والله شلون جاتني هذي قصة لو اقولك يمكن تخاااف منها
هاااه اقولها والا لا؟ |
انت اكتب شلون جاتك وانا اكتب شلون جاتنى بالتفصيل
|
انا بدايه الموضوع حسيت بضربات قلب سريعه ليش ما ادرى وانام نص ساعه واقعد من النوم صار فينى توتر جامد مادرى ليش ومن شنو قلت اروح المستشفى رحت المستشفى سويت تخطيط قلب ولفيت بالتخطيط على 3 اطباء كلهم قالولى مافيه شى الا دكتور واحد الله يسامحه قالى مافيك شى بس عندك ضربات قلبك سريعه وعطانى حبوب لتخفيف سرعه ضربات القلب من هنيه خفت اكثر واول مارديت البيت فتحت النت وعلى طول كتبت بغوغل خطورة سرعه ضربات القلب والله قريت كلام يشيب الراس لانه هالمعلومات لناس ثانيه مرضى بالقلب مو لنا جان تصير حالتى من سئ الى اسوأ ويومين عينى ماذاقت النوم والى زاد الطين بله انى كنت بروحى فالبيت اهلى مو عندى المهم رحت للدكتور لين ماقلتله قولى شنو فينى قالى فيك هلع وقالى هذى الحبوب اكلها وراح توخر عنك كل الى انت فيه وتخليك تنام على طول
ودشيت النت وعلى طول كتبت هلع وقريت الحالات والناس الى تقول شنو فيها لقيت الى فيهم فينى ارتحت حيل لانى عرفت ان هالشى عادى مو سكرات الموت هههههه واكلت الحبه الى عطانى اياها الدكتور وعلى طووووووووول نمت وارتحت فالنومه وصحيت من النوم وتفطرت لانه كان رمضان المهم استمريت على الحبوب اسبوع وبعدين قالى الدكتور انت صرت زين وبطل الحبوب والمفاجأه ان هالحبوب كانت فيتامينات يعنى قص على الدكتور كان بس يبى يعطينى شى يخلينى نفسيا يريحنى وفعلا هذا الى حصل وارتحت نفسيا على الحبوب واهى مجرد فيتيمينات عاديه من الصيدليه وبعدين خفت حيل وتحينت حالتى ولله الحمد |
في يوم من الايام بعد صلاة العصر شغلت سيارتي واتجهت من الرياض الى مدينتي ( اكثر من 380 كيلو عن الرياض )
و وصلت هناك بعد صلاة العشاء مباشرة . نزلت الاغراض الي معي وصليت المغرب والعشاء واكلت وجبة خفيفة ثم اتجهت عائدا الى الرياض حوالي الساعة 11 ليلا . بعد حوالي 40 دقيقة ( 80 كيلو عن مدينتي ) حسيت بحرارة تمشي في كل جسمي وصعوبة في التنفس وخفقان في القلب . حاولت اتصل على احد لكن جوالي ما فيه شحن . تخيل كل هذا وانا في الصحراء ليلا و في الطريق لوحدي وما فيه اي سيارة لا من قريب ولا من بعيد . والله العظيم خفت خوف ما يعلم فيه الا الله لدرجة اني استسلمت وقمت اتشهد . وهذي بداية الهلع معي |
وبعدين شصار وشلون عرفت ان الى فيك هلع
|
قعدت اعاني تقريبا شهرين او 3 شهور وانا ما اعرف ان الي فيني هلع
بس في النهاية قالي احد الزملاء ان فيك قلق و نصحني بالذهاب الى الطبيب النفسي |
والله هذا طبيب ممتاز الي قص عليك
خخخخخخخخ |
اقتباس:
|
الله يعينك 3 شهور لا انا الحمدالله يومين وعرفت وتلاحقت نفسى الحمدالله
|
يا رجااال الحمد لله على كل حال
|
اى والله الحمدالله على كل حال الله يتمم علينا الشفاء اجمعين يارب
|
آآآآمين يارب العالمين
|
بوناصر انت جم سنه تاخذ العلاج ومتابع الدكتور ولا لا ومتى قالك ممكن تترك العلاج ؟؟؟؟
|
ههههههه
يا عمي اي كم سنة ؟ انا صار لي 4 شهور اخذ العلاج ومتابع مع الدكتور الحمد لله |
اى صح نسيت ابو على الى 3 سنوات اعتقد انزين قالك بعد جم تترك الدوواء
|
الساعة الآن 06:32 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا