صداع - دوخة - توتر - عدم القدرة على الاسترخاء - فيني نوم بس مو قادر انام

انزين شنو الافكار الى تجيك الحين شنو تفكر فيه

افكر اني مريض او فيني مرض

ياخوك الحال من بعضه بس لازم تكسر الى انت فيه مو تشوف فلم ولا تقعد على النت لا فى شى بفرفتك خربان او اللمبه محترقه او تبى شى الصراحه جربته ونفع معاى سوى رياضه وانت بغرفتك العب رياضه والله بوناصر تاثيرها مو طبيعى

صادق والله

الرياضة مفيدة

بس من شنو جاتك هالحاله قولى خنشوف الاسباب والله

وينك بوناصر فعلا ابى اعرف من شنو جاتلك هالحاله
وانا اقولك ليش وصلت لهالحاله
طبعا اليوم بس شنو الى تغير وخلاك تكتأب

بوناصر حط على قناة الام بى سى واضحك

مو انا طول ما انا اكلمك جالس اطالع المسرحية

بس انا شايفها من قبل

والله ما ادري وش السبب

يمكن ملل وضيقة زادت عن حدها

اى مو بدايتها ملل وضيقه وزهقه
ونس حالك ياخوى ماكو شى يسوى اكتأبت ولا استانست الوضع ماراح يتغير فاستانس احسن

السلام عليكم
صبحكم الله بالخير

ابو عبدالله انت موجود

شوشو مرحبا

هلا بوعلى صباح الخير

اسف تاخرت عليك كنت اصلى ركعتين والله شلونك بشرنى عنك عسى بخير

هلا ابو عبدالله تقبل الله طاعتك
شلون العيد معاك عسا استانست

والله ياخوى رحت عايدت وردت البيت نمت قعدت باليل بغيت اطلع كل مكان فل بس الحمدالله الوضع مستتب
انت بشرنى عن احوالك عسى بخير وشلون العيد طمنى عليك انت مادشيت امس واحاتيك ياخوى

ابشرك انا بخير ونعمه اللهم لك الحمد 00 امس كان العيد حلو استانست وعيدت علي اهلي وقعدت بالدوانيه واستقبلت رواد الدوانيه وعيدتهم والحمد لله كان يوم موفق
لاتحاتي الله يطولي بعمرك انا نايم امس شبك العصر يمكن وسولفت انا وابو ناصر وطلعت من النت وماشبكت وتوني صاحي من النوم

نوم العافيه ان شاء الله والحمد الله مرت الامور على خير
والله انا قعدت فالبيت من امس وتمللت شويه بس سليت نفسى على قد ما اقدر والله الحمدالله
واليوم احتمال يا اروح الوفره او المخيم والله كريم والله يابوعلى الفراغ اهو السبب عندى والمشكله الى متعبتنى بس ان شاء الله بتغلب عليها

بوناصر اليوم ماكان مظبوط كان تعبان زعلت عليه والله مكتاب ومضايق

والله داري لابارك الله بالفراغ يمكن ماخلاني انتكس الا الفراغ اااه 00 بس انت قزرها بالوفره ولا المخيم واستانس 00
تدري شلي خلاني استانس بالعيد امس انه قبل العيد ابوي الله يطولي بعمره كدني كد وديته جبد واخذانا الاضاحي ورحنا الجاخور مال ابوي والله احس حسيت بطعم الحياه لما تحركت ونفعت ابوي الله يخليه لي يارب 00 عشان جذيه استقبلت العيد وانا مشتاق له ( :

ليش زعلت عسا ماشر

ماشاء الله عسى الله يخليه لكم شفت شلون الحياه حلوه بس احنا ماعندنا سالفه

زعلت عليه انه مضايق ومكتاب بس مو من شى ثانى والله الله يفرج همه ويشافيه اجمعين

اللهم امين الله يشافينا يارب

والله يخليلك والدينك 00 اي والله الحياه حلوه معا الغالين ولا طعم حتا

بس شد حيلك واشتغل على الجاخور مو قلت بتظبطه وبتشتغل فيه شد حيلك لاتسكت وتنسى السالفه

هههههههه بحاول والله
انت سهران ولا توك صاحي من النوم ابو عبدالله

لا والله معتفس نومى قاعد 9 باليل

ليش يامعود عدل نومك 00 نومك حده متلخبط

والله ابتلشت بعمرى مانى عارف اعدله اساسا انا انسان ليلى احب السهر طول عمرى جذى تقدر تقول خفاش هههههه
وكل ما اعدل نومى اسبوع بس ويرجع ينقلب الساعه البيلوجيه مالت جسمى تعودت على جذى الظاهر

والله انا نفسك سموني الربع الله يذكرهم بالخير وحش الليل كنت ماطلع الا تالي الليل وخليهم غصب يقعدون بالمخيم لي الفجر 00

والله ياخوى انا مليت من هالعيشه كله بروحى باليل الناس تروح الصبح لاشغالها وانا انام ان شاء الله بشوف حل جذرى لهالمشكله لانه مسببلى فراغ كبير والله يعنى اليوم ممكن ما اروح لاوفره ولا مخيم بسبب هالموضوع اقعد باليل متى اروح واذا رحت ينامون بدرى وانا سهران يعنى لخبطه بتصير

خلاص بلش من اليوم واصل ابو عبدالله لاتنام لين المغرب علي الاقل وجذيه يتعدل نومك 00 شرايك

انا عندى راى ثانى اقول بعد شوى انام نص ساعه تقييييله يعنى واواصل لي باليل وان شاء الله اقدر ياااااااااااااااااارب

هم حلوه 000000000 بس خوفك تكون تقيله مالتك تخليها نومه وماتقعد الا 9 بالليل ههههه

هههههههههههههه والله هذى المشكله بس الله كريم بغصب نفسى ان شاء الله
انت شنو برنامجك اليوم ولا مخليها على الله

لان انا معقدتني التقيله بصراحه اروح اقيل الضهر الناس تنام ساعه انا اصحا بالليل ويعتفس نومي الحين ما اقيل امسها لي بالليل وانام ( :

والله ماكو برنامج عندي اليوم مخليها علي الله