس بلوك فوقه
والتفكير ماكلني اكل احاول اطنش بس ترجع لي
مع اني مسافره وحالتي بين اكتئاب وتفكير
الله يعين بس

السلام عليكم
كملت سنه وانا على حالتي ماتعالجت لكن احاول اسطير وكل يوم اقول بكرا ارجع طبيعية
الحين جتني خفه براسي وشوية كتمة وثقل بالكتفين واحس بدوشة براسي كاني مواصلة ولا نمت وانا نايمة وشعور خوف بادخلي اقول ليكون اعراض موت الله يطوب باعمارنا
الله يرفع عنا ويشفينا اعطوني كلام يريحني شوي اللي جتهم نفس الاعراض ودي اروح
للطواري بس والله متفشلة من اهلي من كثر مااروح واطلع سليمة طمنوني

ايضا غصه في حلقي وكانة مجرء التنفس يبي يقفل اكح واسوي كل شي عشان تروح بس للاسف للحين
واخاف اشرب شي عند احد احس اني بشرق واموت عند الناس وحتى الاكل اخاف اكل وتوقف اللقمه بحلقي

اختي جموووح

ماعليج شر يالغاليه ترا هاي الا فيج كله قلق وتوتر وتفكير

مايحتاج طوارئ لانه كل شي سليم وهذي نفسيتج تعبااانه وانتي كثر ماتعبتيها راح

تتعبين لاتفكرين واايد وحاولي تشغلي وقتج باي شي

انا قبل فتره كنت اعاني من كتمه والغصه واكتشفت اني عندي جرثومه بالمعده والحمدلله

عالجتها وراح عني ذي الالم وخصوصا الم الصدر والثقل الصدر والم وسط الصدر والكتفين

من باب الاحتياط جيكي جرثومه المعده عن طريق النفخ واذا مافيج يعني هذي كلها من نفسيتج

وياليت اختي تشترين من الحواي ماي اللقاح ترا ينضم دقات القلب ويريح النفسيه وااايد

واول ماتقعدين من النووم اكلي لج قفشه عسل او تمر

ماعليج شر يالغاليه

اهلين اختي الله يعينج

بس لاتفكرين واايد وحاولي تشغلي وقتج واستانسي بسفرتج

وجع الراس طنشيه قد ماتقدرين لانه يتعب النفسيه وايد

واكثري من قول سبحان الله الذي لااله الاهو الحي القيوم

ماتشووفين شر

اليوم موعدي مع الدكتور واايد ارتاحت نفسيتي

باختصر لكم كلامه اليووم عشان انتو بعد تترتاحوون اكثر

اولا نوبات المرض ماتعتبر مرض نهائيا اهو فقط سي دخيل يتطفل على حياتج والانسان كل مارحب فيه

وماقاومه راح يغلبه ويتمكن منه ومايطلع من دائره الهلع

ثانيا المرض ماسبب الموت مهما كان المرض في اشخاص يعانون من الضغط والسكري وامراض القلب ويدرون انه

راح يسبب لهم جلطات او الموت باي ووقت لكن تشوفون انهم عايشين حياتهم ولايفكرون لانه عندهم اعتقاد انه المرض موب بنهايه

الانسان لازم يقاوم ويسعى عشان يتغلب على الا هو فيه والمووت بيد الله سبحانه وتعالى يما انسان صاحي معافى بلحظه يموت

وهو صاحي مافي ولاشي فعشان جدي اذا يات نوبه الهلع طنشوا ولاتخفون حالكم اكثر خلو فكره حلوه في بالكم اني انا سليمه

وبكل صحتي وهذا مجرد كذبه وراح اتزول وبتسمو ابتسامه عرريضه لها راح تتعير نفسيتكم كثير

الشي الثالث لازم تمارسو رياضه اي رياضه ونصحني برياضه المشي كبدايه وبعدين اقدر اغير لاي نشاط رياضي

رابع شي اخصص يوم ليي حق مساج ادلع فيه نفسي عشان يخفف الالم الجسديه ويحرك دوره الدم

خامسا ارجع لطبيعتي شنو كنت قبل المرض من تصرفات واسلوب ولبس وكل شي

طبعا اعطاني جدول فيه مهام اقوم بها مثل الطبخ واعمال منزليه الرياضه زياره اهل والاصدقاء والتسوق
اللعب مع الاطفال ههههه ماعندي يهال من وين اتسلف واكتب في كل خانه شنو النفسيه واعطي نفسي درجه
على كل شي سوويته ورضيت عنه

طبعا قال لي قصص واايد حلوه عن اشخاص صارعوا المرض وتعافوا

استغفر الله الخخوف يشتد ويروح اوقات الهى وانسى
واوقات احس رقبتي ترتجف من الخوف =((

حبيبتي الفراشه كلاااامج يجيب التفأل واستفدت منه واحد خصوصً المره اللي فاتت لنا علمتيني تمرين الاسترخاء الشهيق والزفير مع حركة اليد ،،،
انا معاج ومع كلاااام الدكتور ه السوووالف الخلوه تظبط معاي لم اكون طبيعيه ومن تجيني الخاله اختبص فووق تحت وكل الكلام الحلو يتبخر ههههه مو بيدي والله ):
وبخصوص الاطفال تبين اسلفج بناتي هههههه عشان ساعه وحده وترجعينهم لي ماتحملينهم (( الله يخليهم لي )) ع طاري الاطفال انتي متزوجه وكم عمرج اذ سوؤالي يسبب لج احراج تجاوزيه ؟!
خليج جذي متفائله والله كريم ان شاء الله

اهلين

ان شالله اختي والله يشافينا اجمعين
اهلين

الله يعينج وتحملي ولاتوترين نفسج اكثر خلج دوم مرتاحه وياليت تشربي بابونج

طمنينا عليج
اهلين هههههه والله هالرثومه موب مخليه احد في حاله

والحمدلله انها عرفت مرضها بسرعه عشان لاتتعب نفسيتها اكثر

انا الازود علي ماعرفت مرضي كنت اتنقل من اخصائي للثاني وزاد عنطي الهلع

وبقولج شغله اذا اي احد ياب طاري الموت جدامش اضحكي وتكلمي انتي بعد بالموضوع

لاتخلين الشيطان ينكد عليج

ماتشوفين شر يالغاليه

هلا اي والله اذا احد يعطيج كلام حلو يعطيج دافع وبعدين من اول نوبه كل شي يرجع مثل ماانتهئ
لكن المغروض ماتعطين الوسواس جانس يوسوس لج ويهد عزيمتج
ههههههه بيه تبين تفكين عمرج شوي من عيالج لاماكو مجال رفيجت امي تيب احيانا عيالها

بلاعبهم شووي ماحب العاب اليهال احس هباله ههههههههه

بنسبه لسؤالج اختي مافي احراج ابد انا يالغاليه مخطووبه وكذا مره اجل الزواج

واللحين انتظر الهلع والمرض يفكني واتهيأ نفسيا للزواج ادعي لي