|
اقتباس:
الافضل خليك على جرعة 12،5 |
اقتباس:
انا حاليا احاول اوصل لمستوى ممتاز واذا وصلت للمستوى اللي اكون فيه مرتاحه جدااا وقتها بستمر على العلاج فتره طويله لا تقل عن سنتين وبعدها اجرب اوقف العلاج واترقب النتائج واذا صارت انتكاسه ارجع للعلاج لانه بنظري الانتكاسه هي بلاغ من جسمك انه لم ياخذ كفايته من العلاج الكفايه اللي تحقق الشفاء التام |
اقتباس:
مبروك التحسن وعقبال الشفاء التام يارب الى الان لم اصل للحل الجذري لكن اقدر اقول انه جيدجدا مرتفع لما استخدمت حبه مسيجور مع حبه سيروكسات 12،5 |
اخر المستجدات والاخبار انه الحمدلله التحسن كبير
ارتحت ميه بالميه من ناحية التحدث اول مره من 14 سنه اول مره احس اني صرت اقول كل اللي بداخلي اسولف واتكلم بكل ثقه وطلاقه خلطة السيروكسات مع المسيجور شي عجيب جدا ولكن بقي بداخلي التردد اللي احسه قبل كل مناسبه ما احس باقدام وشجاعه مع اني لما اجبر نفسي على الذهاب للمناسبه اجدني مرتاحه وجريئه علما بانه زمان لما كنت استخدم علاج سبرام كنت احس باقدام واذهب للمناسبات برغم من استمرار الرهاب انذاك عموما انا حاليا مستمره على الخلطه وبحاول اشتغل على حكاية الاقدام بالعلاج السلوكي هذا كل ماعندي حتى اللحظه (: |
بنت الجوري
اشكرك على الرد طيب وش فايدة المسيجور ؟! و هل يمكن يعمل مشااكل في حال استخدامه مع السيروكسات ؟! يعني استشرتي طبيب فيها شغله اخيره انا عملت موضوع هنا و نزلت فيه مقطع من اليوتوب عن اضرار السيروكسات هل ماقيل فيه صحيح ؟ و اسف على الاطالة :) |
مسيجور
الخصائص : بيزوتيفين هو مضاد للامين له تأثير تثبيطي متعدد التكافؤ على الامينات الحيوية المنشأ مثل السيروتونين والهستامين والتريبتامين وهو يحفز الشهيه ويستخدم لزيادة وزن الجسم في المرضى ذوي الوزن المنخفض اللذين يعانون من فقدان الشهيه وفي المرضى المسنين وجد ان بيزوتيفين يزاول اثرا رافعا للمزاج بتخفيف اعراض معينه مثل الشعور باليأس او الاكتئاب او الغم والوهن والتململ واضطرابات النوم وضعف التركيز او ضعف الذاكره نظراً لتأثيره التثبيطي للامينات الحيويه المنشأ فمن الممكن ايضاً استعمال اقراص بيزوتيفين للوقايه من الصداع النصفي حيث انها تقلل من معدل تكرار النوبات دواعي الاستعمال : اضطرابات المزاج في المسنين وفي البالغين يمكن استعمال اقراص مسيجور للوقايه من الصداع الوعائي مثل: الصداع النصفي النمطي وغير النمطي الصداع الوعائي الحركي الصداع العنقودي الصداع التوتري والصداع النفسي المنشأ او التالي للصدمات يستجيب بشكل اقل لمسيجور لا يفيد مسيجور في تخفيف النوبات الحاده من الصداع النصفي موانع الاستعمال : فرط الحساسيه لبيزوتيفين لا ينبغي اعطاء مسيجور للاطفال اللذين يقل وزنهم عن 20 كجم الاحتياطات : نظراً لامكانية حدوث اثر مهدئ فيجب تحذير المرضى من ان مسيجور قد يعوق ردود الافعال عند قيادة السيارة او تشغيل الالات الخ يحتوي الشراب على 2،4 ٪ حجم كحول اي ان كل جرعة موصى بها في تعليمات الجرعة تحتوي على 2،. جرام كحول وهذه الكمية تمثل مخاطرة صحية على المرضى بمرض كبدي او لديهم افراط في تناول الكحول او صرع او تلف دماغي وفي النساء الحوامل والمرضعات وكذلك الاطفال قد يحدث انخفاض او زيادة في مفعول الادوية الاخرى التآثرات : قد يؤدي مسيجور الى تقوية الاثار المركزية للادوية المهدئه والمنومه والمضاده للهستامين |
اقتباس:
|
^^^
