هلا اختي
اليوم كيفك

انا والله احس في احباط خفيف وملل وخوف من تقدم السن

انا طيبه حمدلله بس مكروفه بالشغل 🥺

من ناحية الملل ماتنلام الحين حظر كل شيء حتى العيد ماراح نفرح فيه

انا اشتغلت بوظيفه عن بعد من البيت اشتغل عشان اكسر حاجز الملل لأن لو جلست بالبيت بدون ما اطلع واتمشى بطفش مره عاد قلت استغل وقتي ومنها اخذ راتب وانا بالبيت

جواهررر
انا للحين افكر اشتري كميرا واصور اي شئ اشوفه قدامي او اصور رحلاتي في الدباب
بس ماارح اصور نفسي

والفافرين احس انه اشتغل شوي

اي والله استغل وضعك دامك ماشاءالله تطلع بالدباب وتروح وتجي استغل الوضع بالتصوير خصوصا الاجواء هالايام مب شينه

وحتى بالبيت تقدر تزين لك قهوه مثلا او اي شي وتصوره


تعرف تشتغل بالفوتوشوب يعني تعدل الصور الي تصورها ولا بس تصوير ؟

والله محمل تطبيق صغير عربي فيه تعديل
لاني ماعرف للفوتوشوب

بشرحلك وش يفيدك فيه الفوتوشوب احيانا

يعني مثلا انت تبي تصور كوب شاهي طيب
تصور الكوب صوره حلوه بس البخار حق الشاهي مو واضح بصورتك الاصليه ف اذا صرت تعرف للفوتوشوب تقدر تضيف هالبخار ،
ومثلا لو بتصور الجو تقدر بالفوتوشوب تحط مطر او غيم اي او اي شي ... بس الفوتوشوب ينفع للي بيفتح بزنس بالتصوير اذا انت التصوير عندك مجرد هوايه خلاص اكتفي بالتصوير بدون فوتشوب 👍🏻

وابي اشوف تصويرك بعدين عشان اقيمك 😜

حملته زمان ماعرفت له معقد بس مره حلو اذا كذا

انا يوم كنت صغير
كنت اعشق شئ اسمه تصوير
اصور كل شئ حتى عندي كميرات قديمه اصليه
بس مدري وين راحو اتقوع خواتي اخذوهم

ان شا ء الله برسلك صور انا مصورهم اذا الامور زانت

ايه صادق بالبدايه تحسه معقد بس اذا حضرت دورات وكذا فهمته بتشوفه سهل مررره

ان شاء الله ،، الله يوفقك

والله احس اني ضعيف واحباط و بقدان شهيه
بس اكل اندومي و شابوره مع حليب

لا فاقد لاتهمل صحتك ، كل طيب سلطه وكذا
ترى رمضان يخلي شهيتك للأكل تقلب بس عاد انتبه لنفسك
نوع الاكل اشرب عصيرات طبيعيه واشرب مويه كثير وكل سلطات

اشرب شاهي هالوقت اقرأ اي شي مفيد

تابع مسلسلات ممتعه

صلح لك قهوه او عصير

اركض بالحوش او بالغرفه سو رياضه لمدة ربع ساعه

استمتع بيومك

فيه العاب كثيره تقدر تلعبها مع اهلك ي اما تكون اسئله تحمل برنامج اسئله بجوالك وتسألهم تسوي لهم مسابقه وطبعا الاجوبه موجوده مع الاسئله

او تلعب كيرم او بلياردو اذا عندكم بالبيت

انا دايم العب كيرم مع ابوي بس يهزمني كل شوي 😫😫

جواهر
انا سويت مره خبز عربي
بس تركته يتخمر نص ساعه ولا انتفخ معي مدري ليش
اقصد العجينه ما تفتفخ بالصحن حق التخمير

حطيت خميره فوريه ؟

اذا تبيه ينتفخ لازم تحط ملعقه خميره وتخليها ساعه العجين لين ترتاح وتغطيها طبعا

كاس كبير طحين ابيض كويتي
ربع ملعقه ملح
شوي زيت
معلقه خميره

المره الاولى الحمد لله طعمها حلو
الثانيه غيرت الطحين وطلع زي التراب الخبزه الله يكرمك ويكرم النعمه

المويه ماتحط 🤣

اعتمد اجل طريقتك الاولى والدقيق الاول يمكن احسن

احط مويه بس مو كثير شوي شوي
لين ما تطلع ماتمسك بيدي عرفتي
بس اذا حطيتها بالتخمير ماتنتفخ

