شطحةة ..
تدرون بديت احس انو عندي قولون عصبي :|
نفسس اعراضه اشوفها فيني .!!
شكلي لما اروح لمراجعتي بكلم الدكتور واقوله يسويلي كشف وعمل اللازم ..

الله يستر بسس *_*

الله يعين والله احس نفسيتي تعبانه كثير حصل حادث لجماعه من أقارب زوحي وتوفى خمسه وغير الئ في الانعاش صدمه كبيره جداً وانا احسن أني خائفه ومتلخبطه ووسواس الله يفرجها الله يرحمهم ويعين اهلهم اللهم اطل أعمارنا في طاعتك وبلغنا رمضان غير فاقدين ولا مفقودين

لآحوول ولاقوة الا بالله .. انا لله واليه راجعوون ..
عظم الله اجركم واحسن عزائكم وغفر لموتاكمم ..
الله يربط على قلوبكم وقلوب اهاليهم برحمته وكرمه ..

الله يعينك اختي ويذهب عنك شر الوسواس ويطيل عمرك وعمرنا في طاعته ..

اللهم امين يارب العالمين

اهلين

عساج على القوه بسووم

ولاتوسوسي وتقولي قولون

ومعظم الحالات النفسيه تعاني من القولون الغصبي لكنه

مب مرض عضووي خطير ياخذ مدته مع العلاج النفسي

وخللج مستمره على العلاج ولاتيأسين

مووفقه

ام الهلع

ياقلبي مايشفون الششر ان شالله

الله يصبر قلب اهاليهم ان شالله وتقر عينهم بشوفتهم

اللهم امين يارب العالمين

اختي ام الهلع

اذكري الله دووم ولاخلي تفكير الموت عنج

وكثري من التسبيح

امس كان اول يوم ليي في نادي السباحه

كان وايد صعب علي كنت متردده اني اروح

بس الوالده اصررت علي وطول الوقت وانا خايفه يدور راشي بوسط

البركه وبعدين اموت ومحد يدري عني

الحمدلله عدا ذاك اليوم على خير بس ماسبحت وايد يمكن نصف ساعه

لانه جتني حاله الدووخه وثقل الراس وحسيت انه قوه الماي ثقيله على صدري

وبسرعه طلعت واتصلت للوالده تمرني

وفي السياره كنت ابجي من قلبي ودمووعي غزيره ههههه اقول للوالده هذي موب انا

موب شخصيتي انا ماكنت جدي شنو فيني تعبت ابي ارجع ...... الاوليه

وصبرتني وهداتني وسوت لي بابونج مع عسل وقشر الرمان

وهديت شووي ورجعت ليي عزيمتي وقلت موب يأسه هذا موب اخر شي بعد

راح اتغلب على الا انا فيه ورجع مثل قبل واحسن ان شالله

بعد عندي يومين هالاسبوع في النادي وان شالله للاحسن


علما اني مخففه جرعه الزنكس اخذ نصف حبه الصباح وحبه عند النوم

ووموقفه كورس جرثومه المعده
دعواتكم

اهلين اخوي سلطان

ماتشوف شر وهذي حاله نمر فيها وتعبنا ولكن نقدذ نتغلب عليها باذن الله

بسألك هل كنت تشرب كوفي ووقت الدوام او سندويش أثر على معدتك

لانه ضربات القلب والكتمه وتحس انه قلبك بيوقف كله بسبب المعده

مووفق

مساء الخير

شلونكم يالغالين

اليوم يومي حلو وااايد حلو

صحيت من النوم واختي كانت مشغله سوره البقره

حسيت بتفاؤل وحتئ فطوري كانة غير طعمه

وماحسيت بدووخه بس لما صحيت من النوم راسي كلن ثقيل بس لما سبحت

راح شووي

بعد الغدا جتني دوره وكاني بيغمى عليي لاني فجاه وقفت وانا جالسه فتره

طوويله ورجعت لي الدوره اخسةكل ماالتفت انه راسي يدور بس كل شي حولي وااقف

فقط راسي داايخ

والعصر طلعنا البحر غيرنا جو ومشيت على ماي البحر واحس انه بدور راسي لكن مااعتبرت

وااصلت وانا اضحك ولاكانه فيني شي بس سبحان الله اهلي بسرعه يلاحظون ذي الشي

يقولون تعوذي منةالشيطان

والحمدلله عدا هااليوم على خير

والحلو انه الواحد يصارع مابداخله ومابنفسه من مرض واهم من هذا كله

لابد من يكون احد وااقف معاه ويشاركه همه

فضفضوا عن مابداخل القلب ترتاحواةكثير


دعواتكم


00``00`

اختكم فرجي قريب كانت مصابه بنوبات الهلع

عارفين شو علاجها ؟؟

ياجماعه علاجها التطنيش ؟؟ يعني اول ماتجيكم الحاله قولوا والله والله ماراح يصير شي انا دعيت ربي بطول العمر وانا واثق/ــه
من انه ماراح يموتني الان والله ماراح اموت الان والله

