مع احترامي للطبيبين المذكورين
الا انه بالنهاية كم جملة للتطمين ماتستغرق خمس دقائق
بعدين يصرف لك سيروكسات
ارجوا ان تبحثوا عن طبيب يسوي لكم جلسات سلوكية
ليست واحدة بل على الاقل اربع جلسات في كل اسبوع جلسة لمدة ساعة
حتى تشعروا بان الخوف بدا يزول بالتدريج
ولاتنسوا ايضا جلسات التنويم الايحائي فهي مفيدة ايضا
وهي موجودة عند الدكتور حمود العبري بالرياض
واتمنى لكم الصحة والعافية
هذا بالاضافة الى الدواء ان احتاج الامر

اخي ساهر مع الالم وان شالله انك ساهر مع العااافيه
انت تقصد الدكتور السبيعي
صح انا جيته اكثر من مره وصرفلي سيروكسات ولكن لم استخدمها سوا اسبوووع فقط وقفتها
قبل سنه
ولم استخدم اي علاج ولكن الدكتور محمد خان انا ماجيته فيه ناس تعالجو عنده ولان شكرو الله في اتم الصحه والعاافيه
الدكتور حمود العبري انت تعالجت عنده
بعدين الدكتور العبري انا سمعت انه توه متخرج ماله اكثر من سنتين عكس الدكاتره اللي ذكر ت لك
طيب والتنويم الايحائي مافهمته وش الفايده منه وكم يستغرق التنويم من وقت
انت وين تعالجت فيه وين الدكتور اللي تقدر تقول انه مخلص
لك ارق تحيه

ساهر مع الألم والله كلامك صحيح
أنا اعرف واحد راح للسبيعي ونفس الكلام اخر شي عطاه كيسة ادوية نفسية
وهذا اللي مخوفني !!!!
ماابي ادوية ابد
ابي جلسات زرع الثقة بالله وبالنفس
احس هذا اللي ينفع معي !!
الله المستعان

اخي بندر سعد
اتمنى اروح طبيب نفسي
بس اخ ليتني اسوق بي!!

اختي تهاااني
ممكن سوال
انتي وش اللي تبي بالضبط لاشيح ترووحي يقرا عليك ولا دكتور نفسااني ترووحي ليش مافيه احد يوصلك
يااختي صدقيني انك على هذه الحال تتعبي
ونصيحتي لك انك ترووحي لمستوصف الشريف وتاخذي جلسات علاجيه يعني علاج سلووكي فيه كذا دكتوره هناك
على مستوى عااالي وبالنسيه للعشبه انا استخدمها لي اكثر من شهر ماشفت شئ وااضح
لكن نصيحتي لك انك تروحي لدكتور وترتااحي بامر الله
لك ارق تحيه
بندر

اخوي بندر سعد
أنا رحت لشيخ وقرا علي وقال الأمر نفسي 100%
ومافيني عين ولا سحر ولا اي شي
وقال هذا اكتئاب او رهاب او شي نفسي
طبعا فهمه على قده ...

لكن اتمنى اروح لطبيب نفسي ولكن كل اللي حولي مايؤيدون هالشي
واولهم زوجي
الله يهديه
بيوديني ااخوي يازوجي ياابوي وكلهم رافضين هالفكرة
فقلي كيف بروح؟؟؟

هذا شئ حلوووووووو يااختي العزيزه
ليش قلت حلو الانك عرفتي اللي فيك
يعني أضطراب نفسي هذا هو نصف العلاج ان المريض يعرف ماهو مرضه
يااختي والله العظيم انه منتشر المرض هذا في كل مكاااان يعلم ان اعرف أثنين من الزملا ملتزمين واهل تقوى واهل طاعه وان شاالله كلنا اهل طاعه لله والله يعانون مثل مانعااني منه
ومن ضمنهم شخص معي في العمل جلست معه في رمضان وقلت انت وش فيك وش قصتك الايام هذي متغير علي شوي
قالي هيك وهيك وهيك وطلع نفس اللي انا ااعااني منه هو يعااني منه وانا لو احد قالي ان الشخص هذا فيه نوبات الهلع ماصدقت لاكن هو قالي بنفسه يعني هذه نوبات الهلع منتشره مع العاااااام كله مش انا وانتي وبس يااختي
وانا ياتهاااني يعلم اني رحت لكثر من شيخ وكذا شيخ جيته عنده ذمه وضمير تدرين وش قال قال انت مافيك شئ انت معك نفسيه بس حاول انك تغير من و ضعك وإلا راجع دكتور نفساااني
وراجعت اكثر من دكتور نفسااااني وقالي انت معك قلق ونوبات هلع
فعلا صرفولي علاج لكن لم استخدمه هنا السوال ليش مااستخدمت علاج الله واعلم لاني احس مرات حالتي تكون عالي العال واقول مايحتاااج علاج رغم الوسوسه اللي معي وانا اعمل في مستشفى والعلاج عندي في الصيدليه مايحتاااج اشريه ولله الحمد
والشئ الثااني انا اذا جت الحاااله اقدر اطلع امشي وروح استراحات اغير المكان اللي انا فيه وتخف الحاله معي ولله الحمد
لكن انتي بنت وين ترووحي تطلعي من بيتك ترووحي وين
وانا نصيحتي لك ياتهااااني تزوري اي دكتور
اذا انتي ساكنه شمال الرياض قولي اوجهك لدكتوره في شمال الرياض
حاولي قولي انا بروح لمستوصف وفيه مستوصف فيه دكتور كويس في الرياض
اذا تبي اوصفلك مكان المستوصف ماعندي مانع لكن تبيقي على هل الحاله والله ياتهااني ماودي انك تبقي على الوضع لانه رايح يتعبك تعبنا واحنا رجال نقدر نطلع ونروح كيف انتي وانتي بنت دايم في البيت
لك ارق تحيه
بندر

