رحت له ولا ادري وش ذهان وبحياتي ماسمعت بالفصام ، شرح لي حالتي بالتفصيل والحمدلله تقبلت العلاج وفهمت وضعي اسلوبه كان كويس حتى يضحك ويسولف عادي ومايشوفك مريض ومرضك صعب انسان يعطيك أمل انك بتتعالج وبتتشافى ،
صرف لي انفيجا فقط والحمدلله تحسنت معه 👍🏻

انا صرف لي انفيجا وتلخبطت حياتي طحت على الارض وكاني اشوف نفسي اتقلب ع الارض
وبعدها صرت اشوف الناس اوهام

اشكالهم شفافه يمشون
اشوف امي و الشغاله شفافين وبعد شهرين راحو وصرت اشوف عادي
بعدين صرت اشوف الناس نصابين وبعدها مجرمون واستمريت عليها سنه من المعانات لين خفيت شوي
وكان معها سيروكويل بجرعات عاليه
و الدكتور عطاني ليبوتكس بعد السنه وتحسنت اموري والحين كان جرعتي 800 ونزلتها الى 500

يوووه يمكن على حسب الحاله بعضهم مايناسبهم ، ماتشوف شر ان شاء الله والحمدلله انك تحسنت وان شاءالله تكون بتحسن مستمر

الحمد لله انا متحسن 85%
رحت لماهر وقالي خفف ادوية و زود

ودكتوري الي قبل مخوفني بالانتكاسه

لاتخاف وبما انك تتحسن قول الحمدلله ولاتفكر بالأشياء الي تضايقك

هلا والله جواهر

كم جرعة انفيجا وياليت تذكري السلبيات والايجابات

انا الماضي عندي اسود تعبت مرت علي مواقف تضيق الصدر و مواقف فيها مخاوف
زادة علي كثير لدراجة اكره شئ اسمه جوال وكميرا
اهرب من الناس واهلي ماجلس معهم بس اذا شافوني جيت يغبون جوالاتهم علشان ما انزعج
ونفسي البس جينز واطلع اسافر قبل الكورونا وادرس برى المملكه
بس الفصام زاد علي كثير بس قبل كم شهر تحسنت اموري مع الابليفاي وحاولت اجلس اكثر مع اخواني
ويقولون لي لا تخاف مافي شئ انت رجال و تعال تعش معنا عرفتي ؟
بس اذا جلست شوي انسى وتتحسن اموري النفسيه بس اذا تذكرت يضيق صدري و يرتخي جسمي

اهلين يامحمد
اول شهر استخدمته كانت 3 واول ماستخدمه جاني خمول وارق بسيط والحمدلله بس استمر اسبوع وبعدها عادي مافيه اعراض ابد ، ثاني شهر الدكتور قال ازيد الجرعه الى 6 واستمر. وسألت الدكتور ليش ازيد الجرعه انا تقريبا قربت تختفي الاعراض وقال لا زيديها واستمري 4 شهور على جرعة 6 ... والحمدللله الاعراض الذهانيه اختفت نهائي ومن ناحية النفسيه عادي طبيعيه حمدلله

بس عندي وسوسه خفيفه وخلاص قربت تختفي لانها صارت قليله وان شاءللله اتغلب عليها.

بس محمد لاعاد تستخدم شي من نفسك استشير الطبيب عشان صحتك مهما تكون مُلم وفاهم بوضعك نحتاج طبيب يتدخل بوضعنا 👍🏻

الله يجزاك خير ويرفع قدرك

ان شاء الله سوف اناقش الدكتور ماهر بغدادي فيه

ايه حاسه فيك والله يكون بعونك وكويس عائلتك تدعمك ترى انت لك حق تسوي اي شيء تبغاه ومن ناحية لبس الجينز عادي جرب حتى لو تستحي جرب الموضوع بسيط بس انت تصعبه ومن ناحية الدراسه برا لسا انت صغير بعمرك وتقدر تسوي اي شي تبغاه بإذن الله نشوفك دكتور او مدرس ، ترى كثير اطباء عندهم فصام ووضعهم تمام مع العلاج .. تقدر تعيش بالطريقه الي انت تبغاها وتستمع بالحياه وتتزوج وتكون اسره اذا تبغى تعيش حياه كويسه لازم تتغلب على وسوسة الجوال ،
لان محد يراقبك هذي وسوسه من القرين فقط هو يراقبك ويزرع افكار برأسك عشان ماتتعالج ، انت دايم تعوذ من الشيطان واقرا قران

اللهم امين وياك محمد

اذا كلمت دكتورك قول لنا وش قالك و طمنا عنك

الدكتور الجديد عطاني سمبالتا و نزلي اليبونكس و زود لي ابليفاي والحمد لله

الله ينفع به ، انا ترى ما افهم بالادويه بس بما ان الدكتور وصفها لك ان شاءالله انها بتفيدك

والله الدكتور نصحني فيه الاخ محمد
يوم اتصلت عليه قالي ان دقات قلبك عاليه وينضرب قلبك مع الوقت وحرام على دكتور الاول
المهم قالي بخففه لك و ان شاء الله تضبط
وقلي قلي قصتك قبل المرض وش كان حالك قلت اموري زينه وكنت كذا وكذا
وقال ايش الادوية الي تاخذ زمان وقلت له عنها وقالي عدل علاجاتك وبعد شهر نسمع صوتك

يا نااااااس ابي انااااااااام

حسبي الله ونعم الوكيل

والله اخوي انا احس في شعور الفضيحه واحس الناس عارفه كل شئ و الناس تفكربي
وهذا الي احس فيه ماجاني الا قبل ربع ساعه
بس فترة وتخف :(

