الاختناق و النسيان و العزلة و السرحان و عدم التركيز
كلها أمور أسأل الله عزوجل انه يزيحها عني لأنها دخيلة علي والله كنت العكس تماما
حتى الكلام أجي أبغى اتكلم في شي يؤلمني في نفسيتي القى نفسي ابطل اتكلم
من يوم سجلت بالمنتدى هنا الكل يسألني ايش هي قصتك ايش سبب تعبك والله احس بالألم لمجرد اتذكر
والله اوقات تجيني الحماسة وابدأ اكتب و اهون .. رغم اني احب الكتابة واحب افضفض من جد
كثير احيان احس نفسي غريبة متناقضة مهزوزة مو طبيعية ابد

الله المستعان ياخوي والله ان احنا بنجاهد انفسنا جهاد عظيم

لا ماراح ازعل والله عادي يامستكفه على راحتك متى ما شفتي نفسك قادره
انا موجود وراح أتقبل سؤالك مهما كان
اهم شي لا تضغطين على نفسك

هو السؤال يخصني يا ابو عابد كنت حابه آخذ رايك فيه لا تشيل هم ولا تقلق ربي يخليك

قال تعالى: (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...)

قال الله تعالى { مَآ أَصَابَ مِنْ مُصِيبَةٍ فِي الأَرْضِ وَلا فِي أَنْفُسِكُمْ إِلاَّ فِي كِتَابٍ مِنْ قَبْلِ أَنْ نَبْرَأَهَآ إِنَّ ذَلِكَ عَلَى اللَّهِ يَسِيرٌ * لِكَيْلا تَأْسَوْا عَلَى مَا فَاتَكُمْ وَلا تَفْرَحُوا بِمَآ ءاتَاكُمْ وَاللَّهُ لا يُحِبُّ كُلَّ مُخْتَالٍ فَخُورٍ ".}
والله يامستكفه ما عندي الا هذا يغني عن كل قول حكيم وقول طبيب وعن كل البشر لكنه يحتاج الى القليل من التدبر

على راحتك يامستكفه متى ماحبيتي تاخذين رأي أخوك فتراها موجود
الله يفرج همك ويرزقك ويغنيك بفضله عمن سواه

أحس ربي عوضني بكم يا ابو عابد انا مفتقدة الاخوان بالواقع الله لا يحرمني طيبة قلوبكم يارب
ووالله انها آيات عظيمة أثرت فيني كثير والله العالم حسستني بالراحة و السلوان
الله يريح قلبك و يجبر خاطرك و يشرح صدرك برحمته و كرمه و رزقه ..

انا كمان يا ابو عابد لو احتجت اي شي اعتبرني اخت كبيرة لك هنا وقت احتجتني بإذن الله بأكون عند حسن ظنك

اليوم في الدوام كانت أخلاقي قافلة وجاني رئيسي كعادته يبغاني احضر اجتماع بكرة .. جيته قلت له مااقدر احضر لأني اتضايق من الاجتماعات والرجل حط في باله اني اصرفه قال مو كويس انك ماتحضر لأن هذي تأثر على تقييمك السنوي .. وأدخل عليه معصب وقلت له تعطيني من وقتك خمس دقايق قال لي تفضل وادخل واقفل الباب وقلت له اسمع : انا انسان اتمنى احضر كل الاجتماعات ولكن انا عندي مشكلة ماهي بيدي ولاراح يفهمني فيها الأصحاء .. قلت له انا عندي على كلام الاطباء تغييرات في كيميائية الدماغ وشرحت له كامل مشكلة الرهاب ومعاناته وقال لي اشكر صراحتك معي وراح اساعدك بالي أقدر عليه.. ولكن نصحني اني لا أجلس اخلي حياتي كلها في التفكير في هالبلا.

حبيت اشارككم آخر تهوراتي.

هذا مو تهور ياخوي المفروض رئيسك يدري بحالتك عشان ما يساويك بغيرك و يضغط عليك و كمان عشان يقدر هالشي
إن شاء الله بس يعاملك بمثابة أمانة ويحرص عليك و يتقي الله فيك ..

