esadبديت امس تجاهل الحمدالله احسن

طيب يا شروف عندما تتجاهلي النوبة والأعراض الجانبية الجسدية

بماذا توسوسي مثلاً وهل يسيطر عليك الخوف في بعض الأوقات عندما تكون معنوياتك مرتفعة وانتِ تقاومي النوبة

آيه والكثير واحين فيني ضيقه اتجاهل مع انها احسها توجع وربي بس اتجاهل
وفي الصلاه احس شي يقولي هذي اخر سجده بس احاول اركز في الصلاه
هو صعب التجاهل بس بستمر ....

اخي الشاكر البارحه تجاهلت الوسواس وارتحت بنسبه 80%
قمت اتمنى يجي حتى اواجهه بكل قوتي وطبقت جميع النصايح يا اخي
الله يبارك بعمرك يارب وشنو تنصحني بعد يا اخي لان خلال الفتره حاول يهاجمني بس اتصديت له
وكيف ابقى على ما انا عليه

صرت اذا جاني اقول ماله داعي الخوف ليش اخافً والأعراض تتكرر كل يوم نفسها وما يصير فيني شي أعطي نفسي هذا الكلام عشان اتغلب عليه وإنشاء الله اقدر

ايوا كويس خلي يقول لك آخر سجدة وما اعظمها من موته كمان

هكذا كلمي نفسك وتجاهلي

انشاااء الله راح اكملdsdsd

صباح الخير على الجميع

طمنونا عليكم ايها الكرام

امس جاني الالم في رقبتي قويه حاولت ما أعطيه انتباه
حاولت اطنش وأقول هذا شوي ويروح بعدين جاني الم في ركبتي واحس تتنامل رجلي وزي شي يطلع مني تجاهلت وحاولت العب لعبه هههههههه عشان انسئ الحمدالله امس تغلبت عليه حاولت اقرا القران وانا اقرا زي الدوخه تجيني دوقات قلبي تدق بسرعه بس كملت وحاولت اسمع الرقيه وانام الحمدالله dsdsddsdsdماراح استسلم

صباح الخير
انا الواسواس بيحركني زي مايبغي و بسرعه استسلم و الاقيني بفحص جسمي
و دايم عند المرايه و أسئل اختي هلكني هلكني و كل ما ابي أتجاهل يجيني شعور
اللي ليه أتجاهل أكيد هالمره اللي بتتاجهلين فيها بيصير لك شي)؛

بالنسبة لألم الرقبة والأكتاف بيروح مع الوقت لا تقلقي

لأن عضلات الجسم كلها متوثرة بسبب القلق

ممكن تعطينا نبذة قصيرة عن حياتك وسيرتك الشخصية وغيرها من المعلومات

انشاء الله ي رب بس ماراح استسلم وبقرا قران وإنشاء الله اختمه

عمري 23 طالبه بالجامعه و الحمدالله حياتي مافيها اي ظغوطات أو مشاكل و لي سنه متزوجه كنننت انسانه متفائله بشكل كبير و احب الحياه
و صاحبة حس فكاهي و فيني جانب ديني جيد قبل زواجي بكم شهر حلمت حلم فززني من نومي
قمت خايفه وكنت رابطته بالموت وبسرعه صليت ركعتين و نزلت عند امي ربي يطول بعمرها و حضنتها و صرت ابكي زي الاطفال
اقولها خايفه يا يمه و تقعد تسمي علي وبعدها نسيت و عشن حياتي طبيعي الحمدالله بس بعد زواجي بست شهور و كنت بنام حسيت
ريقي ناشف وبالقوه ابلع وصرت كل شوي ابلع وقمت طلعت اتمشى ابي هوا و بالقوه نمت اول نوبه جاتني كنت اتروش فجئه حسيت قلبي
يدق بسرعه خفت طلعت بسرعه حسيت كان روحي تنسحب و لساني تنمل ورجولي مو شايلتني وصرت ابكي و رحت المستشفى و طلع مافيني شي الحمدالله و من بعد اول نوبه و انا حياتي منتكسه فوق تحت وكأني لبست نظارت تشاؤم صرت اخاف مت الأمراض و الموت دايم على بالي الكل يسئل ليش نحفانه ليش متغيره محد فاهمني ولاححاس بالاحساس اللي احسه وصار كل شي اسويه محسوب لازم افكر مية مره قبل لسويه

هذي بداية الوسواس يارب تسساعدني الله يوفقك