|
اقتباس:
بالنسبه للتواجد الدائم صراحه صدقت بالنسبه لي انا فيه مثل يقول ......... بدو طاحت في مريسه،،،، يمكن ينطبق علي ههههههه السبب الكسل الخمول عدم الرغبه في اي عمل والسبب الاخر ان الجهاز خفيف اشيله معي ، ايضا انا اول مره أسجل في منتدى ، ولو تقابلين على الطبيعه بتشوفني قليل الكلام حتى ان البعض يقول رجال عاقل ههههه والله عاقل غصب !!!! من الرهاب عموما انا متأكد انه بيجي وقت امل ويصير العكس تماماً وهذي صفه فيني بس اهم شي ان ما تكون طفشان مني هههههه بالنسبه للعلاج السلوكي انا شرحت قصتي كامله مع المعالج في اول زياره في نفس الموضوع هذا وباختصار ندمت على تلك الزيارة بالنسبه لتقنية الحريه نعم جربتها مره واحده قبل 5 سنوات عند الدكتور العبري في الرياض وكانت الجلسة ب 350 ريال طبعآ تعتمد على الربت او الضرب بشكل خفيف على بعض مناطق الجسم ، مع استحضار الموقف المحرج الذي تخشاه طبعا هو وضع مقياس عدم الراحه 10 ومع تكرر العمليه الربت اصبحت صفر تصدق لكن بمجرد ان وصلت البيت وقابلت ضيوف والله مانفع تقنية حريه ولا ديموقراطية هههههه شوف هي ممكن يبيلها استمرار لكن انا غير مقتنع بها ولم أكرر التجربة بالنسبه للا ستيعاب والفهم وسرعة الرد نعم الرهاب يجعلها ضعيفه جدا لذلك من يقضي على الرهاب سيولد بعقل جديد وذكاء وحسن تصرف تزداد مع مرور الوقت !!!![/COLOR] |
هلا اخوي ابو الحور . كيفك
ماظنتي انك متواجد في حدود الساعتين ، شكلها العكس ههههههه طيب انت متزوج ، وهل تبحث عن وظيفه . ، انا ابي اعرف السبب الرئيسي في رهابك او اكتئابك ؟ اذا حاب تقول طبعا لانك ماشاء الله عليك لديك مقومات الشخص الطبيعي ، اعني من ناحيه التحاور والنقاش والسوالف الخ............... لكن ممكن ينقصك الحساسيه من فعل اوكلمه ، و الجرأه لاني شفت لك القصه اللي عن المحل اللي في البلد ، وايضا انت تحتاج لعلاج يساعدك ان يدفعك الى الامام للمواجهه ، وهذي امرها مش مستحيل ولا صعب وبعدين سؤال مهم هل لديك قبول ومحبه من الاخرين وتشعر بأن لك قدر وقيمه ورأي بينهم ، انا اتوقع لديك والله اعلم ، وحاول تجرب تقنيه الحريه في ناس تعافوا منها . هلابك ابو عابد هههههههههه من جد بدوى وطاحوا في مريس اوجه لك الكلام نفسه اللي سبق ، لديك الرغبه في الكلام ، والتواصل المستمر ، والهمه الى.............. واسألك نفس السؤال المهم اللي في الاعلى ، وكيفك مع الدوام . انا مثلك بعد ماجيت من عند الدكتوره ، اللي طبقت عندها تقنيه الحريه ، والله الشعور طيب وتحس بنشوه لكن عن اللقاءات الاجتماعيه فعلا ماشعرت بالفائده ، لكن كان الشعور جيد ، وبسألك د حمود العبري في الرياض ولا الشرقيه ، وكم الان الجلسه اذا قبل 5 سنوات 350 اجل هذي الايام كم ، والله صارت تجاره الله المستعان وعساكم على القوه ايها الشقرديه ، وبالعكس ابو عابد من يمل او يطفش منك ، منور المنتدى تحياتي لكما |
اقتباس:
ههههههههههههههه لا والله ماهو العكس ابدا في هذا الحدود من ساعتين الى ثلاثة يوميا بس قول ماشاء الله تبارك الله عشان لاتروح البركة هههههههههههه اخوي مستلج انا فعلا مشكلتي الحساسية بس الحساسية من الاشياء الغامضة يعني انا ماني حساس من واحد يسبني في الشارع وانا ماشي بالسيارة يقلي ياحمار ممكن اضحك والله عادي زمان كنت اشيل في نفسي الحين عادي لو صار وواحد تناقش معي او على صوته ممكن ادافع عن نفسي وما اتحسس منه ولا اشعر بحزن يعني بالعربي الكلام والسب والانتقاد كان ياثر فيني لكن الحين لا انا حساس واول الاشياء اكثر مما تحتمل مثل قصة المحل الي قلت عليه ونظرته الصامته والابتسامة بعدها هذه الاشياء تصيبني بتوتر رهيب في بعض الاحيان انا يامستلج كنت مقاوم الرهاب في السابق تقدر تقول الحين شد علي نوعا ما وما استخدمت علاج لكني قررت استخامه وانا من العام وانا اقول قررت وما بدأت لسة الي هو سيروكسات 20 وصفه لي دكتور قبل الرهاب انا كنت شخصية قوية وكلمتي كانت مسموعة ورايي ايضا يؤخذ فيه الحين تقدر تقول اني خارج قاموس الحياة ورايي غير مهم اساسا مافي صحبة عندي عشان يكون لي راي |
