|
مساء الورد ماندوو
عم قول ليش الموقع منور ومشعشع شعشعة هههههه الحمدلله عالسلامة يا طيب بشرنا ..كيف صحتك وكيف السكر عندك كل شي تمام والوضع مستقر؟ ربي لا يعيدها عليك وما ترجع تنتكس ابدا ابدا سلامتك ماندو ward |
اليوم 16 يناير 2016
اولا اشكر الجميع ( ظل امرأه، أمل الروح، محبة الرؤوف، ألم مستمر ، وائل وائل، تمني، طوق الياسمين، نعمة النسيان، الله(وسووم) معي ، ملامح شفاء ( مزمن سابقا هههه )، محبة الرؤوف ، يتيمة فرح، تالين، ريييما )) واتمنى ما نسيت احد والي نسيته حقه على راسي من فوق وشكرا لكم ولدعواتكم وللسؤال عني حاليا وضعي لا بأس فيه مازال فيه انخفاضات ولسه نبحث عن المشكله وعملت تحليل انسولين و c-peptide وقسما بالله مدري وشو ذا لكن يقولون مهم ههههههههه واذا اتضح انه طبيعي بنسوي تحليل كلوجوكون واذا اتضح انه سليم ف تحليل الغده فوق الكلويه ( المهم شكلي شيبت وانا لسه صغير يا ربي لك الحمد. الوضع النفسي،، ما يحتاج اقولكم زفت طبعا يا زوار واعضاء ومن يتابع مدونتي لكن من ناحية الوسواس ف أنا شفيت الحمد لله منه وسبق وقلت لكم. والقلق خف معاي جدا وانا طبعا بالقلق النفسي الحقيقي حاليا وليس الاضطراب لان عندي مشكله عضويه. رهاب الساح خف معاي لاني اضطريت اطلع المستشفى وكمات طلعت اليوم من المستشفى الي منوم فيه الى مستشفى اخر الي فيه دكتوري النفسي لان عندي موعد ... وسولفت معاه عادي عن الي حاصلي وقالي انت نفسيا خفيت قلتله ليش قال لان لو نفس وضعك سابقا مع معرفتك بمشكلتك العضويه كان ممكن تنجن رعب وخوف وقلتله انا خايف اصلا قال ايوه بس لو العلاج مو ماشي معاك كان هالحين انت بوضع اخر وعطاني صراحه امل كبير. وقلت له عن الشهيه الزايده ومتى تروح ف قالي انت تحتاجها اصلا عشان وضعك هههههههه قلت اي ، بس قالي ان الشهيه اصلا تنفتح مع العلاج هذا مؤشر ان مزاجك كويس والعلاج ينفع لان بمجرد اعتدال وتحسن المزاج الشهيه ترجع. ف رحت جاوبت واحد اليوم بقسم الاستفسارات الدواء عن هالشي ههههههههههه لا تيأسو يا اخوه ، كل مرض وله علاج باذن الله ومرضنا يستجيب جدا للعلاج .... ما اقول اني اركض سعاده لا طبعا بس مقارنه بأول انا افضل نفسيا. نصيحه: لما تنفتح الشهيه كثرو سلطات فواكه وخضروات لانها ما بتزيد وزنكم وطبعا كلوها بين الوجبات يعني تغديت،، جعت عليك بالسلطات والفواكه. نراكم بإذن الله على خير |
اقتباس:
لسه والله ما تعدل الوضع لكن ما زلت ابحث انا والاطباء ( على اساس زميلهم يعني هههههه ) وعساه خير يا رب، الله يسلمك من كل شر يا رب |
هههههههه الله يسعدك ويبارك بصحتك وعمرك يارب
وان شاءالله يستقر الحال من احسن لأحسن يارب بعدين لا شو زميلهم استاذهم انت ههههههههه ماشاءالله عنك مو بتشتغل طبيب لنفسك يعني خلينا نقول متلك متلهم http://www.kuwaitup.com/vb/images/smilies/405.gif |
اقتباس:
|
الحمــــــدلله على السلامــــــــه ..
