الله كريم 00 والله يتقطع قلبي اذا طرو علي بس مابليد حيله 00 والحبوب المصيبه او مااكلتهم الدنيا كانت حلوه بعيني لو تشوفني بوقتها او مااستخدمت الادويه اتحطم بشخصيتي ونشاطي الحين العكس ماجني اكل الحمدلله علي كل حال 0

انا ابو عبدالله ترا مااكلت العلاج النفسي الا من الشديد القوي علي قولتهم كنت بحاله مزريه ترا اهي نعمه حتا وانا اتحلطم الحين بس اشوه من حالتي قبل لااستخدم الادويه

بس عيبها اول ثلاث سنين كنت بحالة ممتازه بنسبة 95 بالميه الحين 40 بالميه

الحمدالله على كل حال ربك بيفرجها وبتترك الحبوب وبتضحك على هالايام ان مع العسر يسرا

بوعلى انت 3 سنوات تاخذ علاج؟؟

الله كريم الله يابو عبدالله

ابو عبدالله انته بس وسواس وخوف من المرض الي تشكي منه 00 يعني عادي تواجه الناس بالاصح ماعندك رهاب اجتماعي 00 بعيد الشر عنك طبعا 00 بس حبيت اسال

انا ياخوى عندى توهم مرضى يعنى شى اسمه مرض اتخسبق وقلب معاى هلع وخوف ورعب بس رهاب اجتماعى ماعندى يعنى اروح اى مكانعادى بس اوقات كثيره اتعب اذا طلعت ابى ارد البيت بسرعه واذا رحت الدوانيه او مطعم مثلا احس مو على بعضى بس الحمدالله راح هالموضوع باجى التوهم المرضى والهلع خفيف الحمدالله يعنى صارلى الحين يمكن اسبوعين ماجتنى نوبه ولله الحمد بس التوهم المرضى اذا كحيت احس ان فينى مرض خطير واوسوس او اذا احد تعبان وفيه حتى لو نشله اتضايق ما احب اقعد عنده وسواس قهرى بالتوهم المرضى وهذا مو اقل من الرهاب الاجتماعى يمكن العن منه


بوناصر وين راح

ترا ماانتبهت لسؤالك توني الاحضه صارلي اخذ علاج 6 سنوات تقربيا

انا موجود

متابع بصمت

الله يكون يعونك يا ابو علي

وتذكر دائما ان المؤمن يؤجر على صبره

نفسي اول بدايتي وسواس من المرض وخوف من الموت 00 معا السنوات صار فيني رهاب اجتماعي معا هلع 00 الحمدلله علي كل حال

6 سنوات يارجل حرام عليك لالالالالا غصبن عليك بتروح للدكتور سيد ترى امون عليك اذا قلت غصب عليك بس والله ماراح اهدك لازم تروحله اهو مسافر يجى السبت ان شاء الله الاسبوع الجاى تروحله وانا بحجزلك عنده فهمت لوعلى ماراح اخليك تروحله يعنى تروحله مره وحده وشوف الفرق واذا ماهديت هالاحبوب ورديت طبيعى باذن الله قول بوعبدالله مايفهم
بتروح يعنى بتروح

خارج عن الموضوع

ابو عبد الله ما شاء الله من متى صاير عضو اساسي ؟

لا يصير لك علاقة مع الادراة من ورانا ؟

الله يسلمك ابو ناصر ويكوني الله بعونا جميعا 00
ابو ناصر انت شنو مرضك النفسي او شنو تشكي منه

انا طال عمرك اشتكي من نوبات واضطراب الهلع

ياعينى يالى متابع بصمت
بوعلى انا صح لو كنت استسلمت كان يمكن وصلت للى انت فيه انا كنت والله ما اطلع من البيت نهائيا وقالى الدكتور لازم تطلع ويزن على وطلبت منه على فكره علاج لانى تعبت وماقدرت استحمل قالى لا ماكو ادويه بتتعالج من غيرها وفعلا صرت اطلع وارد وتغلبت على الرهاب والله كنت بصلاة الجمعه قسما بالله كان ودى انحاش من الصلاة اطلع من الصلاة ودى اركض اروح البيت ما استحمل بس قدرت اتغلب عليها بفضل الله ثم الدكتور ولو مستسلم كان للحين قاعد فالبيت ورديت لربعى وحياتى بالعكس صرت اروحلهم اكثر من قبل صدقنى ياخوى مثل ماصارت فيك هالسالفه انت الوحيد تقدر تتغلب عليها ومن غير ادويه
من الاخر بتروح لدكتور سيد يعنى بتروح ماكو فكه وعلى حسابى اول زياره

لهدرجه تنصح فيه 00 ابو عبدالله انا راضي ما اهد الحبوب ابي بس يخف الرهاب عندي واقعد معا الناس عادي والله لو اتحسن من بعد الله علي اديينه اعطي كل ما املك