اختي بنت الجوري تمنيت الرد الاخير ماعملتي له اقتباس لانه انا مايطلع لي الا حروف غير مفهومه ابدا ماعليك امر لو بس تنسخين ردك دون اقتباس و شكرا |
تفضل اخوي هذا رد بنت الجوري
بنت الجوري اشكرك على الرد طيب وش فايدة المسيجور ؟! يدعم مفعول الادوية التي تؤخذ معه و هل يمكن يعمل مشااكل في حال استخدامه مع السيروكسات ؟! يعني استشرتي طبيب فيها من تجربتي لم يعمل لي مشاكل الحمدلله واعترف انها مغامره مني لاني لم استشر طبيب شغله اخيره انا عملت موضوع هنا و نزلت فيه مقطع من اليوتوب عن اضرار السيروكسات هل ماقيل فيه صحيح ؟ سأطلع على الموضوع قريبا واجيبكو اسف على الاطالة :) |
ابو الجور
شكرا للترجمة :) بنت الجوري يعطيكي الف عافية و بانتظار مستجداتك |
مشكور اخوي ابو الحور
الله يعافيك اخوي وين الحل انا حاليا بدات بخطه جديده برفع الجرعات ويارب تفيد وتقضي على الرهاب بالكامل وتعطيه مؤبد (: قولو آمين |
امين يارب
و بانتظار خطتك اختي انا عارف ان ظروفك ما تسمح لكي بالذهاب لدكتور نفساني طيب جربي و احجزي موعد هنا بالدردشة مع الدكتور رعد و ممكن يساعدك بالادوية |
الله يشفيك اختي بنت الجوري ويشفي جمع المسلمين بسألك أي العلاج استخدمتيه في الاكتئاب والقلق لانه عندي اكتئاب بس بسيط واشوف انه الرهاب اهم شي لانه اذا راح يهون الاكتئاب والقلق والخجل لانه الرهاب هو الاهم وايش افضل سيروكسات ار اكس او العادي للرهاب وايضا هل يأثر على الدراسه لوبستخدمه فتره طويله وشكرا ..
|
اقتباس:
انا فكرت ارجع لطبيبي النفسي صح صعب شوي بس مو مستحيل لاني مليت من الرهاب ويا انا يا هو (: |
اقتباس:
هلا فيك اخوي ابو وليد عالجت الاكتئاب والقلق بعلاج اسمه سبرام وحاليا اعالج الرهاب النشبه (: بالسيروكسات سي ار وانا ما حبيت اختار السيروكسات العادي لاني قرات عن اعراضه المتعبه والحمدلله السيروكسات سي ار ماله اعراض فقط صرت احس بقليل من النسيان وضعف قليل بالتركيز بس ما اهتميت له لاني متخرجه وماعندي دراسه اما بالنسبه لك لازم تاخذ معاه علاج يشيل هالاثر وطبعا لازم دكتور يضبط لك الوصفه |
ماشاء الله عليك
الصراحه كنت اخذ اندرال بس ماحسيته ناسبني ولما شفت موضوعك اخذت السيروكسات ولي 10 ايام اخذ حبه والحمدلله التحسن ملحوظ افكر ازيد الجرعه لحبه ونص بس المشكله الحبه صغيره مادري كيف تنقسم هههههههه اشرايك اخذ حبتين ؟. |
اقتباس:
الحمدلله انه لاحظت تحسن وعقبال الشفاء التام يارب بس لا تستعجل على زيادة الجرعه مثلا خلي الزياده كل اسبوعين مابي احطمك لانه جرعة 25 ما فادت معاي بالرهاب بس انت جرب حظك ما يمنع يمكن تفيد معاك وبالتوفيق يارب لنا جميعا |
صار لي موقف قبل فتره .. لليوم افكر فيه
اتعبني جدا محد راح يحس فيني الا انتم تعبت من التفكير الناس اللي حولي مو حاسين فيني ابدا اذا فيه احد منكم بالمنتدى هالوقت يقلي ابي احكي كل اللي مضايقني |
|
وين اختفيتم
|
سلامتك بنت الجوري وش اللي مضايقك بس انتي زين حالتك انك عرفتي وش المشكله فيه انا مشكلتي الخجل وشويه رهاب لاكن الطفش والاكتئاب امره سهل اتوقع لاتعالج عندك الرهاب وقتها يروح الاكتئاب بدون ادويه من ناحيه الخروج والتمشي وزياره الاقارب انا افكر اخذ اندرال بس شكله مايجيب نتيجه او اجرب سيروكسات ار اكس حبه وحده بس المشكله اني عندي اختبارات انتساب وموظف والشي الاخر افكر اسوي عمليه تدبيس بس فيه ناس ماجابت معهم نتيجه انا مشكلتي الخجل من اي رده فعل والشي الثاني الرهاب الخفيف عندي زياره ناس من زمان مازرتهم او الذهاب للعرس لوحدي ..