ونور المنتدى برجعتــــــكـ فقدنـــــــــاكـ والله ..): |
اقتباس:
نوركم هذا اما انا عباره عن فانوس بالكاز بيخلص بعد شوي |
اقتباس:
والله فررررحت برجعتككك قلقتنا عليكك ): وانتبه ع صصصصحتك الله يحفظك من كل ششر .. |
اقتباس:
تسلمي والله وانا احاول انتبه على الصحه الله كريم وعسانا نعرف مشكلتي يا رب |
اليوم 17 يناير 2016
بطلع من المستشفى بعد شوي على ضمانتي لان مافي فايده ابدا من جلوسي هنا. تم تشخيصي ان عندي ارتفاع انسولين والعلاج لا يوجد. مطلوب مني اكل كل ساعه ونص الى ساعتين بالكثير وهذا هو العلاج. ممنوع من المجهود العضلي نهائيا لان انسوليني زايد واي مجهود لو خفيف بيهبط معاي السكر. ولو ما اكلت بمده اقصاها ثلاث ساعات السكر يكون منخفض ايضا. يعني مافي حلول ابدا غير ان استأصل البنكرياس واعيش بإبر الانسولين، او اني اعيش كذا اكل ونايم بس مثلي مثل البهيمه فقط لا حول ولا قوة الا بالله. جدا تعبان الان نفسيا،، ووصلت لمرحله من التحمل ما يعلم فيها غير رب العالمين .... الشخص مو عارف يتحمل مرضه النفسي عشان يجيه مرض عضوي متعب زي هذا. الحمد لله على كل شئ. لا اعتراض على ما كتبه رب العالمين حاليا مشلول بعنف لا اقدر اعيش لا نفسيا ولا عضويا .... بكل الاحوال الطبيب نصحني اقابل اخصائي غدد صم قد يكون عنده حل .... وانا فعلا دبرت موعد بشق الانفس مع اخصائيه يوم الثلاثاء بإذن الواحد الاحد ويا رب القى حل عندها. رسالتين موجهه لكم زوار واعضاء الرساله الاولى: اخوكم محتاج دعواتكم بصدق ولا ابي ردود هنا بالدعوات خلوها بقلوبكم وادعولي بصلواتكم وقلوبكم ولا تقولون لي دعيتولي او لا خلوها عن ظهر قلب الرساله الثانيه: موجهه للي ينبسطون اني اعاني افرحو واعملو احتفالات وابتسموا واضحكوا وصفقوا ايضا بدون ما اعرف في ناس تنبسط وناس تحزن وتشفق ،، بكلا الحالتين اعملو الشي بقلوبكم انا احاول اني اتحمل قدر المستطاع لكني انسان بالنهايه ولي قدرة تحمل ولا تلوموني لو اني مثلا كنت جاف بعض المرات او صارم ف وضعي مثل منتو شايفين وحقكم على راسي من فوق. بالنسبه للتحديث النفسي،، بعيدا عن مرضي العضوي والنفسيه الشينه الملاصقه له،، انا بمرضي النفسي لا بأس ... افضل من قبل ورهاب الساح قد يكون اخف ايضا لكن لاني اعتقد ابتليت بمرض عضوي ... لكني ارجع أأكد، لولا الله ثم الدواء لكنت الان منهار جدا لما اعرف عن مرض زي ذا ماله حل وقد يكون في حل عند اخصائيه غدد،، لان الدكتور الي معاي والله جاب معاه مراجعه الطبيه ويقولي والله مدري وش هالحاله. لكنه صار يستنتج ويقول يمكن كذا ويمكن كذا وانا استنتج معاه والجميل بالموضوع انه صار يدخن معاي انا وهو عند الكراسي وندخن سوا ونقرأ،،، هههههههههه شر البريه ما يضحك لا حول ولا قوة الا بالله. المهم تابعو علاجكم ولا توقفو،، انصح بالعلاج الدوائي بشده حتى لو انكم تعبتو ببدايته لا تيأسو .... ولا تخافون الي جاني مو من العلاج اصلا انا شايب صغير فيني امراض الدنيا اصلا جيوب وحساسيه وسكري وركبتي منتهيه واصلع والان زيادة انسولين.... ف لا تقارنو انفسكم فيني ابد بل انا اشد على يديكم للشفاء بإذن الله. بارك الله فيكم جميعا انتهى تحديث اليوم |
ماتشوف شر اخوي ماندوزا
ويارب يكتب لك الشفاء وشئ اهون من شئ وانا اخوك واللي يشوف مصيبة غيره تهون عليه مصيبته والدنياء دار ابتلاء والآخرة بقاء |
اقتباس:
شكرا لمرورك |
ان شاء الله تكون اليوم افضضضضل من امسس ..