والله مادري اجل ، انا مو مره شاطره بالطبخ

‏"اللهم إن كانت هذه ليلة القدر فاقسم لنا فيها خير ما قسمت واختم لنا في قضائك خير مما ختمت واختم لنا بالسعادة فيمن ختمت، اللهم لا تحرمنا نورها وبركتها وأجرها وعتقها واجعل لنا فيها دعوة لا تُرد وافتح لنا بابًا إلى الجنة لا يُسد وأرفع أسمائنا في صحائف العتقاء من النار اللهم ما قسمت فى هذه الليلة المباركة من خير وعافية وصحة وسلامة وسعة رزق فاجعل لنا منه نصيبا ، واصرف عنا كل بلاء وشر وفتنة وعن جميع المسلمين ."♥✨

عرفت يقولون اهلي لازم تحط كاس فيه مويه وملعقه خميرا وسكر علشان تتفاعل وتخليها ساعه وشف كيف

اهاا حلو شكلي بجربها انا بعد

المزاج افضل من السمبالتا
الفافرين بدا يشتغل

الحمدلله كويس شي حلو ان شاءالله تتحسن اكثر مع الوقت

الحمد لله اليوم مزاجي كويس
وقلت لخوي وقالي حاول تبعد عنك قصص التصوير بالجوال علشان تعيش حياتك

بس انا عندي ولد اختي و بنت اختي
كل ماقلت لازم اني اتغلب اشك انهم راح يصوروني ف اخاف منهم واتلثم واقفل الابواب
يجيني احباط وخوف منهم وحس انهم يتتبعوني

جواهر مره ضايق صدري وخايف

عندي قصه تكفين ساعديني فيها

كنت مسافر للرياض واخذت شقه مطله على ممر مدري وشو الممر هذا
المهم نمت و صحيت على نور قوي
وخفت احد طب على مع الدريشه

مع اني ناقشت الموضوع مع اطباء قالوا انه اوهام و لا تفكر فيها
وانا خايف عيال الحرام واجد
بس مايهم انه طب وسرق خايف سوى بي شئ
جوالاتي على الطاوله ما فقدتها

ساعديني بليز

اهلين فاقد صباح الخير

سلامتك من الضيقه بقولك قصه تشبه قصتك صارت لي

انا مره كنت منسدحه بالصاله ومشغله التلفزيون واتابع فيلم واختي معي المهم انا نعست ونمت وانا اتابع وانا نايمه واحس اني صاحيه احس فيه احد شايلني ويدور فيني ويضحك وافتح عيوني اشوف الصاله واشوف اختي واحسني ادور بعدين وعيت أكثر وفتحت عيوني زين وشفت الدنيا هاجده بالصاله لا دوران ولاهم يحزون ، بس سألت اختي قلت من شايلني ويدور فيني ؟؟ ماسمعتي ضحك احد ؟
قالت ماتحركتي اصلاً بس حلم وكأنه حقيقه الي صارلي بس بالاخير حلم .. عاد استوعبت انه فعلا مجرد حلم على انه يوم قمت من النوم باقي فيني دوخه من الدوران هههههه

يمكن لأني نمت وانا اتابع فيلم عقلي شبك اكثر من موقف واحساس وحلمت بهالأكشن والدوران 🤣

—

انت الي شفته مجرد حلم صدقني نفس الي جاني كأنه حقيقه بس ترا حلم لان عقلك الواعي يكون نايم وعقلك الباطني هو الي يشتغلك ويشبك افكار كثيره مع بعض وتصير ملخبطه . فلا تصدق هالوهم

ومحد بيتجرأ يطب عليك من الدريشه وثاني شيء انت شلون ماحسيت فيه اذا هو بيسوي لك شيء ، يعني سبحان الله ماجاك الاحساس وصحيت من النوم الا يوم طلع من الدريشه وشفت النور؟ ليش ماجاك الاحساس قبل ، واضح هذا مجرد وهم .

والنور الي شفته يمكن شمس او سياره او شيء المفروض ماتفكر بهذي القصه لأنه تهدر طاقتك على الفاضي وبالاخير مجرد وهم لاتخلي الأوهام تتغلب عليك لك حق تعيش واقعك


خلك واثق من نفسك مررره 👍🏻

بعض الأحلام تحس انك صاحي وتتحرك عادي بس بالاخير حلم مجرد افكار من عقلك الباطني يلعب عليك ، اذا تبي تفرق بين الوهم والحقيقه دايم الحقيقه كامله الوهم دايم فيه لغز وناقص مو مكتمل

لازم تزيد ثقتك بنفسك وتكون واثق عشان تكون قادر تفصل بين الواقع والوهم

نزلت موضوع يشرفني مروك اختي جواهررر

https://www.nafsany.cc/vb/showthread...86#post1395086

اوك قريته 👍🏻

تتحسن اكثر ان شاء الله

رهابي بعد التعديل بالادوية

اذا قمت احس في دوخه وعيوني توشوش بياض ثم يختفي
صرت مثلك

اعراص البدايات

الفافرين ولا من اليبونكس يوم اخففه ؟


او من رفع جرعة ابليفاي؟