جزاك الله خير اختنا المستكفة

الله يرفع قدرك إن شاء الله ويعلي شأنك في هذه الحياة

انت بحق لا تستحقي إلا كل خير


حياك الله بيننا

اخوي ابو عابد بالمناسبة كلمة انا مافيها شيئ عشان تتعوذ من الشيطان هذا من الاعراف الخاطئة عند الناس هههههههههههههههه انا كنت دائما اقولها اعوذ بالله من كلة انا بس بحثت طلع مالها اصل خرافة

والله اخبار تثلج الصدر ماشاء الله تبارك الله الأذكار لاتتركها ترى الثقة بالنفس تعجب الناس وممكن يصيبوك بالعين وانت ماتدري

اتذكر وانا رايح دوامي كنت دائما اول ما اطلع اقول بسم الله توكلت على الله ولاحول ولاقوة إلا بالله ودعاء الخروج من المنزل هذه كنت ما افوتها نهائيا وكانت تنقذني من كوارث اقسم بالله كانت ستحل بي
من ضمنها وانا ماشي في الخط السريع انفقع الكفر وربك ستر علي

ويوم حدثت السيول في الخط السريع قبلها بنصف ساعة انا كنت ماشي فيه مشوار ويوم وصلت الدوام عرفت ان الخط السريع فيه سيول ههههههههههههههههه
أشياء كثيرة كثيرة دعاء الخروج من المنزل وبسم الله توكلت على الله ولاحول ولاقوة إلا بالله مهمة جدا وتحميك باذن الله من العين ومن كل شر وهي قل شيئ ممكن تحافظ عليه

قليل دائم خير من كثير منقطع أدري شطحت خارج الموضوع بس المعذرة هههههههههههههههه

الخوق ماهو من العين في المنتدى الخوف من العين خارج المنتدى

تعرف دعاء الرسول اعوذ بكلمات الله التامة من كل شيطان وهامة ومن كل عين لامة سالت شيخ على كلمة كل عين لامة قالي الناس وكل البشر يمشون ويروحون دواماتهم وتصيبهم عيون الناس وهم لايدرون فتحصله يمشي ويلم عيون حاسدة واذا اشتدت عليه العيون وتكاثرت يسقط او يحدث له ما يحدث لنا الآن فالاذكار مهة

بقي نقطة يا ابو عابد استغل فترة التحسن في الأختلاط بالناس قدر المستطاع هذه هي فترة العلاج الصحيحة عشان لاتحصل إنتكاسة لاقدر الله يجب ان تستغل كل يوم وانت تاخذ الدوا في التعريض تعرض نفسك للمواقف تمزح مع الغرباء تسال عن اشياء حتى لو كنت تعرف مكانها وهكذا

اسال الله ان يتم عليك الصحة والعافية وجميع الاعضاء

هههههههههههههههه والله من جهة تهور فهو تهور وشجاعة اهنيك عليها كيف سويتها دي يا اخوي الله يهديك

ماخفت يكون مديرك ثقافته ضعيفة ويحسبك مخبول او مريض

ههههههههههههههههههه بس عجبتني هرجة الكيمياء الي في المخ جبتها بطريقة ملتوية

بخصوص نصيحته لك الي مايعرف يقول عدس

يعني بمزاجنا نفكر في الموضوع غصب عنك تفكر


الله يوفقك ويشفيك ويعافيك

هو يعتبر تهور لو كلمت شخص مايخاف الله .. ممكن يحاول يستغل هالشئ كنقطة ضعف عندي ولكن هالانسان مادخلت له الا من دينه واخلاقه وثقافته الي تسمح لي اني ادخل بثقة وتسمح له يتقبل حالتي .. تصدقين يوم اقول له أنا عندي قلق من حضور الاجتماعات يقول لي: عندك مثل الرهاب الاجتماعي .. وانا اقول في نفسي وش دراه عن كلمة السر حقتنا.

تعاملت معه كثير واعرف كمية الثقافة الي يملكها وحجم تفهم الأمور حتى غرائبها .. والله يابو الحور وانا اشرح له الحالة يابو الحور كنت قلق في البداية وفي الآخر انطلقت مثل الدكاترة صرت أفكر واقول هو مصدقني ولا يقول هذا رهاب ومسترسل في الكلام أفضل مني .. فهمته فكرة انعدام الارادة في الأفكار السلبية و مسألة المرض بالتغييرات الكيميائية حتى لايكون ان موظفه مهبول او مجنون .. أول ماقلت عن الحالة وان عندي قلق قال لي والله كانت نظرتي لك مختلفة واشوفك في ردودك عالاخرين واثق.

الشي الاخر يا إياي فارهبون ، اتمنى انك تضيف اسم الى معرفك حتى نعرف نخاطبك انا اعلم ان قصدك من الايه سليم ولا تقصد نفسك بها لكن في عملية التخاطب ايضآ غير محببه ، لذلك لا اقول غير المعرف ولكن ضع اسفل المعرف لقب آخر
اذا انت الواثق بالله عفوآ ما لاحظت الاسم
وقلت اتدارك الامر قبل تشوف الموضوع وتعصب وانت شخص راعي مضاربات هههههههه