|
اقتباس:
بارك الله فيك يا فرح |
اسال الله العظيم رب العرش العظيم ان يشفيك
|
اقتباس:
|
اليوم 18 يناير 2016
المرض النفسي : الوسواس زال 100٪ + نوبات الهلع الفجائيه ( اضطراب الهلع )زال 100٪ القلق للاسف كان اخف من قبل لكن نفسيتي لسه قلقيه وذلك لوجود السبب العضوي الي عندي ومتعبني مره. نوبات الهلع المرتبطه بالقلق خفيفه لكنها تأتي مرات ولكن نوبات الهلع المرضيه تلاشت نهائيا. اميل نوعا ما للاكتئاب لكني ما اكتئبت لسه فقط بسبب مرضي العضوي الي ماله حل ولكن أأكد لكم ان الدواء النفسي نفعني كثير ولولا الله ثم الدواء لكنت الان ( قتلت نفسي بالعربي ). الدواء متعب جدا في جرعته العلاجيه لما بدأت فيها خصوصا انها جرعه عاليه نسبيا لكن الحمد لله تحملتها وصبرت واحتسبت وكان في وقت الصبر على الاثار الجانبيه قد بدأ معي مرضي العضوي وسببلي ربكه ولكن استطيع القول انه نفعني الحمد لله اقصد الدواء على انه متعب لكنه نفعني. بالنسبه لوضعي ، قد تجدوني نوعا ما يائس ولكن لا تقلقو وتذكرو اني اعاني من شئ عضوي غريب لا تفسير له الى الان وهذا ما اتعبني جسديا وعقليا ونفسيا. اما مرضي الاساسي النفسي الذي اتعالج منه اعتقد اني بدأت اسيطر عليه بعد ان سيطر علي ،، ف الوسواس ... باي باي .... الهلع المفاجئ .... باي باي ...... اما القلق ف معذور صراحه لا تواخذوني والهلع الي معاه ( الهلع القلقي ) ما بكذب والله جاني اكثر من مره بسبب خوفي من مرضي العضوي. احيان اضعف،، لكن اقول ان شاء الله خير. نصيحه: ثقو تماما ان كل شئ له حل بإذن الله فلا تيأسو وبادرو بالمسار الصحيح ولو كان متعبا ولا تنسون ان مع العسر يسرا .... عسر العلاج وراه يسر باذن الله تصبحون على خير جميعا |
هانت راح الكثير مابقي الا القليل
وزيد الصبر صبرين✌ العسر راح ينتهي ب اذن الله وبتفرج لوتعسرت لابد ان تتيسر حتى لو استصعبت هالآمرN< والله يشفيكـ ويخليكـ لعين ترجيك ولاتشيل هم السكر وكل أمركـ لله هو وحده قادر علــى شفائك مثل ماقال عبدالله بن مسعود رضي الله عنه : لو أن العسر دخل في جحر لجاء اليسر حتى يدخل معه .. بــــ دمـت ــعــافيه .. |
صباحك شفاء وعافية ماندوو
تأخرت على دوامك هههه ارجو ان تكون بخير يا طيب أصبحت عنوان الصباح هنا ماشاءالله عنك لاحرمنا وجودك نفتقدك .. طمنا عليك :) |
اقتباس:
من بعد ما كنت طبيبك صرتي طبيبتي هههههههه يلا نستنا نصايحك وتشجيعك دايما بارك الله فيك |
اقتباس:
اي تأخرت لان عندي موعد كان مع دكتورة الغدد الصماء حبابه سوريه وشكلها جدة ل سبع احفاد وكنت بعزمها على المنتدى ههههههههه وبكره كمان بتأخر لاني بسوي اختبار تحمل السكر ومرعوب صراحه لان اكيد بيجيني اكثر من هبوط بس بكون بالمختبر يعني لو صار شي انا برقبتهم هههههههههه |
ههههههه بسيطة ماندو والله قلقت خفت ليكون رجعت انتكست لا سمح الله وكيف كان موعدك مع الجدة هههههههه لعله خير يارب وان شاءالله بكرا بتكون زيارتك للطبيب موفقة وموضوع الشكر..انت تستاهل اكيد ربي يشفيك ويعافيك ويقويك :) |
تسلمون جميعا والله ما قصرتو وشكرا لموضوع الشكر