اقتباس:
ثاني شي ان موظف ودوامي الايام هاذي خفيف ولله الحمد ثالث شي العبري في الرياض طريق الملك عبدالله مثل ماقلت لك واذا كان غير في العنوان والكشفيه مادري والله لأني جئته مره وحده قبل 5 سنوات ، وانت ايضآ صادق التقنية تعطيك راحه اعتقد أنها مفيده للأشخاص الطبيعين اكثر يعني القلق العادي رابع شي وش رأيك في الرد السريع ناس متحمسين شغل حامي ياخوي المريسه حلوووووه هههههههههه أخيرآ عندي لك سؤال : انت دايم مستلج ولا فيه أوقات تصير طبيعي |
اليوم فجرا كنت اتجول في احد المنتديات الشقيقة النفسية بحثا عن حلول واذا بعضو ينزل موضوع اثلج صدري واعطاني امل
كان السؤال من أحد الأخوات هل يستطيع الرهابي العمل في التدريس فرد عليها جزاه الله خير ــــــــــــــــــــــــــــــــــــــــــــــــــ ــــــــــــــــــــــــــ وعليكم السلام ورحمة الله وبركاته أختي لا يوجد شيء مستحيل.. هذا أولاً ثانياً.. انا مررت بتجربة مماثلة أنا مهندس أيام الجامعة، كانت كل مادة تقريباً لابد يكون فيه عرض بوربوينت - برزنتيشن - ومجموعات وتقييم عرض امام الدكتور والطلاب..! كان تحدّي كبير وكنت قد أدركت قبلها.. انني فعلاً خجول واعاني من رهاب حاد .. رهاب يعزلني حتى من المجتمع اللي أنا فيه اقاربي وأصدقائي اعتمدت على ربي ثم على كتاب (دع القلق وابدأ الحياة لـ ديل كارنيجي + قوة العقل الباطن لـ جوزيف ميرفي) الكتب ساعدتني قليلاً لكن السحر .. كان في دواء الزيروكسات! كنت في البداية.. مستبعد تماماً الاعتماد على الادوية وعندي نظرة سيئة عنها.. وعن تعاطيها واتحسس كثير من هالموضوع حتى ضاقت بي.. واضطريت استخدم هذه الأدوية وربي .. انها كانت كالسحر! بعدها.. رميت بالخجل والرهاب ورائي وحزت على أفضل عرض بين الطلاب في مشروع التخرج واكتسحت المنافسين في المقابلات الشخصية بعد التخرج واثناء البحث عن العمل أنا .. الذي كنت في ماضي قريب أخجل من ظلي.. والأعياد .. كابوساً سنويّاً والمناسبات.. اخبار تعيسة! أصبحت أكثر جرأة .. وأكثر مبادرة وأبداع! كل هذا بفضل ربي.. ثم بفضل دواء السروكسات! تعاطيته فترة زمنية محددة.. وبعد استشارة طبيب وكذا صيدلاني والآن .. ابحث عن الأضواء وعن الاجتماعات في الشركة أبحث عن أي فرصة للظهور ندمت كثيراً على تأخري في هذا القرار قرار الاستعانة بالأدوية هو يوجد سلبية وحيدة فقط.. يمكن التحكم بها ايضاً وهي تدني مستوى الذاكرة قليلاً اثناء تعاطي السيروكسات لكن.. برأيي.. كان لابد من التضحية ببعض الذاكرة (الذاكرة القصيرة.. الاحداث القريبة التي تحدث أثناء التعاطي فقط) أرى أنه مشكلة كهذه.. يمكن التحكم بها انا مثلاً كنت اعاني قليلاً من النسيان.. وأحتاج أدون أحياناً في العمل لكن.. مشكلة بسيطة كهذه.. مقارنة بالعائد الذي ستخظين به.. وهو التغلب على الرهاب والخجل! واكتساب الشجاعة روح المبادرة! يجعلها قابله للتفاوض والتنازل قليلاً الأدوية لن تأخذيها إلا لفترة محدودة ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ رايت اني يجب ان اكتبها هنا لان اليوميات لنا ولمن يأتي من بعدنا بالتوفيق تفائل يا ابا عابد الافكسور والسيروكسات مثل بعضهم بالتوفيق لك واذا هذا مافادك راح يفيدك الثاني الامل بالله كبير |
