نحمد الله على الصحه والعافيه هذا احنا نعافر مع الدنيا اليوم كانت ضيقه وقلق بس الحمدالله عدت على خير ولله الحمد

تدرون حابة اوصل اني اقدر مثل اول اسوق سيارتي واطلع واودي اليهال يلعبون واكون بروحي معاهم بدون مساعدة احد واسافر بدون خوف واكون الشخصية اللي قبل الهلع ياويليييي متى انشاء الله يااارب لا تضحكون علي بس اكلم نفسي بصوت عالي:24hu8:

الحمدالله بس اهم شي ما تكون خايف

وقلقان عسب لا تزييد ع الواحد

تصدق انا دووم اتيني هالكتمه بس الحمدالله ما تطول وياي ثواني وتروح

والله من كثر مااتي خلاص تعودت عليها

ليش نضحك كلنا ودنا نرجل مثل اول انا ودى ارجع طفل بدون هموم ومشاكل بس اختى اذا فكرتى بهالطريقه ماراح تخلصين
الماضى انتهى وغدا بيد الله سبحانه
عيشى يومج وطورى نفسج انتى بايدج تكونين افضل من الماضى مو مثله بس توكلى على الله سبحانه
فى شى كثير من الاخوان مايعرفون عنه
ان لما الواحد يتضايق ويخاف يقعد فالبيت يدور الامان وتزيد الضيقه واحساس الهم والحزن لا والله يا اختى اسالى مجرب كل ما اتضايق اطلع واكون متاكد انى ماراح انبسط بس هم اطلع وسبحان الله العكس يكون صحيح استانس وارد البيت وانا كل الهم والغم راح منى احنا لما نتضايق نقول مانبى نطلع لاتجينا نوبه ولا يزيد الخوف وهذا الغلط بعينه الى تخاف منه سوه وبكل ثقه تتعب اول مره مافيه مشكله بس مسيره ينتهى وتعيشين حياتج طبيعيه

حبيبتي والله اكييد ما بنضحك عليج لانه كلنا نتمنى جي

بس بالعزيمه راح تقدرين تسافرين وتروحين بسيارتج بروحج وكل شي

بس لازم يكون عندج عزيمه وتكونين قويه عسب ترومين تتغلبين ع هالخوف

بس سوال انتي اماراتيه ؟؟

حتى انا اختى والله تعودت عليها صرت امارس حياتى عادى ما اخلى هالشى يعطلنى كتمه غم وهم واى شى يكون فينى اطنشه واكمل حياتى عادى لانى مقتنع
ما اصابك ماكان ليخطأك وما اخطأك ماكان ليصيبك

صح كلامك والله

واصلا احنا كم مرة بنعيش على هالدنيا مرة وحده فليش ما نستغل

كل دقيقه وكل ثانيه في شي مفيد ليش انيب الهم والغم لنفسنا

انا عن نفسي ماابي اضيع باجي حياتي في حزن وتفكير وحاله اللي مكتوب بيصير

جزاك الله خير اخوي انت دوم ترفع المعنويات

الحمدالله على كل حال
لو نقتنع بان كل شى بيد رب العالمين والله بنعيش حياتنا زى العسل
بس الوسواس فى ناس كثير تستسلمله
كان الله فالعون

مشكورة حبيبتي ......هيي انا اماراتية انتي من اي اماره عسب اذا حبيتي نتواصل:smile:

ايه توقعت اماراتيه رمستنا وااعرفها

انا من دبي وانتي

صح مو الوسواس هو الي مدمر حياة واايد من الناس
لو ما تستسلم لهلافكار والوساوس بنعيش حياة ولا اسعد
دام احنا الحمدالله قريبين من رب العالمين مافي شي يخرب علينا حياتنا

انا من أبوظبي:hlaaw:

ياهلا والله باهل بوظبي منورة الغاليه =)

على العموم اللحين استأذنكم برقد ولدي تأخر وايد عنده SCHOOL