والله نكسات وارده صراحه تعرفي انتي الواحد ضربه على الراس يا دوب يتحملها ف تجيه ضربتين مشكله اي الجده هذي ان شاء الله شفائي على يدها بعد الله سبحانه لكني مو متفائل كثير ( لعله المرض النفسي بس مخليني كذا غير متفائل ) لكن بمشي مثل ما طلبت مني قالت بنفسها ان احتمال يجيك هبوط عنيف ف كون مستعد وانا قلتلها بصوت واثق ( هبوط ههههههه يا ستي انا اصلا مافي شي يرعبني ) وبمجرد لفة ظهرها ركبي صارت تتصافق ببعض ههههههههههه الله يعين يا رب والله مرعوب لكن وش اسوي التشخيص يطلب كذا لا بأس |
هههههه واش سبب هبوط السكر وهل لو علاج ام انه مرض مزمن وهل سببه مفاجئ ام من مضادات الاكتئاب وماتشوف شر حبيبي الله يشفيك
|
اقتباس:
والله ياخي اني ما ادري ، بس طبعا مضادات الاكتئاب مالها دخل بتعطيل الاعضاء لا تقلق هي بدت معاي ان الكبد تلخبط معاي وصار ما يدف سكر وتم علاجه ولكن رجعتلي نفس الحاله واقوى ،، يا رجل اكون جالس يهبط للثلاثينات عادي والمشكله يهبط بس لما اكل ، يعني لو اصحى من النوم عادي ما يصير شي بس بمجرد اكل يبدا المسلسل هذا كل ساعتين او اقل يهبط وما يثبته ساعتين الا بروتينات فقط. قالو عندك زيادة انسولين قلت وش حله، قالو ما ندري قلت بالله !! المهم قالو مالك الا اخصائي غدد وفعلا رحت لها اليوم الصباح وطلبت اسوي اختبار تحمل سكر،، وبناءا عليه تشوف وش المشكله بالضبط هل انسولين زايد او حسمي يرفض الانسولين ك مقاومه لان كنت كذا لما تشخصت بالسكري ،، او في مشكله بأحد الغدد اما الادرينالين الي هي الغده الكظريه الي تفرز الكورتزول او الكبد مره ثانيه. واذا مشكله بالبنكرياس قالت بتجي اول ما تصحى من النوم ف البنكرياس مافيه شي ،، ولو كان فيه بيبين وقتها يكون ورم بالبنكرياس حميد و يزال المهم اني مو فاهم شي الي اعرفه ان جسمي جايب العيد ونفسيتي جايبه العيد وانا بكبري جايب العيد وما عاد عرفت شي |
اليوم 19 يناير 2016
اليوم شوي كئيب،، جدا تعبان جسديا بس نفسيا افضل. اعتقد اني بديت استجمع عقلي اكثر وافكاري الان وابتديت اتابع نفسي عضويا،، والمرض النفسي صار جدا بسيط لان باقي القلق فقط. نوبات الهلع ما شفتها اليوم حتى مع اشتداد القلق وافتقدتها صراحه،، لكن تمام انها ما جت لاني تعبان جدا جسديا. مرعوب طبعا من داخلي جدا لان غدا في تحليل واختبار لكن الله كريم ما باليد حيله. نراكم ان شاء الله نصيحه: اذكركم بالنوم النوم النوم،،، يا جماعه النوم بالليل والاستيقاظ الصباح هو الصح .... انا اجد اغلب القلقين عندما اصحو انهم يكتبون في اوقات مثل اخر الليل و قبل الفجر وهذا معروف انه وقت للجسم والعقل كي يرتاح ف شي طبيعي انك لا تجد الراحه ( دامك ملخبط وحايس ساعتك البايولوجيه ) .... كل عضو من جسمك له وقت معين اخر الليل يضبط نفسه وينظف نفسه وينسق نفسه ولهذا الي يسهرون دايم تعبانين لان الجسم مو قادر يعمل الي عليه بالليل عشان يحافظ عليك يا انسان .... بارك الله فيكم |
طمنا عليك ماندو بكرة
بس والله غريبه حالتك اول مرة اسمع السكر يعمل كذا دعواتي لك بالشفاء وراحة البال والله يطمن قلبك |
الله يشفيك يارب انا لي 4 سنين مانام ف الليل الانادرا بحاول اغير نظامي انشاء الله
|
شايف شكثر اللي استفادو منك م شاء الله كثير واولهم انآ ..