وربي صح هي احيانا تجي بدون سابق انذار لكن الاغلب انا تصيب اللي يجلس يفكر ويبدأ الخوق يتسلل لنفسه وتبدأ الاعراض تظهر وهنا خلاص يحس نفسه ان الموت جااااااااااااه من سرعه نبضات القلب .. بروده اطراف .. خوف شديد .. وكأنه احساس بسحب الروح والعياذ بالله فعلاً شعور صعب مخيف مرعب

لكن شوي شوي مره عن مره صدقوني راح تخف الاعراض الى ان تنتهي

يعني اخواني اخواتي اهم نقطه تسووها انكم تتصدون للنوبات الكاذبه هذي توااجهووها صدقوني ماراح تتجرأ تجي مره ثانيه

يعني حاولوا دايماً تهدوا انفسكم وماتتفاعلوا مع الافكار

انا نوبات الهلع ادت بي للوسواس تخلصت من النوبات وبقي الوسواس وراح اقضي عليه بفضل الله لأني متأكده

واثقه من ربي


اي مسااعده انا حااضره

ام الهلع ،،،
عظم الله اجركم وغفر الله لاموتااااكم
الله يرحمه ويشافي المريض ,,
الحمدالله ع كل حال وتعوذي من الشيطان وربج يفرجها ان شاء الله?

حبيبتي هلوعه ,,,
زين سويتي علي النادي وحطي في بالك دام عديتي اول يوووم بسلام
بيعدي باااقي الايااااام احسن ان شاء الله ،،،
بالنسبه انج وقفتي كورس الجرثومه ابي اعرف اذا تعرفين كم نسبة الجرثومه عندج بالتحليل ،،،
وعليج بفصين ثووم قصصيهم صغار وحطهم بالروووب وعلي الريق مدة 3 ايام ان شاء الله وفيها الشفاء من الجرثومه
انا ماسويتها بس ناويه اذا خلصت العلاااااج بسويها موعدي بأذن الله 24/6 واعيد التحليل وان شاء الله ربي بيشافينا منها

ياختي الغريب في حالتنا تمرين باأياااااام روعه من كثر ماانتي مطمئنه ومرتاحه وفجئه يجيني يومين يخربووون علي الاياااام الحلوووه من الخوف والقلق والوساوس ،،،
اسأل الله العفو والعافيه

اختي فرجي قريب

شاكره لج مرورج الحلو

ومثل ماقلتي التطنيش علاج لحاله الهلع

وبخصوص الرجفه ودقات القلب وبرودة لطراف نسيتها وماعده تجيني

الا متعبني فقط خنقه وضيق النفس وثقل الراس والدوخه

مووفقه يالغاليه

&&&

المعتصمه بالله

اهلين بالغاليه

ماادري انه الجرثومه لها اراقاام ونسب هههههع ماقالي الدكتور

المراجعه اليايه راح اخبره اهو وقف الكورس عشان اقدر لاسمح الله في حاله

انه الجرثومه مانقضى عليها يعطيني مضاد يفيدني ماايصير اشرب مضاد اكثر من. اسبوعين

بعدين ماايتفسيد منه جسمي لازم فتره رااحه وهذا كلامه طبعا

وراح عالاسبوع اجيك ارتجاع المرئ سونار اعتقد

بنسبه للثوم اخاف يزيد الحراره وانا الرووب مايناسبني حبيبتي يزيد للحموضه علي

مااقرب منه ابد وحاليا صرف لي pariet20mg لمده شهرين واايد. زين قبل الاكل بربع ساعه

بس غالي هههه

الله يشافيج وعافيج

آمين يارب العالمين

انا تعبانه ححيل من الهلع والخوف وكل شي
اثرت كثير على دراستي وبعد ساعه عندي امتحان وقلق شديد م ابغى اروح لان تجيني لازم ب المدرسه
تتعبني اختنق ودوخه ومعدتي تتعب وارهاق وبكاءء وخوف شديد
ابيكم تساعدوني اذا جتني كيف اتصرف ..؟

