شسالفه اكتب الرد اول ما انزله بالصفحه القاكم رادين علي بعض ثلاث ردوووود لهدرجه انا بطيئ
وبعدين تعزمون بعض وانا بينكم اعزم وارد وكاشتين فيني ) :
لووووووول صج هههههه

متى ؟

انت بطئ شنسوى فيك وبعدين انا وانت واحد اتكلم باسمك
شكل كمبيوترك صخر القديم ههههههههههه

والله ياخوى الله العالم بس اذا الله كتب ان شاء الله
باقرب فرصه قول ان شاء الله

عزيزي ليش لا شكرا علي التنبيه

مايحتاج انا وياك واحد تكلم بالانابه عني 00 بس الله الله بردود السنعه والمقابل الزين مايحتاج اوصيك وانا اخوك هاه
كمبوتر صخر سمعة فيه وماشفته ههه والضهار لاب توبي صخر وانا ما ادري ههههههههههه

والله ياخوك مادرى عندى مشاكل فالشغل لازم احلها انا ناوى ان شاء الله اروح العمره وطريق العمره الرياض وان شاء الله نمر عليك بس لما تسمح الظروف ان شاء الله

لاتوصى حريص ياخوك بس مارديت على سؤالى 3 مرات سالتك ومارديت قولى شلون العلاج والنوبات معاك ان شاء الله احسن

لاخلى ولا عدم قول وفعل ماقصرت والله ان شاء الله بتنحل باذن الله بس تاخذ وقتها الطبيعى والله كريم

تسأل عنك العافيه 00 والله بخير ماشي حالي يعني يوم زين ويوم لا والحمد لله علي كل حال 00 العلاج والله زين بس عيبي ما انتضم انام كثيييير واخربط بوقت العلاج يعني لو اعدل نومي واكل العلاج بوقته انا بخييييييير بس ادعولي انتم

عسى الله يشافيك يارب والمسلمين يارب العالمين

امين الله كريم
وانت شلونك ولا الحين عند الدكتور سيد 00 وماجنك احسن من قبل طمني عنك

انا الحمدالله ردت على الحاله اقوى من قبل بس صارلى كم يوم تمام واليوم احسن حيل ولله الحمد
بعد التزمت بالصلاة فالمسجد تغيرت نفسيتى 180 درجه والله اللهم لك الحمد على كل حال

سلامتك وترا الهلع يخلي حياتنا فيها تعرجات يعني يوم زين ويوم شين مانكون علي وتيره وحده بس طمن نفسك اذا مر عليك يوم مو حلو ومتضايق تأكد انك بعدها بتكون احسن 00
واحلا خبر سمعته انك التزمت بصلاة الله يثبتك ويقبل منك طاعتة والله يافرجها علينا ياخوي

امين اجمعين اى والله ياخوك الصلاة بالمسجد فرقت معاى كثير وخصوصا صلاة الفجر والله العظيم انطرها من كثر ما انا ينشرح صدرى لما اصلى الفجر بالمسجد الله يثبتنا يارب

صادق والله

الله يثبتنا اللهم امين

يارب تشافينا اجمعين من هالمرض يارب وتفرج همومنا وتشرح صدورنا وتصبرنا على البلاء يارب
ان شاء الله تكون تكفير ذنوب
البلاء مايهد المسلم الا ويخليه يمشى بدون خطيئه لتكفيره الذنوب


يقول الله تعالى :

وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ (156) أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ (157) - سورة البقرة



و يقول عليه الصلاة والسلام :

))ما يصيب ُ المسلم َ من نصب ٍ ولا وصبٍ ولا هم ٍ ولاحزن ٍ ولا أذىً ولا غم ٍ، حتى الشوكة يشاكها إلا كفر الله بها خطاياه ))

شباب في احد موجود

انا شفيك عسى ماشر

ابناااااام وحنقتني العبره

تذكرة يوم انا اصغييير وتذكرة الحياة شلون كانت حلوه بعيني لاهم لاوساس لاتعب 00
كنت احس بسعادة اي شي يفرحني ياالله شعور حلووو اتذكر واحس اببجي