هذا يعني انك قادر ب اذن الله تتغلب ع القلق وم تخلي السكر شغلك الشآغل وهو الغالب وانت المغلوب! nه الحكمه هي لاتقلق ... فإن لكل مشكلة طريقتين✌ الأولى.. أن يكون لها حل, ولذلك لاتقلق.. و الثانية..أن يكون لها حل فلماذا تقلق ؟ وانت عكستها وغيرت هالمعنى عندك مالها حل وقلقان ويآئس ! حتى لو سآءت ظروفك لاتخاف ثق ان الله له حكمة في كل شيء يصير لك وأحسن الظن به تذكر ان { لن يغلب عُسر يُسرين }. ربي ألطف وأكرم من أن يجمع عسرين على قلب مسلم .. واذا مرت عليك ايام عسيرهه زي امس والليوم تآكد راح تكون دبل هالايام ..ايام جميله لكك وراح يزين حالك واحححوالك زي ماقلت لك بس زيد الصصصبر صبرين!$✌ وارضى ب الواقع وتفائل خخير وبتفرج باذن الواحد الاحد .. بــــ دمـت ــعــافيه .. |
اقتباس:
اطمنك اني بالبيت الان لكن شوي تعبان بارك الله فيك اقتباس:
احسنتي ،، هذا هو المطلوب ، لبدنك عليك حق تذكري هالشي اقتباس:
لاني تعبت جدا صراحه الله كريم وشكرا لتشجيعك الدائم بارك الله فيك |
اليوم 20 يناير 2016
التحديثات ك التالي ( مرض نفسي ، مرض عضوي ) والمرض النفسي ب شقين، الشق الاول مرضي الاساسي الي اتعالج منه والشق الثاني المتعلق بالمرض العضوي. المرض النفسي، الشق الاول الاساسي يبدو والله اعلم انه زال .... حتى رهاب الساح خف معاي من كثر ما اروح مستشفيات الان عشان موضوعي العضوي .... اعتقد والله اعلم اني على طريق الشفاء من المرض النفسي يا ربي لك الحمد... ممكن ان مرضي العضوي نساني النفسي او شي من هذا القبيل لكني ما اعتقد لان المرض العضوي كان معاي من حوالي 7 اسابيع بادي لكنه زاد علي الفتره الاخيره بشكل عنيف . ف لو كان هذا السبب لكان نسيت المرض النفسي من قبل شهر ونص ولكن اعتقد ان العلاج المناسب الي اخذته والقراءه الي تعمقت فيها بالسلوكيات وما شابه ساعدت كثير يا ربي لك الحمد والشكر على كل شئ. الشق الثاني، المرض النفسي المرتبط بالعضوي ،، هو بشكل عام قلق لكنه بسبب اكيد،، وبصراحه قلق يجيني على فترات ويزيد علي جدا فترة المساء واعتقد لان حالتي تزداد سوءا عضويا بالمساء ف شي مرتبط. طبعا ذكرت فوق ان رهاب الساح خف معاي لكني ما تخلصت منه لسه لما اطلع اكون متوجس لكن افضل بكثير. حاليا نفسيتي تعبانه جدا جدا بسبب حالتي الصحيه والي بصراحه احس اني فاقد الامل فيها بشكل كبير لكن لسه ما زلت تحت التحاليل والاستنتاجات ويا رب انه خير. نوبات الهلع المرافقه للمرض النفسي المتعلق بالعضوي قليله وهي حسب شدة المرض يعني مو دايم تجي لكنها تجي اذا حسيت بالخطر فقط من الهبوط. مرضي العضوي هذا الي حير الناس تقريبا بالمستشفى كما وان بعضكم يتسائل ويتعجب ، ومنهم اختنا هنا نعمة النسيان وايضا ملامح واخرين.... وانا بشرح ببساطه انام واصحى مافيني اي شي لو اقعد سبع ايام عادي،، بمجرد اني احط بفمي اكل يبدا معي مشوار وسلسلة الانخفاضات العجيبه وعادة الانخفاض يجي بعد ساعتين او اقل من الاكل الى ثلاث ساعات. وهالشي يحطني بقلق وهلع لاني