ابي انااااااام خلاص انا بيفرط عقلي مب راضي يهدأ الوضع
أفكار شغالة ورغبة في الخروج من البيت ودي اقطع ملابسي

انا مشكلتي مع سواقة السيارات

احس الي بالشارع ودهم يصدموني و اشوفهم متجهين نحوي

انا كنت مثلك اخوي بس راحت مع الادوية
بلغت الطبيب في الملاحظة هذي ؟

بلغته من زمان

وش قال لك ؟

اصبر على العلاج

شفت ايش كتبت انا بعد الاخ محمد وش صار لي اليوم ؟

ايوا و انا بعد لما افكر بمواقف سابقه احس بشعور سيء ربما يصل للاحراج
او الفضيحه احيانا

غير ان كل الناس تكرهك

انا احس كل الناس يعرفون اني في اي مكان وكاني مميز بينهم
وكان فضيحتي بالجوالات و الانترنت اخاف ولا اطلع بس شوي شوي يختفى

إذا ما أخذت دواء للذهان إلا السيروكويل 400 .. فلازم طبعا ترفع الجرعة 600.
أما إذا كنت تأخذ دواء للذهان وبالجرعة القصوى ، فلا حاجة لرفع السيروكويل.
ومن قواعد الطب النفسي هو علاج الذهان أو الهوس أولا .. ثم بعد تثبيت المزاج يعالج الإكتئاب والأمراض العصابية الأخرى.

أما لو حدث العكس ، فسيزيد حدة المرض ويرهق المريض.

وهذا ما أراه في حالتك الآن.

انا اخذ ابر رسبردال من عام 2013 ويصير فيني مشي اثناء النوم بين فتره وفتره
ووقفته والحمد لله توقف الشي و لا يوجد عندي اي عارض انسحاب حياتي افضل بمراحل من قبل
بس اشك اني طالع للشارع وانا نايم

الف شكر على الافادة

انا لا اتناول اي مضاد ذهان اخر

ان شاء الله برفع جرعة سيروكويل اكس ار إلى ٦٠٠مغ

بعلمك ترا ماراح يفك ذهانك الا انفيجا تناقش مع الدكتور ماهر ولا تسوق اجلس شهر بدون سياقه ولا ترك ز بشئ لين يخف الذهان عندك

هذا اخر حل عندي

هلا والله فاقد

بدري الحكم على سيروكويل لازم أعطيه فرصة كاملة

يلين راسك الانفيجا بس اصبر عليه حتى لو تظيف له سيروكويل بجرعات عاليه مافي تعارض

احس في دافعيه مع الرغبه بالنوم شئ غريب
الصباح احباط وخوف

قد تكون نوبة مختلطة.

فاقد بما إن الأعراض حتى الآن تعاني منها ، فلماذا لا تجرب أدوية الذهان الحديثة ؟؟
مثل لاتودا و سافريس ..
عط نفسك فرصة لاختبار الأدوية الحديثة ..
ربما تتحسن معها .. طبعا بعد استشارة الطبيب.

مستمر على

ليبونكس 500
ابليفاي 20
ديباكين 1000
سمبالتا 60

واكل اليبونكس من عام 2012 و الابر الرسبردال 2013 وقفتها قبل شهر ونص
شعوري احس مابي الناس تشوفني وكانهم يعرفوني ويعلقون على شكلي
وفاضيحي بالجوال

أخوي عليك بالرقية الشرعية والدعاء.
حاول تروح لمعالج سلوكي بعد الأزمة طبعا ..
أو اذا عندكم نظام المعالجة السلوكية عن بعد فنعم ماهي.
أو جرب تتواصل مع عيادة سويدان كلنك في الكويت عندهم خدمات عن بعد.
لأن تفكيرك ووساوسك محتاج لنقاش .. وخاصة إن الأدوية لم تذهبها.

ومثل ما قلت لك .. عط نفسك فرصة جديدة في تجربة أدوية الذهان الحديثة مع التدرج في ترك أدويتك الذهانية .. جرب وشوف يمكن تتوالم عن جيناتك.

ولا تنسى الدعاء في أوقات الإجابة .. واقرأ قرآن كثير ..
والله يسفينا جميعا ..

العلاج السلوكي استخدمته ثلاث جلسات ولا فيه اي فائده خساير فلوس
اما الوسواس خف مع السمبالتا الحمد لله بس مو كليا رح
ان شاء الله بعد اسبوعين بتصل على الطبيب ماهر بغدادي

تتوقعين انا غير سوي ؟؟ ولا بس اعراض بسيطه

الإنسان السوي هو الخالي من الأمراض العقلية والعصابية ، بالأدوية أو من غيرها.

يعني أنا مثلا غير سوية من غير أدوية .. ولكن مع الدواء والحمدلله أصبحت سوية.

والأعراض التي بك ليست أعراضا بسيطة .. بل هي أعراض ذهانية يجب التوصل إلى حل بإذن الله .. حتى تعيش حياة طبيعية ..

وبما إنك أعيط فرصة زمنية كبيرة لأدوية الذهان المتوسطة الحداثة ..
أعطي نفسك فرصة للأدوية الحديث .. فقد تكون مناسبة لجيناتك أكثر من تلك.

وهذا يجب أن يكون تحت اشراف طبي.

بسيطه ان شاء الله تتصلح الامور
لكن مع رفع الابليفاي خفت الاعراض لكن ماراحت كليا احتاج الى رفعها 30
لكن بشوف ايش يقول الدكتور بعد اسبوعين

الادوية الحديثه مثل ماذا ؟.