انا امس طلعت مع خواتى كانو مودين عيالهم ملاهي عشانهم نجحو واجبروني اروح معهم يقولون لمتى

بتحبسين نفسك وماتطلعين من هالحاله

كنت متردده مابي اروح ومابي اقعد بالبيت وبالاخير رحت معهم

طبعا كالعاده توتر وقلق وتوجس

يااقعد يااقوم مافي استقرار

اختى تقولي هدي شيلي الافكار من راسك لاتفكرين بتعب ولا دوار

بس غصب عني كنت ارتجف واهز رجلي طول الوقت

طبعا ملاهي اطفال واازعاج قوي حسيت راسي رج بي اكثر هههه الله المستعان

احس كاني بدوامه بزران وصجه والعاب وانا لاهيه في عالم الهلع والخوف

قاعده عالكرسي واحس براسي منا ومنا وماسكه نفسي واحاكيها واقول ماراح يصير شي

شوي قمت امشي مع عيال خواتى طبعا رجولي غير متزنه وادعي بقلبي يارب ساعدني يارب ساعدني


حسيت اني سويت انجاز عظيم بطلعتى حتى عيال خواتى ماصدقو اني بطلع معهم لان لي فتره

طويله ملازمه البيت

هذا كان يومي امس كنت اتامل الناس والبنات واقول يالله كل شخص له قصه بهالدنيا وله همومه

انا قاعده اتجمل وامسك نفسي واحاول اخفي توتري وخوفي ومحد يدري بلي فيني من خوف وهلع

وتفكير

اتمنى يجي اليوم تكون يومياتنا للاحسن بصحه وعافيه بلا دوار بلا وجع راس بلا رجفه بلا عدم اتزان

اللهم امين

انا امس ووديت اهلي للسوق اقسم بالله اني ماسك قلبي احسب نبضاته بغيت اعمل حاااادث اانا واعيالي وامس كل ليلي ما نمت اقسم بالله اني تعبت نفسيا خلاص كرهت نفسي كل هذا ابي اقاوم وانشالله اتعافا من غير ادويه نفسيه اني بصراااحه ما احبها احس انها مهدي وقتي فقط وادمان عليها

اهلين

ماتشوفين الشر وفعلا الشي صعب بس حبيبتي تغلبي عليها بقدر ماتقدرين

من قوه

انتي مافيج جرثومه بالمعده نفس اعراضي ياليت تاخذين لج موكسال الشراب الابيض

وتخلينه بثلاجه وبعد الاكل تشربينه او اذا ياتلج حاله الهلع اذا خففها معنها عندج شي بمعدتج

والشي الثاني انج تاخذين ماي وتقرينةوتنثين فيه ماتيسر من ايات القران وتحطينه بمطاره ماي

صحه وتاخذينها معاج المدرسه واذا ياتج صلي عاى النبي وشربي من الماي

وتقدرين تروحين للدكتور يووصف لج حبوب الاندرال للقلق الامتحانات يمكن يفيدج

وافينا باخبارج والله يووفقج ان شالله

حبيبتي حاسه فيج وصج معاناه صعبه

وحلو انج كسرتين الروتين وظهرتي ورحتي لمكان ازعاج في ازعاج ووواايد ززين

خيتووه ياليت اليوم تطلعين وتشووفين نفسيتج شنو نفس امس او غير

لاتأسين وخلي جدامش امل كبير وتوكلي على رب العالمين

شصار ماقلتي تستخدمين البيترساليك ماخفف عندج الاعرااض

وان شالله يجي يوم نكتب فيه يومياتنا وحنا بكل عافيتنا وصحتنا

اللهم آمين

اهلين اخوي

عساك على القوه ان شالله وهدأ من رووعك شووي

كلنا يمر بهاي الظرف بس نصبر ونتحمل

بالعكس اخووي الحبوب مافيها اي ادمان لانه من تخلص العلاج وتحسس انك رحعت للطبيعتك

بنفسك راح تتركها

انا اشووف كثير من الناس فادتهم الادوويه النفسيه واللحين حنا بعصر متطور

ينتهي للعلاج مارس الرياضه خللك طبيعي وماراح تحتاجهم ابد

الله يووفقك ان شالله

هلوعه والله بيني وبينك يجيني الشيطان ويخليني أيأس واقول خلاص هذي نهايتي وبقعد كل عمري كذا