مدري متى بينخفض. وكل شوي اقول هالحين. طبعا لما انام اكون قلق جدا واحط عندي اكل وكل شوي اكل ويجي ارق النوم لحد ما انام فجأه ف أصحى على كابوس وتعرق شنيع وهذا معناه ان جاني انخفاض وانا نايم لكن لاني نايم جسمي دافع عن الانخفاض بالادرينالين ولهذا اتعرق واشوف كوابيس واصحى فجأه. لما تصير هالنقطه يصير السكر ثابت خلاص لان الادرينالين اشتغل واقدر اعيش عادي ف ارجع انام براحه ولا احط شي بفمي ،، واصحى طبيعي لكن حوعان طبعا بس كل شي طبيعي. واذا افطرت،، يبدا المشوار وهذا هو باختصار الي فيني. الى الان طبيبتي شخصتني ان الانسولين عندي ي ما يسوي الخجوه الاولى ويجي متأخر او ان الخطوه الثانيه او الفيز 2 تجي دبل وهذا الي يسبب الانخفاض ولهذا سوتلي اختبار تحمل السكر وفعلا سويته وكان السكر عندي عالي جدا بحدود 300 لمدة ساعتين ونص. اخر نص ساعه فجأه هبط الى مستوى الثلاثينات وهنا قطعو الاختبار ورفعو السكر معاي وبدت علامات الاستفهام تطلع من الي بالمختبر. عاد اتمنى الدكتوره تلاقي حل للي انا فيه وعسى ربي يلهمها لعلاج او اي شي لاني بصراحه وصلت لمرحلة القرف من حالتي. طبعا اليوم انا منهك جدا بسبب الاختبار لان نزل سكري بشكل فظيع حتى صلواتي صليتها جالس ما قدرت ابد اوقف الله يعين. ان شاء الله بكرا افضل مع اني اشك صراحه بس دايم احط ببالي ان ربي لن يتركني ابدا. طبعا الي يعرف شي عن حالتي يقول عسى ان اقول للدكتوره وتفتح عينها على شي معين ،، يعني لو احد قرأ شي قريب مني او شي .... انا ما زلت اقرأ وابحث ويارب الاقي شي. نراكم غدا بإذن الله نصيحه: بادر بتحسين غذائك وحياتك حتى لا يضطرب جسمك مثلي ،، انا كنت مهمل جدا ف لا تهمل نفسك والوقايه خير من العلاج. اتمنالكم الصحه جميعا والعافيه |
أعانك الله أخي الكريم بس هل جربت الرقية ألشرعية عند شيخ ثقة ؟ أخي العين ممكن تسوي هالاضطرابات جرب ومنت خسران دام ان الطب مستغرب من حالتك أتمنى أن تذهب لراقي شرعي ولن تندم بحول الله من أي مدينة أخي ؟
|
جد شي محير انا قريت عن السكرالارتكاسي
وهو عند اللي يسوون عمليات السمنه اول ما يدخل الاكل الجسم يرسل المخ اشاره للبنكرياس بافراز الانسولين عشان يفكك السكريات اللي في الاكل والاكل ما يجلس في المعده ولا يمتص منه الجسم الكمية المطلوبه من السكر يصير عندك كمية فائضه من الانسولين ف الجسم وهالشي يخلي نسبة السكر تنزل بعد ساعه او اكثر شوي من الاكل كمان يحصل للي عنده نشاط ب الغدة الدرقية، والتهاب المعدة بالجرثومة فيه واحد نفس حالتك يقول راح لطبيب في الهند قاله ان غدة البنكرياس تبالغ في افراز مادة الانسولين فيهبط السكر ونصحه انه ما ياكل الحلويات والاغذية سريعة الهظم ويآكل الاغذية اللي تحتوي على الالياف عشان يتم هظمها ببط ويتناول وجبات خفيفة لاكثر من ثلاثة مرات باليوم يارب تكون اليوم افضل 🌹 |
اقتباس:
