هذي العشبة تعتبر مثلها مثل السيروكسات للي استفادوا منها ومثل التفاح للي مااستفادوا يعني مامنها مضرة .. الي مكتوب عنها في المنتديات مريح ولا في منها خوف مع انها في حالات نادرة تخلي البشرة حساسة من الشمس وممكن تطلع بقع داكنة وأنا بأجربها وأعطيكي نتايجها .. بالنسبة لجدة تلقيها في سوق المساعدية في محلات أرمال (جي إن سي) - في طريق المدينة النازل .. فيه فروع ثانية ماأعرفها

أما القطونة فأول مرة أسمع بها ما أقدر أفتيكي فيها.

دحين لما تأخرت علي شوي بالرد بحثت عن هالعشبة في ناس قالوا انها و العياذ بالله تسبب عقم

وإياي فارهبون والمستكفة نصيحة ابدأو في العلاج ولا تضيع العمر وإذا ما بدأت خليه خيار ممكن ولاتقول ما باخذ دوا وراح أقاوم لحالي يعني كم صارلنا نقاوم سنة سنتين 3 9 10 ولمتى

الأخت المستكفة نصيحة أبدأي بالبروزاك او هكذا اطلبي من الدكتورة لأن البروزاك ماله اعراض جانبية مثل باقي الادوية ولا اعتقد انه يسبب زيادة الوزن ويسموه دواء السعادة أو اللوسترال هذه الأدوية قريت عنها كثير جدا جدا جدا ونصحني فيها اخوي طائر الامل خصوصا اللوسترال قالي انك ماتشعر نهائيا انك تاخذ دواء ركزي على هذه الادوية لما تروحي لدكتورة مشكلتها انها غالي ولاكان بدأت فيها فاذا كانت امكانياتك ممتازة كلمي الدكتورة عن هذه الدوائين قوليلها اش رايك فيها

اللوسترال يعتبر الدواء الاول في امريكا للأكتئاب ويسما الزولفت والبروزاك ايضا من اقولا وافضل الادوية للاكتئاب ليه كتبت لك عشانك جديدة في الادوية اخاف الدكتورة تكتبلك دواء قوي تكرهك في الاددوية النفسية فحاولي معها كبداية تجرب الادوية هذه !!!!!!!!!!!!



أخوي واياي فارهبون هذا الدو الي اسمه عشبة سانت جونز أنا اخذته شهر ونص ولا استفدت منه أي شيئ وفيه ناس استافدت منه حسب قرائتي للتجارب واعتقد انه مامنه ضرر لان الدكتور المصري حق الاعشاب ناسي اسمه ينصح فيه قبل تجربة العلاج الكيميائي هو سعره 120 ريال تقريبا في ارمال وفيها 60 حبة قوة الحبة 300 انت تحتاج يوميا 3 حبات وهذه الجرعة هي الجرعة الموصى فيها يعني 1000 او 900 مافرقت



في فرع وقت اللياقة الي في شارع باخشب بجانب مستشفلا المستقبل انا شريتها من هناك بس ما ادري المحل مفتوح ولا قفلوه في نفس مبنى وقت اللياقة لاني قبل فترة عديت مسكر
بالتوفيق لكم واسال الله ان يشفينا ويعافينا جميعا

قرأت ان أرمال قفلته وزارة الصحة مدري فتحوه ولا باقي مقفل ..
راح أكتب اسماء الأدوية و بإذن الله أكلم الدكتورة عليها ..

أبو الحور هرمنا يارجل واحنا نكابر ونقول نقدر عليه لوحدنا ..الحمد لله مريت على ارمال واشتريت "حشيشة القلب" ب 85 ريال فيها 60 حبة وأخذت أول حبة بس خسارة مافي أحد جنبي يقول لي "حاسس انك أحسن دلوقتي" وان شاء الله يكون فيها الشفاء .

أختي المستكفة.. أعراض العقم لم تذكر في أي نشرة للمنتج ولا أي مجرب لها الا من ذكرتيه فقد يكون أخذ في وقتها علاج آخر والتبس عليه الأمر.

كلنا حولك وحنقول لك بإذن الله ( حاسين انك احسن دلوقتي )
ولا يهمك بس انت شد حيلك و خف ^.^

الله يجعلها بالعافية ياخوي يا سلام كتبتها وقت أذان عساها دعوة مستجابة من قلب أخت تتمنى لك كل الخير ..

اللهم آمين الله يسمع منك لي ولكم الشفاء العاجل الذي لاسقم بعده .. ابدأي العلاج ولاتنتظرين العمر يمشي وانا اخوك والمكابرة ماجابت نتيجة لنا الا تعقيد الوضع.

كلمت ماما قالت لي على راحتك احجزي وقت تحبي الحمدلله
انا كان ودي ارجع للطبيبة حقتي اللي كانت بمستشفى الملك فهد بس مسكينة جاها الخبيث و سافرت تتعالج ماهي مداومة على طول
هي الوحيدة اللي ارتحت لها و جابت جلساتها معي نتايج طيبة قبل خمس سنوات ..

دحين مفكرة اروح للدكتورة سناء اللي في مستشفى سليمان فقيه وربك يعين
يقولوا زحمة عليها لدرجة في ناس تيجي على الموعد وماتلحق تدخلها ..

سيب كلمة كويس لأهلها هههههههه الله يقطع شيطانك
انا جربت التلبينة من قبل حلو طعمها بس حسيتها ثقيلة علي فوقفتها وخفت من دسمها
انا عندي اكتئاب يا سيدي من خمس سنوات يروح و يرجع علي
انا سويت تحليل لفيتامين دال طلع 17 و اخذت ابرة قالت الدكتورة مفعولها اسرع من النقط
الحجامة راح تضرني في الوقت الحالي لأن الاكتئاب مأثر علي في نواحي صحية انا ناوية عليها بس شوي لما تخف حالتي
انا لو قلت للدكتورة على الحجامة بتقتلني ....
ايش قصدت بتحليل الجرثومة ؟ وهل الدكتور الباطني هو اللي يكتبها ؟

محمد عبد الباقي فيينك ياراجل !!!

شكلها مهدئ للأعصاب من يوم أخذتها وآخذ هذيك النومة الي ماشية مليون .. ان شاء تكون سبب للشفاء أما الهياط وتحدي هالمرض فردا بدون سلاح والله ماجابني ورا الا هو. وان شاء بأرجع لملاحظاتك التي لا أشك في عظيم نفعها من شخصك الكريم.

شوف اقول لك شي بس ما تضحك يا ابو عابد انا من صغري عندي احساس اني أم للكل ام لأبويه ام لأمي لأخواني
فما كنت احب احد ابدًا يعاملني اني طفلة طول عمري كنت اكبر في عمري و للآن لو احد صغر سنة من عمري اتضايق منه
فمن الناحية دي ماتخفش خالص اختلف عن بنات حواء فيها ..
الاكتئاب جاني لأسباب مو سبب كلها كانت أقوى مني صدقني لمجرد أجيب سيرتها أتذكرها أتألم الله المستعان
اعفيني عن ذكرها الله يخليك ..
الاكتئاب ما يعرف سن جا لخالتي وهي في الستين من عمرها ..
أنا محتاجة طبيب باطني فم المعدة عندي له مدة يألمني فحأقول له على موضوع الجرثومة و التحليل