بس ارجع استغفر ربي واقول يارب ترزقني حسن التوكل عليك وقوه الايمان

اي انا استخدم البيتا سيرك واحس خف شوي عدم الاتزان بس راسي عليه حركات قسم بالله ماقدر اوصفها

يعني وانا امشي .. احس براسي كأنه يرجع ورى ومره كانه ينضغط على تحت

بصراحه فيه حركه بس للاسف ماعرف اوصفها وهالحركه الي تجي تخوفني وتخليني اكتئب واخاف من الطلعات

واذا صرت جالسه ما اركد احس جسمي يتحرك عشان كذا ماقدر اقعد مع اهلي على اي وجبه

افضل اني اتسدح وبس

الله يفرجها عليينا يارب وكل مسلم

مافي احسن من العافيه وراحه البال الله يشفينا من كل قلق وتعب

اهلين اختي تعبت من الالم

الله يعينج وانا هم بعد يجيني هالعوار الراس وحس انه راسي

داخله شي كل مامشيت مشى معاي لدرجه وسووست انه فيني. مااي بالمخ

وترا كل مافكرتي فيه زاد

استمري بالعلاج وان شالله خير

&£££

اليوم متحمسه للنادي السباحه وان شالله مااتعب

بعدين اخبركم شنو صار ههههه او شنو بصير

استودعكم الله

دعواتكم

باك

الحمدلله اليوم واايد احسن من اول يوم

سبحت وحركه عظلاتي ومافكرت ابد بحالتي وتوكلت على رب العالمين

وجيت مفجوعه على الاكل صليت وعلى طوول تعشيت واحس اللحين

بثقل خفيف في الراس وجسمي تعبااان مااحس بجسمي

يمكن من تآثير الرياضه وحركه العضلات

دعواتكم

الحمدلله والله يعطيك الصحه والعافيه شجعتينا عالسباحه من زمان ماسبحت _ الله يحفظك خيتو

الله يسلمك بخير نحمد الله وأنتي؟

مرحبااااا ،،،
اليوم الحمدالله في تحسن ربي لك الحمد ،،،
بس امس بليل صااار لي موقف ظريف بصراااحه ماعرفت اضحك او ابكي من شده الخوووف
الموووقف (( دخلت غرفة النوم ابي انام واطفالي نايمين معاي ومافي احد بالشقه غيرنا فجئه سمعت صوت من المطبخ كأن شئ طاح الصوت قوي قوي سميت بالرحمن رحت اشوف شنو اللي طااااح دورت في كل مكااان الصوت ماله اثر خفت خفت بشكل فضيع شغلت قرأن وتعوذت من الشيطان بس نمت بصعوووبه بالله ممكن من الهلع يحصل تهيئات حتي بالاصوووات والا بسم الله الرحمن الرحيم يمكن يكون شئ ثااااني )))

اختي يمكن شي خارج البيت اللي سمعتيه ولا تخافي لأنه في رب يحميك ويرعاك لا تفكري بهالسوالف اهتمي بولادك الله يحميكم وادعي ربنا دايما وسوي رقيه وأقرائي سورة البقره وايآت السكينه والله يهدي النفوس انشاء الله

إخواني الأعزاء بليز اريد ان أنبه على شي مهم يا إخوان لا حد يستخدم الاندرال. على طول أنا اسمع الناس كل ما جاء واحد عنده نوبات هلع قال استخدم الاندرال
إخواني لاندرال هو بيتا بلوكر اي انه يعمل على مستقبلات بيتا الموجودة في عضله القلب وعمليه كهروفسيولوجيه يقوم بعمليه توازن للأيونات الصوديوم والبوتاسيوم الموجودة في الخليه. وبعد ذلك يكبح العضلي من الانقباض يعني بالعربي يهديها ما يخليها تنقبض بسرعه وبالتالي يخف الخفقان لكن مشاكله
او شي يعمل bronch spasm. هذ ا لان عضلات الشعبيات الهواء يه في الرئه موجود عليها مستقبلات بيتا نفس عضله القلب
طبع قطر عضله الشعبيات الهوائيه اقل بكثير من عضله القلب حتى حركتها يجب ان تكونو برزتازلس حركه توافقين تصاعد يه حتى تطرد اللغم والشوائب من الرئه. وعندما تعمل على إيقاف العضلي او أبطئتها. يعمل تشنج في عضله الشعبيات الهوائيه ويعمل على غلقها وتسبب مشكله لذلك الذي يعاني من مرض الربو لابد انه ما يستخدم العلاج
ثانيا وهذا اكتشف متأخر انه عضله القلب تتعود وبعدين لما تبدأ تشيل الكنترول من عليها الي هو الاندرال يرجع الخفقان فتستمر في الدوامه.
لذلك إخواني بليز بليز بليز لا احد يستخدم اندرال على انه تجربه ولا في الحالات البسيطة. يعني الواحد يتأكد انه ما عنده ربو ثانيا يتأكد انه محتاجه ضروري وما يقدر يتغلب على الا لا الاندرال. لذلك يجب على الانسان انه يحاول اول واذا احتاجه يجب ان يكون تحت إشراف طبي.
حبيت أنبه كم إخواني ولكم جزيل الشكر