اشكرك اخوي بندر على مشاعرك
وفعلا كلامك صحيح
أنا صعبة أطلع مثلكم بأي وقت ابيه !!
لكني احاول اتصل تلفون بأحد أحبه مثل صديقاتي او بنات عمي ...
احاول اشغل روحي بشي بالبيت اكنس اكوي اي شي المهم ألهي عمري!!

ومن ناحية منتشر فهو منتشررررر مرررررررررررة
وكل يوم أكتشف أحد فيه هالمرض وأكثر شي للناس المحبوبين راعين النكتة
والله شي غريب !!

اخوي بندر واختي تهاني
كل عام وانتم بخير
اتمنى تكونوا بصحة وعافية
واسف على تاخر الرد
اتوقع والله اعلم
اننا بحاجة الى الجلسات الجماعية
بالاضافة الى الجلسات الفردية المطولة
شوفو انتم لما عرفتوا ان فيه احد يعاني مثلكم ارتحتوا شوي
اتوقع المصاب بنوبة الفزع هو يعتقد انه الوحيد التعيس في هذا الكون
بينما الدنيا فيها الملايين ممن عندهم هذه الحالة
في العلاج الجماعي يستطيع المريض
ان يعبر عما بخاطره ويقاوم الخوف والفزع
وسوف يكون الامر هينا له لان من حوله يعانون مشكلته
في نوبة الفزع هناك صراع عنيف بين العقل والواعي والعقل الباطن
نلاحظ فيه ان العقل الباطن هو المتغلب على الاكثر
لان هناك برامج عقلية سلبية مخزنة في العقل الباطن عن كل تجربة سيئة او فاشلة حدثت للمصاب
وكلما تكرر الموقف العقل الواعي يستدعي تلك ةالملفات من العقل الباطن فيجدها ملفات سلبية
قيقوم العقل الباطن بارسال رسائل انذار قرب وقوع الخطر الى جميع انحاء الجسم
فيحدث الاضطراب ويزداد القلب خفقانا ويتعرق الجسم ويتلعثم اللسان ويحمر الوجه كل ذلك اشعارا بان هناك خطر حقيقي

والحقيقة انه خطر وهمي
..
من خلال التدريب على المواجهة نستطيع ان نمسح تلك الملفات السيئة
ونحل مكانها ملفات ايجابية
طبعا لابد ان يكون التدريب بالتدريج
لكن الامر يحتاج الى صبر ومثابرة

اعتقد منتدى نفساني وضع برنامج للعلاج الجماعي طبعا الرجال لوحدهم والنساء لوحدهم
بالتعاون مع مركز الدكتور ابو بكر يوسف
ياليت نلتحق فيه ونستفيد باذن الله

ولاتنسوا يااخوان كثرة الاستغفار في السجوود مع اطالته في النوافل
لان اقرب مايكون العبد من ربه حين يكون ساجدا
والسجوود حالة من الاسترخاء والتنويم الذاتي المرتبط بالخشوع مع الخالق سبحانه وتعالى

اتمنى لكم الصحة والعافية

شكرا اخوي ساهر مع الألم
وثريبا ستكون نائم قرير العين ولست ساهر
هههههههه

اخت تهاني :
عندما سجلت كل ماوضعت اسم لايقبل
فاخترت هذا الاسم على عجلة من امري
مع اني بعثت رسائل للادارة لتغير اسمي
ولكن لم اجد تجاوب
عموما الحمد لله على كل حال
الحمد لله انا اليوم
ساهر مع الامل

اناااااااااااااا اشهد انه اصحاب النكته هم الي يعانون
تفسير دقيق وعمييييييييييييييق جدا اختي تهاني

الله يشفيك

اعانك الله وشفاكِ