|
كلنا آذان صاغية بنت الجوري .......
أبسألك الحين السيروكسات سي ار من يوم ما تناولته لليوم ( صارلي 35 يوم ) عملي أرق اول النوم واحيانا آخره ,.... انا اعرف انه يسوي نوم زايد انا العكس CC..DF |
السلام عليكم
كيف حالكي " بنت الجوري" اكيد كلنا مررنا ونمر بمواقف , لا احد يستطيع تخيلها الا نحن, وهذا سبب تواجدنا هنا , اتمنى لكي وللجميع الصحة والعافية , تحياتي
|
هلا فيكم جميعا
انا بحكي لكم السالفه اللي شاغله تفكيري وجابت لي الهم قبل فتره كم شهر كلموني بنات خالي بيجوني زياره وانا وقتها كنت خارج البيت قلت لهم عادي ارجع البيت تعالو ورفضو وقالو خليها مره ثانيه ومرت كم شهر وكنت في بداية استخدامي لعلاج السيبرالكس وطبعا السيبرالكس في بدايته يزيد الرهاب والخوف اضعاف مضاعفه وتخيلو انه في هالوقت السيء جداا كلموني بنات خالي بيجوني زياره رحبت فيهم رغم اني تعبانه نفسيا بس اعتمدت على اختي انه تكون معاي كلمت اختي وقلت لها ابيك تجين عندي البيت وقلت لها السالفه وللاسف طلع عندها ضيوف وماتقدر تجيني رحت اتجهز ونفسيا احس مره ماني قادره كل شوي القلق يزيد ويزيد واشتغل الوسواس والافكار السلبيه كلها وصرت اتعرق بشكل سريع واحس كانه بتجيني اغماءه بديت ادوخ واحس غثيان كل هذا لاني وقتها كنت استخدم السيبرالكس وهو مزود لي اعراض الرهاب بشكل لا يوصف بعد كذا خفت على نفسي واتصلت على بنات خالي واعتذرت عن الزياره وحاولت انه ما يبين على صوتي هذي هي السالفه ولكن : كل ما اتذكر الموقف احس بمشاعر سيئه جدا امي واختي يلوموني ويستغربون من تصرفي كل ما جات سالفه فيها بنات خالي يذكروني باللي حصل خصوصا انه بالاجازات فيه زواجات وراح التقي فيهم يقولولي كيف بتلاقيهم بالمناسبات وانتي مسويه هالتصرف معاهم يلحون علي انه اسوي لهم عزيمه كتصليح للي حصل انا من الموقف اللي حصل صارت لي عقده صرت اكره الزيارات بزياده وحاليا ما يمر يوم بدون ما افكر بالموضوع اخر شي قلت لا يكلف الله نفسا الا وسعها ما راح اسوي شي فوق طاقتي واللي يصير يصير وما علي من كلام الناس ونظرتهم ايش رايكم بالسالفه ولو انتم مكاني كيف تتصرفون |
اقتباس:
وش الجديد يابنت الجوري هذا هو الرهاب والي سويتيه شيئ طبيعي انتي كنتي اشجع ورجبتي فيهم انا بعتذر مباشرة عشان لا احرج نفسي وبعدين تصرف اهلك معك طبيعي واحنا كرهابيين دائما نسمع لوم من اهلنا على بعض التصرفات يعني مافي جديد وان شاء الله بعد الشفاء التام راح تتعدل الاوضاع |