شوف يابوعلى قوم توضى وصل واسجد وادعى ربك وطلع الى بقلبك ابج خل دموعك تنزل بالسجود وصل مره ثانيه وراح تقوم وتدعيلى
انا مجربها صدقنى البكاء دواء فعااااااااااااااااااااال
قوم توضى وصل ركعتين سو الى اقولك عليه
وانا ناطرك وماعليك الا العافيه صدقنى
لاتنسى تدعيلى هااااا :)

والله مرت على هاللحظات يابو على اتذكر قبل وشلون السعاده الى كنت فيها وتخنقنى العبره والله بس لاتخاف يابوعلى الله يختبرنا صدقنى وماكو دنيا من غير مشاكل ولا زعل يوم فرح ويوم زعل ولو ما الزعل كان ماحسيت بالفرح ياخوى والضيقه صدقنى بتروح لما تسوى الى اقولك عليه وتعال وفضفض وقول كل الى بقلبك انا معاك ياخوى ماراح اخليك

ولا تنسى تدعيلى ....

وانا بقوم اصلى ركعتين وادعيلك يابو على وكل الله ياخوى ماكو الا الخير

والله اخوى صلاح بدعى للاعضاء كلهم وان شاء الله لك نصيب بالدعاء

ابصلي ان شاء الله 00
والله تعبت يابو عبدالله قلبي كله حزن 00 يارجل اتذكر قبل ايام الطفولة يالله اخواني نعلب يالله الحين كبرنا كل وااااحد مشغول في هالدنيا 00 يالله

فاهمني ابو عبدالله تذكر وانت صغير شكان احساسك والفرحه الي تحس فيها والحين شلون الفرق 00 تحس نفسي بهاالشعور

ربنا يتقبل منك ....

وييييييييييه انت تدرى انا من كثر ماحسيت بهالشى شكنت اسوى والله كنت ادور بالنت على الرسوم المتحركه الى كنت اشوفها وانا صغير واطالعها واتذكر حلاوه زمان وراحه بال زمان والحياه الحلوه انا كنت اتعذب والله يابوعلى من الحزن والهم عافانا الله بس والله ياخوى كنت اتذكر هالايام واتحسر على نفسى الحين تدرى مره زعلت حيل وسمعت اغنيه صدفه بالتلفزيون ردتنى ايام اول وشلون كان البال فاضى اسم الاغنيه ( بتروحلك مشوار) تذكرها بوعلى والله سمعتها ورجعت صغير
بس صدقنى كل هذا الى انت فيه علشان لما الله يريح بالك ويرزقك بدال هالهم فرح ويقلب الزعل ابتسامه تتذكر نعمه الله عليك

اذكرها ااااااااااه عزااه يابو عبدالله اي والله كان البال فاضي والدنيا حلوه 00 اللي ذبحني ااخواني ابو عبدالله ياخوي قبل نضحك ونعلب وحتا ايام المراهقه نسولف علي بعض ونتغشمر الحين كل شي جد واحس التعامل رسمي بينا مو نفس قبل تحز بخاطري واجد ودي علي ميانتنا قبل علي بعض ااااه يالله 00 الله كريم الله يفرجها علينا وعليك ياخوي

بشرنى صليت وطلعت الى بقلبك بالصلاة ولا ماقدرت

كل وقت وله اذان يابوعلى الكل يتغير والناس تكبر والتعامل غير كلنا نفس الحاله انت عندك خوان وانا عندى بس زعلان من التعامل الجد غيرك يابوعلى ماعنده خوان وحيد احمد ربك على النعمه الى انت فيها ترى والله عندنا نعم من الله بس مانحس فيها لان تعايشنا معاها الحمدالله على كل حال ياخوى احنا احسن من غيرنا بمراحل والله بمراحل الى يشوف مصيبه غيره تهون عليه مصيبته

ابروح المسجد اصلي صلاة الفجر اذن الاذان الاول الصلاة مابقا عليها شي وابصلي هناك واقرا القرأن ان شاء الله
وان شاء الله لك مثل اجري عند الله لانك نصحتني بصلاة الله يرحم والديك ابو عبدالله 00
بروح المسجد وارجع وانت ابو عبدالله صل بالمسجد جزاك الله خير 00 والوعد اهنيه ان شاء الله

ان شاء الله الله يتقبل منك يارب بعد الصلاة ان شاء الله موفق يارب

الف الحمد لله علي نعمة الله يخليهم لي ويخليلك غالينك اللهم امين

بشر بوعلى عسى احسن الحين