انا ارقي نفسي من بداية مرضي النفسي اخوي واستخدم علاج النفسي والرقيه لان الرقيه طيبه والخير فيها دايما موضوعي لا اعتقد انه عين مع ان اول مره حالة يقال عنها عين و تتطابق مع موضوع العين ،، لكن هالموضوع جاني من سبع اسابيع تقريبا وانا لي من قبل ما يجيني محبوس بالبيت يعني ما احد بيعطيني عين واصلا العين على شي يعجبه وانا ما عندي الا الفقر ههههههههههه ما زلت اتابع مع الاخصائيه وان شاء الله نلاقي حل يا رب العالمين وشكرا لك ولاهتمامك اخوي بارك الله فيك |
اقتباس:
ما شاء الله تبارك الله اصبحتي الان قويه وتبحثين ومتماسكه سبحان الله ربي يحميك نعم الارتكاسي اعرفه وقرأت عنه او التفاعلي وهذا ينشأ من السكر لكنه ما يوصل لمستوى خطير بس يلعب بالمزاج دايم وهو تحسس من السكر الي سابقا كتبت عنه. وايضا قرأت عنه في المواقع الانجليزيه واسمه reactive hypoglycemia والطبيبه نفت هالشي وقالت انه اصلا مو خطير ولكنه يسبب عسر مزاج وممكن دوخه دقايق وزغلله بالعين وصداع لكن الكبد يدف سكر وقتها وتتعدل الامور،، وهذا علاجه فعلا بس يبتعد عن السكريات مثل ما تفضلتي صحيح لكن انا اصلا كل شي عندي طبيعي بل ان سكري يرتفع لمستوى عالي بس فجأه يهبط. بارك الله فيك يا فرح احسنتي |
اقتباس:
ايه خلينا بالسكر بعد قريت ان الوزن الزائد يسسبب هالشي وكمان ان بعض الحالات مايكون لهها سبب واضح زي حالتك، وهالحالات لازم يهتمون ب هالاشياء اللي هي - تناول وجبات صغيرة كل ثلاث ساعات. - التمارين الرياضية. - تناول أطعمة متنوعة، وعدم الاقتصار على النشويات. - تناول الأطعمة التي تحتوي على الألياف الكثيرة. - تجنب الأطعمة السكرية. |
والله مقدر يا فرح للاسف
انا لو عندي ارتكاسي كان صحيح بس عندي مشكله ما يندرى وش هي ولازم بروتينات كل ساعتين .... ولا اقدر على الرياضه ،،، موضوعي عجيب وهو من البنكرياس اكيد او الغده فوق الكلويه. ادعيلي بس بقلبك مو هنا وبصلاتك ايضا نلاقي حل عند الاخصائيه |
سبحان الله رغم انك تعاني بس غيرت كثير للاحسسن ماشاء الله
ب اذن الله راح ادعيلك بس طمنا عليك اول ب اول .. |
ان شاء الله وشكرا لك من القلب يا فرح
بارك الله فيك |
اليوم 21 يناير 2016
نوعا ما نفسيا افضل،، صحيح فيه تذبذب بس اني افضل بشكل نفسي. فقط شاغلني موضوعي الي المفروض ماله دخل فيكم يعني ،، الاغلب يتابع الموضوع النفسي. وانا اقدر اقولكم بالفم المليان،، ان النفسيه او مرضي النفسي تحسن بشكل ملحوظ. واقدر اقول ان فرق بين اول ما تشخصت والان اقدر اقول بنسبة 80 بالميه يا ربي لك الحمد. كل شي يا اخواني واخواتي تقدرون عليه،،، فقط اتبعوا النظام العلاجي الصحيح والتقيد بالاوقات بحذافيرها واذكركم بالنوم بشكل صحي بالليل والاستيقاظ صباحا ...... على الاقل فترة العلاج وبعدها فلها. نراكم ان شاء الله نصيحه: كل شي بالدنيا له علاج، وهذا مو كلامي هذا كلام رسولنا الكريم.... ودام تعرفون علاجكم بادرو فيه ولا تخافون لان ابرة البنج حق الاسنان تخوفكم كلكم ولكنكم تاخذونها وقت الجلسه،، ف لا تقلقو ابدا |
| الساعة الآن 03:24 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا