افضل شي انك تقرا النسخة الانجليزية

لأنه فيه اشياء ومعاني كثيرة تضيع في الترجمة

اخوى ليش لا انا صلتى بالانجليزى بس للمطاعم والسفر يعنى الشى الى يمشى امورى اما كتاب لا ماوصلت لهالدرجه انا منزل برنامج تعليم اللغه الانجليزيه وقاعد اشغل نفسى فيه

شكرا على مرورج اختى ولاتحرمينا منها الله يجزاج خير

ماشاء الله عقبال التخرج والماستر والدكتوراه يارب
انا والله ودى اتعلم لغه انجليزيه بطلاقه بس مانى عارف اتعلم بروحى

والله احتاجها للسفر انا راعى سفر لفيت واجد وسافرت كثير وكنت احتاجها بالسفر ودى والله اتعلمها

اى اعرفها انا امشى حالى بس يا اخى اذا واحد قعد يقرق على اتوهق ههههههه
انا ودى اتعلمه عدل بس احس لازم ممارسه

ههههههههههههه

والله ضحكتني ( يقرق علي ؟ )

ههههههههههههه

فعلا الممارسة هي الاساس

فيه تاس تعلموا من الممارسة الكثيرة

ههههههه والله ياخوى انا اعرف اطلب من المطعم من الروم سيرفس اشترى من السوق بس اذا انحرف الحوار عن هالاشياء اتوهق بس اهز راسى يعنى فاهم هههههههههه

انا حاط كتاب جدامى على طول على الطاوله كيف تتعلم اللغه الانجليزيه وكل ما افضى اقعد اقرى فيه شويه والله تعلمت منه واجد
بس المشكله ما امارس
انت كم عمرك وشكثر وتتخرج
بس الى اعرفه عن السعوديه الشغل بالحسره عندكم صح

شكلك دخت وفيك النوم اذا فيك نوم توكل على الله ترى انا ماراح اسكت بتكلم لى باجر :)
فلا ماودى تروح بس انت كفيت ووفيت ماقصرت والله ياخوى

انا عمري 24 وشوي

الان انا في السنة الخامسة في الجامعة

اي والله انك صادق الوظايف عندنا بالواسطة ويالله بعد

العمر كله يارب ونشوفك دكتور بالجامعه
الله يرزقك ان شاء الله بالوظيفه الى تتمناها

دوم مستانس وتضحك يارب
تصبح على خير
والله يشافينا وياك اجمعين

اتمنى احد من الاعضاء يدش ويكمل معاى المسيره :)

ههههههههههههههه:biggrin::biggrin:

حدى ابى السوالف ههههههههههه

شدعوه ياخوانى مافى احد يحب يتكلم
والله ضاق صدرى من سكت الاخ ليش لا هونها على والله
دشو نتكلم ونتبادل خبرات ونفضفض

اخوى الشاكر عندى سؤال انا امس جتنى النوبه بس صار معاى عدم تركيز مثل التوهان كانى مو حاس بنفسى
الحين خفت حيل الحمدالله بس اول مره تجينى هالحاله والله خفت حيل حسيت انى موطبيعى والله فكرت انى صرت مجنون والعياذ بالله
فيدنى الله يرحم والديك انت من اكثر الناس خبره بالمنتدى وماتقصر مع اى احد

السلام عليكم جميعا
محد رد على سؤالى حتى الاخ الشاكر ماجاوبنى
وانا ياخوانى من صحيت من النوم وانا فعلا تعبان حتى الصلاة خربطت فيها ليش مادرى خايف مرعوب واوجاع فالراس وضيقه فالصدر وشغلات كثيره الله لايوريها لكم ويشافينا ويشافيكم يارب

محد رد على
ياخوانى انا مو خايف من شى لا من الموت ولا من القلب ولا شى بس خايف من الجنون احس حالتى بتوصلنى للجنون مادرى ليش فينى رعشه ولوعه وعدم تركيز واحس انى بفقد عقلى شافانا الله واياكم

الله يشفيك يا أخوي كلنا في الهواء سوى

حال مايعلم فيه إلا الله

شكرا اختى مطمئنه بس يجيلك احساس بالجنون الله يخليج جاوبينى او فقدان العقل
الله يشافينا ويبعد عنا الشر

استغفر الله العظيم واتوب اليه

أخوي كلنا عندنا هذا الإحساس

النوبة الوحدة بس تلعب في التفكير والشعور وتقلب الأمور فوق تحت

أنا عندي اللاواقعية بزيادة يعني ما أعرف روحي ولا أعرف الدنيا وأحس فيها زي زمان كأن جزء من عقلي مغيب
شئ ما أقدر أوصفه