ماشاء الله عليكم ياابو عابد وانت كذلك ابو الحور
والله ماشاء الله تقول تتسابقون من اللي يطرح الثاني ، بس انتبه من ساهر هههههههه ابو الحور من سنه وانت مقرر والى الان مابديت ، ليه التأخير . ابو عابد ،هههههههههههههه على طول مستلج |
اقتباس:
أخوي مستلج انا قلت من سنة مبالغة لاني كل مشاركة اقول قررت وقريب هو في الواقع صار لي شهر تقريبا من وقت ما استشرت الطبيب وقلت سنة مبالغة التأخير التسويف ذبحني بكرة بعده الحين بعدين ممكن لأني مازرت طبيب نفسي + أنه أبوعابد نصحني اني اسوي تحاليل قبل أخذ الدوا وكلامه صحيح 100 % خصوصا موضوع الجرثومة قريت عنه كثير وفيتامين دال والكالسيوم والماغنيسيوم واشياء كثيرة الأفضل أتأكد منها وبعدين أبدأ دعواتك يا مستلج |
نسيت اقلكم شغلة هذا العضو الي فوق الي كتب قصته
دخل أمس وكتب هذا الرد وطلع طبعا باعتباره متشافي قلت خليني أشوف مشاركاته أتضح ان آخر مشاركة له قبل هذه المشاركة كانت عام 2008 يعني قبل 5 سنين وهذا أكبر دليل ان الي يشفى من الرهاب يهجر المنتديات النفسية وللأسف قليل جدا جدا جدا من يذكر انه شفي من الرهاب ولا اعرف السبب لو كانوا يكتبوا قصصهم مثل هذا العضو الكريم لما خاف الكثير من المرضى وتأخروا في العلاج للأسف الشديد أن الي ياخذ دوا ويؤثر فيها بالسلب يبدأ وينشر المشاركات السلبية عن الادوية ويحذر من أخذ دواء وهذا الطبيعي ان الشخص الي ما يستفيد من الدواء ينتقد ويكتب والي يشفى يهجر ويترك المنتديات وهذا سبب تأخر الكثير من المرضى عن العلاج للأٍسف الشديد أيضا شوفوا الرابط التالي http://www.nafsany.cc/vb/showthread.php?t=78495 في عضو اسمه مدريدي ماشاء الله تبارك الله شفي من الرهاب ودخل وسجل في المنتدى بس عشان يعطي ايميله لمنتضر عشان يتحاوروا برة المنتدى عدد مشاركاته 3 فقط وهي كلها في نفس الموضوع وين هذا العضو وامثاله من الذين من الله عليهم بالشفاء عن ذكر تجاربهم في المنتديات !!! ليستفيد منها الاعضاء امثالنا يعني بالله ماذا سيخسر لو كتب تجربته في موضوع مستقل في المنتدى ليحث المتخوفين من الإقدام على العلاج لماذا الحوا خارج المنتدى والله اني شفت ايميله وما اخذته وطلبت منه ان يكتب في المنتدى لعل الله ييسر ويستفيد اعتقد الحين تأكدت من مقولة أبو عابد ان بعض الي يمن الله عليهم بالشفاء لايذكرون التحسن خوفا من الحسد وانا الي اضن ان من يشفى يبادر الى ذكر تجربته طلعت على نياتي والله والخوف من الحسد اصبح مبالغ فيه الله يكتب لنا الشفاء والعافية |
يارب اللهم آمين
ماعليه حاسه داخله غلط بس حبيت أمسي عليكم أخواني الله يسعدكم |
اقتباس:
ويا مساء الخير والنور والعافيه |
هذا من ذوقك و أصلك الطيب يا أبو عابد
تسلم |
اقتباس:
والله يابوالحور قبل شهر ونصف كنت شخص واليوم شخص آخر لاحظ في فتره قصيره في الدوام كنت أتحاشى اهل المزح والتعليقات اليوم اذا ما جلست معهم أحس بطفش ويمكن بعض الأحيان هم اللي ينحاشون مني هههههه كل واحد يذكر الله ههههههه وانا بعد قاري الأذكار هههههه [/COLOR] |
يا أبو عابد مدري انت بتجلس شوي ولا بتمشي ؟
ودي أسألك سؤال خطر في بالي دحين وحابه تجاوبني عليه يعني مو اكتبه و القاك مانت متواجد |
هلا مستكفه انا موجود بإذن الله
وتحت أمرك وشهو السؤال ؟؟؟ |
مدري صرت أنخنق كثير اوقات ودي اقول كثير حاجات بس ما اقدر اطلعها غصب عني
دوبي كتبت لك بداية السؤال و مسحته والله ابو عابد اذا قلت لك بسألك اياه وقت تاني حتزعل مني ؟ |
| الساعة الآن 03:40 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا