اخوي هل عندك وظيفة أو تدرس .. لأنها تفرق في النفسية ..
أنا حاليا أدرس و بديت آحس باختلاف الأيام .
وبديت أنظم جدول نومي وحياتي بشكل عام .

+ كم لك من يوم أصبت بالفصام ؟ هل الفصام يسوء مع الانتكاسه أم انها ترجع نفس أعراض المرض ؟

عندي وظيفه تقريبا اجلس ساعه وحده وامشي بسبب الشغل خارج المكان ووظيفتي ما اطلع برا معاهم اداري انا

الانتكاسات السابقه تكون اخف من الي قبلها مرتين انتكست والحمدلله على كل حال



لي 4 اسنين بمرض الفصام الحمدلله على كل حال


المشكله لا احساس بالمتعه ابدا ابدا اططلع واروح واجلس بالحديقه مع العيال ولا فيه متعه ولا شي حمدلله حمدلله حمدلله على كل حال

يعني عايش حياتك طبيعي تشتغل وتطلع تتمشى
وماعندك هلاوس الحمدلله
بس مشكلتك الوحيده هي إنك ماتحس بالمتعة
..
افتح موضوع إنشاء الله يفيدونك الاخوان
اللي عندهم خبره هنا
ممكن بتغيير الادوية يتحسن الموضوع .

أنا لي سنة مع الفصام و أستخدم انفيجا 100 مل حاليا الاحساس بالمتعه عندي قليل وليس معدوم .
مرت علي فتره سابقة كان عندي شعور تام بالفراغ واستخدمت أدوية إكتئاب و تحسنت الحمدلله.
الاكتئاب اللي عندك يحصل لك مع الانتكاسه مؤقت أو مستمر من يوم أصبت بالفصام ؟

الاكتئاب مع الفصام وقبل الفصام كان موجود كانت ضيقه مستمره الله لا يوريك الحين الحمدلله ماحس فيها بس المشكله لا شعور ولا احساس بالمتعه اما بالنسبه للهلاوس لا مافي بس اذا انتكست احس فيها


على العموم الحمدلله على كل حال


بالنسبه للتغير علاجي صعب جدا والدكتور ماظن يرضى



والله متقبل كل شي بس مرات الواحد وده يحس نوع من انواع المتعه لو قليل



مشكور اخي بخير رغم كل شي على الردود

ياخوان انا اشك الي فيني فصام مو اكتئاب
وربي مافي متعه بلحياة احس كل شي متساوي عندي ورمادي اللون
ياخي قبل انا نشيط وافكر ومبدع الحين كل شي ميت فيني !!
حاولت اسوي علاقات مع الناس واطلع من الجو الي انا فيه وافشل !!

جربت لوسترال 3 اشهر حسيت انه تحسنت بس ياخي خلاني اتعب زيادة صح انه عطاني دافعيه بس ماحسيت انه رجع لي متعه وطعم الحياة

مدري انا تايه مدري وين اروح تعبت

تحياتي لكم اخواني اهل نفساني الكرام
لماذا اضافة ابيليفاي الى ريسبريدون بأي جرعة كانت
تسبب رجوع الهلاوس والاعراض الذهانية
لمرضى الفصام
حد عنده معلومة وشكرا

ووح دكتور شاطر واشرح له
اتمنى انك تشفى باسرع وقت الله يشفيك اخوي ماعندي غير هالدعوه اقدمها لك ):

ليش ساكتين؟

.......
الحمد لله الى حد كبير اتحسنت
جزاك الله خيرا اخي
ربي يعافيني ويعافيك وكل اهل نفساني
.........
قلقان فقط من الجمع بين مضادين ذهان
ريسبريدون ٤ مج قرص
اريببرازول ١٥ مج قرص
مع كوجينتول ٢ مج قرص
ربنا يسترها

السلام عليكم ..أخواتي حبيت أفيدكم
أنا تناولت عقار سيبرالكس (إسيتالوبرام) سبب لي نعاس شديد تقريبا ٢٠ ساعه نوم واستمر العرض أكثر من إسبوعين
بدله الدكتور لي بشركة ثانية زيلاكس (إسيتالوبرام) تحسنت كثيرا ولم ألاحظ أي أعراض مزعجة مع أنهم نفس المادة الفعالة

سلام عليكم


شلونكم اخواني حبيت اسلم اسال عنكم


انا ذبحني الفراغ والفصام معاً


الحمدلله لا اشكوا لناس بل اشكوا لرب الناس




حبيت اسلم بس .

وعليكم السلام و رحمة الله وبركاته ..

الحمدلله بخير
بالنسبة لي وضعي أقرب للطبيعي وغير لي الدكتور العلاجات
ومتفائلة بنتائج أفضل بإذن الله
بالنسبة لشعورك بالفراغ قد تكون المشكلة بكمية جرعات الأدوية ..راجع طبيبك لحلها بإذن الله ..
مررت بهذا الشعور سابقا ومر بحمدالله بإستخدام علاج للإكتئاب .

ما هي المشكلة اللتي تشكو منها حاليا غير الفراغ ؟

اهلا وسهلا بك اخي بخير رغك كل شي

نعم احس بفراغ بسبب الادويه جرعات عاليه


30 ملي جرام ابليفاي صارف لي الدكتور ومع ابره كل شهر 150 ملي جرام

المشكله الثانيه الي مو راضيه تروح هي المتعه وشعور والتلذذ بالحياه


بس لما اجلس لحالي تجيني الله يعين



الحمدلله على كل حال اخي بخير رغم كل شيء

هل تستخدم أدوية إكتئاب ممكن الجرعه قليله
بالنسبة لخلط دوائين بهذه الجرعات
أقترح عليك أنك تفتح موضوع في منتدى الإكتئاب وتذكر مشكلتك
وأدويتك هناك فيه أخوان عندهم خبره ممكن يكون شورهم لك أفضل مني ..

الله يطيب خاطرك ..

السلام عليكم
كيف أحوالكم ..

أنا مع العلاج حسيت بقلق
وقالي الدكتور أن بنزكسول وكيمادرين والأدوية المشابهه
مقطوعه وبعضها راح ينقطع تماما
وش البديل هل يكفي استعمال الإنديكاردين (اندرال)