الله يشفينا وإياك

اخوي رجل ضد الهلع .. انا اأعرف اللي جاااك مثلي سبحان الله بالظبط انا لو اقولك ش صار ليي بالظبط تحمد ربببك كثييييييير . انا بنت عمري الحين 18 تخيل كنت جالسه بالصبح بالاجازه سهرااانه كالعاده وفجأه سبحان الله جاتني نوبة ضيييييييييييقه ضيقه فضيعه من لا شيء كذا .. من بعدها شلت هممها وصرت قلقه قلقه بزيااده عن اللزوم من الضيقه كنت انتظرها اذا جتني من الخوف منهاا وجاني اكتئاب منها اعوذ بالله وكل هذا ماعلمت اهلي ابد قعدت شهر تعبانه ماعلمتهم .. بعدين حسيت نفسي بوهم ومو بواقع وخلاص صار حلللمي الوحيد اني احس بواقعي لأني صار بيني وبين الواقع زي الحاجز اعوذ بالله احس اني مو نوف اللي أول لا احس اني انسانه جديده كل شي تغير علي كل شي .. ومن هالمرض اسمه اضطراب الالآنيه جاتني نوبات هلع وكاننت تجيني برمضان .. بس على قد نوبات الهلع اللي فيني ماهتميت فيها لان كان شغلي الشاااغل احس بواااقعي كنت ابي احس بوااقعي مررره اشتقت لنفسي .. المهم وصرت اقرا على نفسي من بعدها جاتني دمات خضر بسيقاني واكتشفت انها عين الله يكفينا شررها والى الان اهلي ماودوني لا شيخ ولا دكتور مادري شأسوي .. بس انا الحين ادور شيخ يقرا وممتاز وقراءته مؤثره لاني بجد اشتققققت لواااقعي . وشفني ماشالله علي نوبات الهلع عندي خفت ليييش ؟! لاني كنت مشغله نفسي بمرض ثاني يالله لك الحمد .. بالنسبه انك تحس بعدم تركيز زي كذا تحس انك بحلم هذا لا تفكر فيه ابد دامك اول مره تحس فيه ليش لان هالأحساس بعدم التركيز هذا كله بسبب القلق النفسي و التعب النفسي عرفت وهذا الكلام كلام دكاتره مو مني . وسبحان الله ع قولتهم العين تخلي الواحد تنزل دموعه كذا من دون سبب ومن دون تفكير انا كذا الله يكفينا شر العين والله يكفينا شر هالأمراض يارب .. وعموما حبيت اقولك الله يخليك لاتلتفت لحالة عدم التركيز ابدااا لانها جاتك من كثر القلق .. وفي دكاتره حاليا ينصحون بالأسترخااء دااائما .. احسه بيفيد معك كثييير بأذن الله .. اول شي كنت مستلقي على ظهرك وخلك مرتااااااااح وشل اأي فكره تجي ببالك اهمل نفسك لاتشد عمرك ابددا بعدين ابدا اتنفس دخـــل هوا من خشمك ودخل كثيييير الى ماتشوف بطنك وصدر رقا فوووق مو بطنك بس لا كلهم بطنك وظهرك بعدين عد براسك ثانيتين او 3 بعدين طلعه .. وكرره مرتين او ثلاث مراات .. بعدين شد اصابع رجولك بقوووه وانت شااددها خذ نفس من خشمك بنفس الطريقه اللي فوق بعدين وانت تطلق الهوا الزفير اطلق عضلات رجولك معك اوكي . ونفس الحركه هذي بساقيك وركبك وبالورك وبالبطن وباليدين وبالصدر وبكل عضله بجسمك حتى كتفيك . كتفيك كتفك اررففففعه بققوووه الى ماتحس راسك غفص جوا حلقك وسو الاسترخاء هذا .. وقبل كل هذا اقرآ اياآت السكينه دااائما ..