هههههه ،،،،، بس وشهو عذرك يابنت الجوري يوم صرفتيهم ؟ تقدرين تعزمينهم مره ثانيه بس بوجود أمك وأختك - على فكره ذكرتني بموقف صار علي وياكثر المواقف مره عزمنا شايب من الجماعه ، ورحت أنا والوالد طبعآ الشايب اللي عزمنا ما عنده عيال وتوهقت أنا بصبت القهوه لأني كنت الأصغر ( صغير القوم خادمهم )طبعآ المثل هذا نكبني ههههه - في البدايه كانت الدعوى ماشيه مع ان كانت فيه رعشه بس لما بدا العدد يزيد زادت الرعشة بشكل محرج حتى ان بعضهم لاحظها بس وش أسوي المهم جاني الفرج لما دق جوالي استغليت الفرصة حطيت الدله بصعوبة من قوى الرعشة طبعآ قررت في نفسي وقلت فرصه ذهبية (عملية الهروب الكبير) المهم طلعت برا مسوي فيها برد على الجوال ، طبعآ شغلت السيارة والفركه ! وياروح مابعدك روح - وواحد منكم يصب القهوه الله لا يهينكم ، بعد ثلث ساعه تقريبآ دقو علي يسئلون عني وينك العشاء جاهز قلت لهم فيه واحد زميلي تعبان وما عنده احد وبوديه المستشفى ، طبعآ أنا جالس أفرفر في الشوارع واندب حظي ، وش نسوي الرهاب مفشلنا وخلانا كذابين محترفين بعد-المهم جلست ساعه ورجعت أخذت الوالد ، وبعدها قررت أني ماروح عزايم وإذا إضطريت إني أروح أتأكد ان صاحب العزيمة عنده عيال يصبون القهوه !!!!!!!!!!!
|
اقتباس:
هلا فيك اخوي ابو الحور صحيح انه تحصل لنا كلنا مواقف بسبب الرهاب بس الموقف ينتهي ويتقفل موضوعه اما هالموقف مستمر معاي بسبب الحاح امي واختي وكلامهم اللي يزيد همي يقولولي مره اللي سويتيه فشله ومن هالكلام اللي يتعب القلب فوق تعب الرهاب |
اقتباس:
هلا فيك اخوي عبدالله ما قلت لهم عذر بس قلت اجلوها بيوم ثاني ما تصدق لو اقلك اني تعقدت بسبب هالموقف لدرجة ماني قادره اعزمهم حتى بوجود امي واختي ! صار معاي زي المثل اللي يقول اللي قرصته الحيه يخاف من الحبل :( ضحكتني سالفتك ( عملية الهروب الكبير ) ياما وياما سويناها اذكر ايام كنت بالجامعه بمحاضره صار الدكتور يسالنا فجأه اختبار شفهي بالدور توترت لدرجه توقف فيها التفكير عندي ما افكر الا كيف انحاش خخخ ورحت للمشرفه اللي تشرف على القاعه قلت لها بطلع قالت لا عصبت وقلت لها اقلك تعبانه بطلع قالت كلمي الدكتور واستأذني منه طنشتها وطلعت وهي تنادي وراي خخخخ ورحت امشي بسور الجامعه لحالي والنفسيه تحت الصفر :( |
اختي هل انت متزوجة؟ لأن الصراحة الرهاب يختلف كثيرا بعد الزواج
|
هلا اخوي محمد
ايه متزوجه وبالفتره الاولى من زواجي استقبلت اعداد كثيره من الزوار لوحدي كنت استخدم السبرام والاندرال فقط برأيي الرهاب ما يتغير بعد الزواج بس تحس بشوية ثقه لانك صرت مثل كل اللي بعمرك يعني ايجابيات الزواج بعيده عن الرهاب |
ان شاء الله الصحة والعافية للجميع
|
برأيي الرهاب ما يتغير بعد الزواج
بس تحس بشوية ثقه لانك صرت مثل كل اللي بعمرك يعني ايجابيات الزواج بعيده عن الرهاب صدقت يا اختنا الفاضلة ,الرهاب ما يتغير بعد الزواج, بس انا اشوف هناك طريقة فادتني كثير حاولي تستخدميها, تعودت ابد ما الوم نفسي على شي صار , او حتى بيصير, والله هذا الشعور ريحني كثيرا , وخصوصا اننا نعلم ان تصرفاتنا السلبية ليست ارادية. تحياتي |
