لا . بس خلي دكتورك يكتب تقرير عشان لو طلبوه المطار تعطينهم ، التقرير فيه كل شي و عن اسماء ادويتك

سفرة سعيدة تروحين و ترجعين بالسلامة

إن شاء الله الله يسلمك

كم ياخذ التقرير من وقت يعني بنفس اللحظة
ولا يحتاج أيام

انصحك تاخذين تقرير وطلعيه سبوع او اقل ويطلع انا حصل معي موقف بالمطار وطلبو التقرير سهالات وسفره ممتعه ان شاء الله تقرير انقليزي اذا بتروحين دولة غير عربيه واذا عربيه تقرير عربي بس سلامتك

الله يسلمك
فعلا قالوا لي ٥ أيام والتقرير يكتب بس باللغه الإنجليزية

كمريض فصام عند السفر ..
وش المشاكل اللي ممكن تواجهها ؟
شي تمنيت تاخذه معك ؟ غير التقرير الطبي
الأدويه هل ضروري تكون في علبها الأساسية ؟
شئ آثر فيك سلبا السهر .. فقدان الشهيه .. المشي .. الخ

أهم شي تكون علبة الادوية هي هي اللي داخلها 😂 مش اقراص ابلفاي في علبة الديباكين يعني تكون العلبة داخلها اقراصها ما هي ملخبطة . اذا كانت اكياس لازم يكون عليه شريط عليه اسمك و اسم الدواء من المستشفى و اصلا هو المعمول به في كل المستشفيات النفسية بس اخونا في الله اما لخبط و الا حاب يختصر و مستعجل و هذي ما تمشي عند أمن المطار . بس انا كنت جايب ادويتي و و الله ما قالوا شي بس دخلت الشنطة في الجهاز و قالوا درب السلامة .

السهر اكيد هذا شيء مفروغ منه في السهر و بتكلم عنه بعدين .

الشهية اهم شي تاكلين لان الجوع الكافر ما يرحم و لو ان الجوع رجلا لقتلناه لانه فعلا يخرب المود بشكل ما يتصور .

المشي من احسن العلاجات و لو تخلين فيها ربع دقيقة ركض أو نص دقيقة تركضين فيها يكون زيادة خير خيرين و الفايدة راح تصيب الهدف ، اذا كنتي قلقانه مالك حل الا و ضروري انك تطلعين من جو الناس و تنعزلين بالمشي احسن لك .

بخصوص النوم اذا فقدتيه عن جد ف لازم منوم لان الاحساس انك ما نمتي و كنتي مرتاحة في النوم او الخوف من انك ما تنامين يرفع الادرينالين و الكورتيزول بشكل عنيف و تنعفس حياتك الله لا يعفسها عليك .

اتمنى لك كل خير

شكرا على هذي النصايح المفيده 😀

شكرا بخير رغم كل شيء

والله تعبت


ابي اشعر بحياتي قبل لامسكت التلفون او الجوال احس بشعور مثلا اخش تويتر واحس بشعور البرنامج وادخل سناب واحس بشعور البرنامج


فما بالك الطلعات والجيات


الان الشعور شبهه معدوم او معدوم كلياً


كل شي زين بالنسبه للفصام لكن الشعور والمشاعر مهي موجوده


تكفون ساعدوني وش الحل ابي حل جذري


هذا مو اول مره اكتب فيها عن الشيء ذا


اتمنى تساعدوني

أنا نفسك
مافي حماس ولا شعور ولا فرح ولا حزن ولا عندي انطلاقه بالكلام و قطعت صديقاتي
ولكن بعد ما خفضت أدوية الذهان رجع لي بعض الإحساس صرت أحسن من أول
كلم الدكتور قل له أنك مو مرتاح أنا لما كلمته خفف لي الأدوية

ما أقدر أقولك تستغني عن الدواء الفلاني أو تغيره لدواء ثاني لأن الدكتور أدرى بحالتك

وفيه فتره زمنيه بعد كل إنتكاسه يبدا الدكتور فيها بالتخفيض مثلا سنتين من بعد اول إصابه وخمس من بعد ثاني إنتكاسه ،،أسأله متى يبدا بتخفيض الأدوية لأقل جرعه فعاله

او يوصف لك علاج ماتحتاج معه مضاد ذهان ثاني مثلا كمنوم

الدواء يخفض الدوبامين المسؤول عن السعاده والحماس وهو ايضا المتهم بالمرض
لكن اكتشفوا دواء جديد ما يقلل الدوبامين ويقضي عالمرض إذا نجح راح يصدر السنه الجاية إن شاء الله
نصبر لين الله يحلها

الله يعافينا واياك هذا اللي عندي إن شاء الله يفيدونك الاخوان

بعدين لازم تسأل الدكتور عن الابره اللي تاخذها كل شهر وش هي وكم جرعتها لازم يكون في وضوح في موضوع علاجك وتواصل فعال مع الطبيب لازم يشوف جديتك فالعلاج أنا كنت آخذ إبره وكان مخبي عني مرضي وكل زياره أسأله بإصرار لين ما علمني وأناقشه في الادويه اللي تناسبني واللي تتعبني أعراضها الجانبية ،،
لأن روحتنا للدكتور يضاف لروتينا كمرضى فصام ولابد ناخذ راحتنا ،،عشان تمشي أمورنا

راح اكلمه في الموعد الجاي ان شاء الله


يعني الحين مرضى الفصام اغلبهم مايحسون ويشعرون هل هذا شي طبيعي بسبب المرض والادويه ولا بس اناً؟

السلام عليكم ورحمة الله وبركاته اعضاء نفساني اسءل الله لي ولكم الشفاء تجاربكم مع جنبريد 200 وهل هو نفسه الدوجماتيل.

أنا قد سألت نفسي هذا السؤال
شكلنا كلنا نفس الوضع
بس للامانه عندي نسبه إحساس وشعور بسيطه

السلام عليكم
يا إخوان من منكم يعرف سبب الدوخه أو الدوار المؤقت بعد تخفيض أدوية الذهان