ذكر الله سبحانه " السكينة" في كتابه في ستة مواضع :
1- ( وَقَالَ لَهُمْ نِبِيّهُمْ إِنّ آيَةَ مُلْكِهِ أَن يَأْتِيَكُمُ التّابُوتُ فِيهِ سَكِينَةٌ مّن رّبّكُمْ وَبَقِيّةٌ مّمّا تَرَكَ آلُ مُوسَىَ وَآلُ هَارُونَ تَحْمِلُهُ الْمَلآئِكَةُ إِنّ فِي ذَلِكَ لاَيَةً لّكُمْ إِن كُنْتُـم مّؤْمِنِينَ) [البقرة: 248]
2- ( ثُمّ أَنَزلَ اللّهُ سَكِينَتَهُ عَلَىَ رَسُولِهِ وَعَلَى الْمُؤْمِنِينَ وَأَنزَلَ جُنُوداً لّمْ تَرَوْهَا وَعذّبَ الّذِينَ كَفَرُواْ وَذَلِكَ جَزَآءُ الْكَافِرِينَ) [التوبة:26]
3- ( إِلاّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيّدَهُ بِجُنُودٍ لّمْ تَرَوْهَا وَجَعَلَ كَلِمَةَ الّذِينَ كَفَرُواْ السّفْلَىَ وَكَلِمَةُ اللّهِ هِيَ الْعُلْيَا وَاللّهُ عَزِيزٌ حَكِيمٌ) [التوبة:40]
4- ( هُوَ الّذِيَ أَنزَلَ السّكِينَةَ فِي قُلُوبِ الْمُؤْمِنِينَ لِيَزْدَادُوَاْ إِيمَاناً مّعَ إِيمَانِهِمْ وَلِلّهِ جُنُودُ السّمَاوَاتِ وَالأرْضِ وَكَانَ اللّهُ عَلِيماً حَكِيماً ) [الفتح:4]
5- ( لّقَدْ رَضِيَ اللّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشّجَرَةِ فَعَلِمَ مَا فِي قُلُوبِهِمْ فَأنزَلَ السّكِينَةَ عَلَيْهِمْ وَأَثَابَهُمْ فَتْحاً قَرِيباً ) [الفتح:18]
6- ( إِذْ جَعَلَ الّذِينَ كَفَرُواْ فِي قُلُوبِهِمُ الْحَمِيّةَ حَمِيّةَ الْجَاهِلِيّةِ فَأَنزَلَ اللّهُ سَكِينَتَهُ عَلَىَ رَسُولِهِ وَعَلَى الْمُؤْمِنِينَ وَأَلْزَمَهُمْ كَلِمَةَ التّقْوَىَ وَكَانُوَاْ أَحَقّ بِهَا وَأَهْلَهَا وَكَانَ اللّهُ بِكُلّ شَيْءٍ عَلِيماً

الله يخليك قبل كل شي اقرأها لانك واضح انك تحب توتر عمرك على غير داعي .. انا من ناحيتي اشخص حالتك .. >كنت< انسان فيك مرض اسمه هلع وذهب هذا المرض و الآن من كثر ماتدخل المنتديات النفسيه وتشوف مشاركاتك وحالت الناس المرضى هنا شفانا الله واياهم اصبحت تتوهم ان فيك بلاوي وانت حاليا ترا مافيييك الا كل عافيه الحمدلله بس من اللي جاك اعوذ بالله صرت متوتر شوي .. وايات السكينه ثم تمارين الاأسترخاء تكون دائما وخاصتا قبل النوم .وقبل كلل هذا التوكل على الله .. رح تتعااااافى كلللللليا واضمن لك هالكلام بأذن الله رح يروح عنك القلق والوساوس اللي مالها فااائده ابببدا بأذن الله .. ويارب يارب نشوفك عن قريب تتكتب فيه تجربتي مع الاأمراض النفسيه والحمدلله انها راحت << وتشوف كلامي عدل

أحسك محتاج لعلاج ياخوي
بعدين ذكرت أنك متزوج ؟ وشًموقف زوجتك معك ووش دورها

اختي نوف الله يشفيك ويعافيك
لاتوهمين نفسك انها عين أنا كنت كذا اتعب ورحت لمشايخ ويقولون عين ومدري ايش
والحمدالله اكلت العلاج وطبت
مع أني اقرأ على نفسي والتزمت الحمدالله بس رجعتلي بعد مااتوفت خالتي وشفتها. .

ياشوشو انا ماأوهم نفسي انا شفت اآثار الكدمات برجولي . بس وابي اقنع نفسي انها عين لان اهلي رافضيييييييييين اني اروح طبيب والله حالتي ماتسر عدو ولاصديق اعوذ بالله مادري وش أسوي .. الله يصبررني بس

أنا الحين فيني كدمات من غير سبب
واهلك ليش رافضين ؟ماشافو حالتك يعني