مشكور دكتور انا استخدمته مرتين جرعة ١٠ وماخذته بعدها

اخي جرش أنا مؤ ضد الدواء بس أنا اقول لازم يأخذ بعد ان بالطريقة الصحيحة وعند الحاله التي تحتاج الدواء لذلك حبيت أنبه إخواني نسال الله سبحانه وتعالى ان يشفينا جميعاعاجلا غير اجل عاجلا غير اجل عا جلا غير اجل ويطول أعمارنا على طاعته ويجمع لنا بين الأجر والعافيه ويجعل ما يصيبنا وما سوف يصيبنا حجه لنا لا حجه علينا.ويجعلنا ممن يستمعون القول ويتبعون أحسنه

آمين يارب _ دكتور هو الدواء من اعراضه رشح زكام _ قرأت عنه لأنه صابني رشح الى الآن لهذا توقفت عنه لكن هذا الدواء سحري سبحان الله يخلي شخصيتك بالمواجهه قويه بدون تلبك وتردد ما سر هذا الدواء

ان شاء الله كلكم تكونون بخير

هلوعه والله شجعتيني اشنرك بنادي يمكن يروح الي فيني

اه بس يارب تفرج لنا

طول الوقت على اعصابي وقلق وافكر براسي

والحين جتنى نوبه خوف قمت ادور بالبيت ضايق صدري مره احس كاني بدوخ وكلهم نايمين

اذا جتنى هالحاله ودي اصحيهم ودي ابكي دخلت هنا وقعدت اكتب خايفه جدا

راسي كله افكار شينه حتى لو ابي انام مااقدر

مع اني امس كنت احسن وكنا مجتمعين خواتى وعيالهم بس كنت اهوجس وافكر براسي والحين لما بغيت انام جاني الخووف ياشين هالاحساس حتى احس بحراره

مدري من كثر التفكير احس بكذا في راسي والا من الوسوسه والا وش القصه

يارب تفرج لنا ولكل مسلم

اهلين

الصبان

يعطيك الله العافيه ومشكور عالنصيحه والحمدلله

اني مااستخدمت الاندرال الا يومين

اختي المعتصمه بالله

يعطيج الله العافيه ويمكن صج سمعتي صوت مب شرط يكون شي

من فووق في المطبخ تشوفينه يمكن داخل كبت المطبح صحن وله مواعين طاحو على بعظهم

ههههههه

ماتشوفين الشر يالغاليه

تعبت من الالم

يعطيج الله العافيه.

وصج صج تعب من قلب هالاحساس لي يجيج ولاوياج احد يوننسج

ليش ماتقرين قرآن اذا صار فيج جدي التجأي الا الله رااح ترتاحين

انا امس الا اليوم وياي ثقل في راسي ودووخه من السبااحه وعدم التزان صليت

الفجر موب عارفه شقووول طوولت في السجود وبجيت من قلبي الى رب العالمين

وطلعت كل الا بقلبي وانا ساجده وابجي وقعدت من النوم صح انه فيني دووخه وثقل رااس بس اقدر

اتحملهم وان شالله ماراح افكر فيهم

وانا انصحج تسووين اي نشااط ريااضي بس مايكوون شااق عليج

بالتووفيق حبيبتي

اهلين

تغديت ومعاي حراره برأس المعده

موب قادره اخذ حتى نفس وثقل للراس وحراره بووسط الراس

الله يعينا

دعواتكم

الله يبعد عنك كل شر

اهلين اخوي جرش

ويبعد عنك الشر ماقصرت اخووي


&&&&

الحمدلله راحت الحراره اكلت خيار وموكسال وشربت يانسون مع عسل

بس وجع راسي وعيني باقي

انا جربت شهر من غير اي فون او اي باد ماتغير الثقل وعوار العين


دعواتكم