السلام عليكم حبيبتي الفراشة انا كذلك سويت تخطيط المخ وقال لي الدكتور انه شد بعروق واوعية في المخ

وقال لي انه يجب ان اتناسى الدوخة قليلا واشغل نفسي قليلا وها انا احاول

لكن اريد ان انبه اخواني في المنتدى ان السهر وخاصة على النت مضر جدا للمخ والاعصاب

وهذا ما قاله لي الدكتور وكذلك عن تجربة

ربي يشفيك يا الفراشة ويشفي المعتصمة بالله واقول لها لا تخافي حبيبتي فكلنا مرينا بامساك شديد وهذا ناتج من الحالة النفسية فقط ..اشربي ماء دافئ على الريق وداوميه ...كذلك الزيت الزيتون وستكونين بخير ان شاء الله

اما القرقيعان فنحن في الجزائر لا نعرف هذه العادة ...

ام رحمه

مشكوره ياقلبي والله يعطيج الصحه والعافيه

وانا عندي ارق ماقدر انام وهالشي يزود الدووخه

الله يشفينا

عاد اليله قرقعنا وستانسنا ونسينا المرض

حبيبتي ام رحمه الله يسعدك ويشفيك ياام رحمه ،،،
طمنتيني الله يطمنك وانا كنت اتمني لو في رسايل خاصه ودي اشرحلك شغله خاصه شوي ماودي اخواني اللي في المنتدي يقرونها بخصوووص الوضع اللي انا فيه ،،،
بصراحه ربي لك الحمد فجئه وانا اكون مرتاحه ومستانسه احس باارهاق وتعب واكتأب ،،،

بخصوووص القرقيعااان هذا عاده عند اهل الخليج بس وبالخصووص الكويت والبحرين وقطر اكثر شئ تكون في منتصف رمضان يطلعون الاطفال للجيران ويوزعون عليهم حلووو ،،، حالياً تغيرة العااده وتصير جمعه بين الاهل بالبيت ونوزع حلاااو علي الاطفال ،،،،



اليوم دقت جارتنا علي ام زوجي قالت خلي اطفالكم يجون يقرقعون علينا
وطلعو بنوتاااتي اول مره يقرقعوون بالشارع جتني حيل مستانسه تقولي ماما غنينا وعطونا حلااااوه ،،،، يعني القرقيعان فرحة للاطفال ،،،

اسال الله ان لاينقضي شهر رمضان الا انا وام رحمه والغاليه الفراشه وجميع اعضاء نفساني بصحه وعافيه وانشراااح للصدر وطمئنينه والله يعفو عنا ويعافينا ويطول بااعمارنا علي طاعته وذكره وحسن عبادته
امممين

حبيبتي الفراشه ،،،

الله يشفيك ،، ما اعرف عن شد الاعصاب شي والله بس خلي امك وخواتك بااستمارا يسون لج مساج للراس بزيت زيتوون دافي

ممكن تشرحين لي اكثر شلون الرسم علي المخ ،،، سونار والا اشعه شنو حط علي راسك يعني ؟!

السلام عليكم شحالكم
الحمدالله خفت اعراض الدوخة
كانت ملازمتني 24 ساعة
حتى كل ماتحركت دوخة تعبت ورجفة في الجسم

اهلين اختي

اي حاسه بحساسج وهذا يسمونه عدم الادراك واالاواقعيه لما يغيب الاحاسيس

شنو نوع الدوا الاتاخذينه لانه في بعض الادويه تسبب قلق وهلع اول ايام الاستخدام

ماتشووفين شر حبيبتي والله يفرج عنج

تصدقين والله جتني حاله اني ماقدر اقوم من السرير وراسي الم موب طبعي الوالد شافني هلون

وطار فيني على اخصائي اعصاب وتخطيط مثل تخطيط القلب بس خفت منه مثلةدبابيس يلصقونها بالجبهه ورا الاذن

والراس وترسم المخ مثل تخطيط القلب تظهر وورقه وخلوني اخذ نفس عميق واحيانا نفس عادي وانا مغمضهةعيني

بس انا واايد خفت منه ههههههه خفت يكهربني بس الحمدلله ماطالع عندي ورم او اي شي غير شد في عظلات المخ

&&&££

القرقاعون كان حلو ونااسسه ظهرت في الفريج وزرت الجيرا بس دخت وماواصلت ورجعت البيت

الحمدلله والله يتمم لج الصحه والعافيه

انا الدوار والثقل وزغلله العين للحين ملازمتني

الله يشفينا

خفت الزغللة عني الرجفة دقات قلبي بعد
كنت اقول عندي القلب خفت مارقد الليل
لين عملت ايكوللقلب وركبت جهاز هولتر
الحمدالله

اهلين عشقي اماراتي

عساج دوم عالقوه والصحه

تدرين انا الرجفه متعبتني حتى مااقدر اوقف للصلاه

واذا اشمي احس انه رجلي موب واقفه على الارض جني عمري 60 سنه

هههههههه اختي تبني احط لها كحل فوق عينها يدي ترجف موبعارفه شلون

الله يشفينا

الارق ذابحني مو بقادره انام

انصحج تشربين حليب طازج واخد فتمينات
عملت تحاليل شاملةانتي

أنا كل يوم أقرأ البقرة وممكن أكثر من زمان. لكني زرت اطباء كثر والكل يقول انتي لستي مريضة لكني احس اني تعبانة كثير ولا انام وديما احس اني اموت بعد دقيقة. خصوصا بازمة قلب. لأني احس بقلبي غريب وكأ ن هذه معانات رغما عني. فاقدة الروح. وقلب ليس بموجود او لا يعمل بصورة طبيعية. والدوخة الرجفة وزغللة العين وعدم التوازن وصعوبة التنفس
هذه معانات رغما عني. اتحلى بالشجاعة ولم اخد ادوية
لكن الحمد لله على كل حال عسى ان تكون تكفير ذنوب

السبرالكس مررره كويس ماشاء الله وكنت اخذ التربتزول قبل لما اكون ابا انام لكن طبعا كل جسسسم وله اللي يناسبه يعني انا الفافرين ماناسبني وماتحملت اعراضه الجانبيه

حبيبتي كل الادويه لها اعراض جانبيه حتا البنادول ومو معناته اعراض جانبيه يعني شي موذي ولا مو كويس وكل دوا تختلف اعراضه الجانبيه عن التاني والادويه النفسيه اعراضها تبان في الاول بسسس لكن بعدها تختفي وتشعري بتحسن باذن الله