ههههههههههههههه والله تونى الاحظ تصدق يالله يالله قرب المراقب

ياخوك 6 سنوات وللحين تتعالج هالدكاتره ماعندهم سالفه الصراحه
شلون ما انصح فيه لانه فعلا ياخوك ماشاء الله عليه ممتاز وعلى فكره عنده دكتوراه بعد مو سهل يعنى
وعجييييييييب والله مره واحد عنده مثل حالتنا تدرى شنو سواله اخر شى سافر وياه البحرين بالطياره وردو بنفس اليوم علشان بس يكسر الحاجز عنده عمرك شفت دكتور يسوى جذى

بوناصر تفرق النوبات عن الاضطراب؟؟؟؟

تصدق انا ودي اجي للكويت علشان ارجع عند دكتورك

هههههههههههههههههه

بعد كل هالكلام وجالس الى هلحين يا بو علي

روح هذا خوش دكتور

ابو عبدالله ترا حطمتني بها الانسان 00000000000 خلاص بس عطني مهله هالشهر يعني علي اول شهر 12 بشوفه بأذن الله 00 متا راح يرجع من مصر
مبروك العضويه الاساسي تستاهل بو عبود

من شنو تحديدا الي يسببلك الهلع الناس ولا شنو

النوبات يعني مثل واحد انسرقت سيارته وفيها مثلا 80 الف دينار

يخاف خوف وتجيه اعراض النوبة = هذي نوبة هلع ( يعني تجي وتعدي )

اما الاضطراب هو ان الشخص طول الوقت يخاف ويقلق من النوبة لدرجة انه يحس انه 24 ساعة

فيه نوبة دون انقطاع ( هذا اسمه اضطراب )

الخروج من المنزل - الناس - البعد عن المنزل - الاماكن المزدحمة - . .. . . .

تستاهل الطيب يابوعلى
شفت يابو ناصر على كل هالكلام المفروض يتزوجه مو يروحله لالالالالالالالا ما راح انطر لين شهر 12 الاسبوع الجاى واول جلسه على حسابى والله ياخوى تشافى ناس باذت الله على ايده والله لو اسولفلك الحالات الى عنده اطق على راسك
والله يابوناصر اذا جيت ان شاء الله الكويت بخليك تزوره ياخوانى ترى الطب النفسى مدارس كل واحد على حسب طريقته واهو لما كان فمصر تدرب على ايد اساتذه كبار مثل احمد عكاشه وغيرهم
واهو كان بالكويت وسافر مصر انتهى عقده وردوووو استدعوه وجددو عقده

اهااااا بوناصر تونى اعرف الفرق قواك الله

خخخخخخخخخخخخخ ياشمات 00 خلاص اقنعت بروحله بس مو علي حسابك خلها لبو ناصر اذا جا للكويت

ههههههههههه

ان شاء الله

انت وبو ناصر واحد وعلى حسابى او على حسابك المهم تروح والاسبوع الجاى والله ازعل عليك اذا مارحت
انا على كل هالكلام شكلى اخذ نسبه من الدكتور على كل مريض هههههههههههههههههههههههه

وابو ناصر كنت بسويله مفاجاه اذا جاه الكويت اوديه للدكتور سيد خربت المفاجاه انت
حوش مفاجاه موديه لدكتور نفسى بدال لا اسويله حفله بالهارد روك اوديه عياده هههههههههههههههههه

انا ابى افهم اخونا عنوان الهم متواجد بالصفحه بس مايشارك ياخوى شاركنا ترى كلنا بهالوى سوا تكلم فضفض استانس معانا كلنا اخوان

ههههههههههههههههههههههههههههههههههههه
المفروض تاخذ نسبه سويتله دعايه شائعة الصيت بالمنتدا المفروض تاخذ جلسات عنده ببلاش سنه كامله ( :

عاد تدرى انه مانعنى من النت وقالى لادش منتديات بخصوص مرضك
بس والله ياخوى مايقصر مايسال عن الفلوس نهائيا بس انا فعلا ابى افيد اخوانى لانى حاس فيكم وصدقنى يابوعلى ان بتتشافا على ايده باذن الله
ترى اخذت منك وعد الاسبوع الجاى ماشى

تكفه طالبك طلبه خلها علي بدايت الشهر ان شاء الله لازم اكمل عن دكتور حسن الموسوي بس هالشهر و12 عند سيد الرفاعي لاتلزمني السبوع الجاي والله مااقدر

صار ابو عبدالله

على هواك مانى ضاغط عليك الى انت تشوفه المهم تتشافا يارب

ان شاء الله الله يكتبلنا الشفاء العاجل ياارب

ابو عبدالله و ابو علي
استأذنكم بطلع من النت فيني النوم 00 تصبحون علي خير 00 وعيدكم مبارك

امين يارب اجمعين
بوعلى جم عمرك