رد
اقتباس:
يا اخت بنت الجوري نحن رجال وحصلت لنا مواقف اكثر احراجا مما حصل لك ومع ذلك طبعا هنا اتكلم عن نفسي ,,, مع ذلك انا من ست سنوات قررت ان اي موقف يحصل لي مهما كان محبط لن يؤثر فيني لان ما يحصل هو شيء رغما عني وقضاء وقدر قدره العزيز المقتدر وبكذا ارحت كثيرر اي موقف يحصل لي بعد اقل من ساعة انساه ولا كانه حصل بس السؤال الغريب اللي ودي اسالك اياه يا بنت الجوري انت الان تقولين ان السيروكسات افادك واصبحتي غير رهابية ولا ترتبكين بالكلام مع احد وان تكلمتي تضعين عينك بعين من يكلمك بكل جراة وقوة يعني السيركسات ازال رهابك اذا كيف ما تقدرين تعزيمهم وتطيبيين خاطرهم ؟؟؟ هذا يعني انكِ لا زلت رهابية ولم يساعدك السيروكسات بشي سؤال انتظر اجابته منك |
كنت سأسأل نفس السؤال
|
السلام عليكم
كيف الحال, بنت الجوري, هاي يومين مابينتي, نتمنى ان يكون المانع خيرا. نحياتي |
هلا فيكم جميعا
نتيجة السيروكسات معي مو ثابته خصوصا اني جمعت بين علاجين اثنين هم السيروكسات والمسيجور واذا يوم نسيت اخذ المسيجور تتغير الامور واصير كاني ما اخذ علاج ابدا يعني يرجع الرهاب الشي الثاني حتى اذا انتظمت باخذ العلاجين ما فادوني بخصوص الشجاعه والاقدام قبل الموقف بالعكس احس بتردد وخوف قبل كل موقف هالشي ما كان فيني قبل العلاج بس لما اجبر نفسي واروح للمناسبه اتفاجأ من نفسي اتكلم واحكي مثل الناس بدون اي رهاب فيه بعض الخجل بس هالشي طبيعه فيني واعتبره عادي بس ما احس برهاب ولا ضربات قلب ولا نوبة خوف ولا صعوبه بالكلام اللي تاعبني هو التردد اللي قبل كل موقف وذكرت هالشي من قبل وايضا عندي الرهاب يميز بين الناس يعني مع الاقارب يزيد اكثر ما ادري ليش كذلك لما يكون التردد والتوتر اللي قبل الموقف قوي اعرق كثيييير هالشي ما كان فيني قبل العلاج وكذلك لما كنت استخدم علاج السبرام زمان ما كنت اعرق ابدا حتى لو اتوتر جدا عموما النتيجه مو هي اللي اطمح لها فيها تذبذب وتقلب وقصور عن ما اتأمله |
اقتباس:
|
,نورتي اختنا بنت الجوري
ابي اسالك سؤال انتي بعد استخدام السيروكسات بشهر او شهر ونص قلتي ان العلاج افادك واصبحتي تكلمين بجراة وبدون خوف حتى قلتي انك تضعين عينك بعين من يتكلم معاك متعمده لانك رايتي فائدة ممتازة من العلاج السؤال ليه اضفتي علاج اخر مع السيروكسات اللي هوا السيجور ؟؟؟ ليش اضفتيه دام السيروكسات كان قايم بالغرض ؟؟ فعلا امر محير ,,,, وحتى الاخ ملك الرهاب يقول انه استخدام علاج وانه شفي بعد العلاج وبعد فترة رجع وقال اضفت معه علاج اخر ورجع الرهاب ليش تضيفوا علاجات اخرى دامكم احسستوا بتحسن ؟؟؟ |
اقتباس:
اذا تركته يرجع الرهاب |
اقتباس:
|
| الساعة الآن 05:14 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا