اليوم من الساعه 1 صباحا حتى الان النوبه لم تفارقني تزيد وتنخفض اول مره احس بكذا
خايفه مرررره مع دخول متكرر للحمام ومره كثرة تبول ومره اسهال ومره امساك اسفه لهذا الوصف لكن جدا خائفه ومو قادره اتسطح على الفراش كل ماتسطحت احس بالنوبه وكاني بموت مدري ايش العمل جدا تعبت |
الحمدلله خفت النوبات بس لازلت خايفه وقلقه
واتوقع النوبات رجعت لاني اعاني من الانفلونزا من اسبوع تقريبا وبعدها الم في اسناني واذني ومن كثر الاكل من المسكنات تفاعلت مع النوبه لاني حسيت من راح مفعول المسكن ارتحت كثير الله يشفينا يارب |
ارجوكم تساعدوني حالتي تسوء انا أعاني من صداع و دوخه مستمره ملازمتني كل يوم وطول آليوم انا طبيعتي قلقه جداً احس كأن راسي مشدود وكان ثقل في مقدمه و مؤخره راس و تنميل بالرأس وعدم الاتزان و موقادره اركز اذا ركزت زي تيجاني حاله أغيب عن الوعي وانا في اصل بوعيي قرأت اعراض سرطان المخ و طول اليوم ونا اوسوس ومكتأبه عملت تحليل دم و لسى ماطلعت نتيجه و قرأت عن اعراض سكته الدماغيه وتقريبا زي اعراضي واللحين صرت اوسوس أكثر اللي مثل حالتي يطمني تكفون والله حالتي نفسيه جداً سيئه
|
مرحبا مساء الفل کيفکم اليوم عساکم ع القوھ يارب ..
تخيلوو عندي وحده من صحباتي والمشكله اعز صديقاتي اصابت بالهلع وكنت استنا اتقابل معها ويوم اني شوفتها كلمتها عن الي صار معها وقلتلها انو الي فيكي هلع قالت ايش انتي وش تقولي .. قلت الها نفس الاعراض الي عندي .. قالت انقلعي اسكتي يالنفسيه صدمتني بالكلمه هذي .. هذا جزاتي انا خايفه عليها .. هالحين الاحظ عليها تتجنب وجودي وكآنھا خايفہ مني . ف جاني شعور انو عايلتي او حتي صحباتي راح يجرحوني لو بفضفض الهم . |
نور الخير
خيتي نور الخير .. انصحك لاتقري حاجه تقلقك وربي بتتعبي كثير ..
انا مثلك اقري وآقري لين جاتني كئاآبہ .. وتوقفت صرت آقري آشياء تحفزني وتسعدني وتعطيني امل .. والحمد لله فيه تحسن .. الصداع الي تحسي فيه من حالتك ومن قلقك وتفكيرك حبيبتي وربي يشافيك عااجل مو ااجل . |
شكرًا أختي تتوقعين اللي فيني اختلال الانيه الآني اول مرا اسمع بهالشي و مرا خايفه الان قريت مالها علاج او شي زي صرع اكاد ان أصاب بالجنون
|
هلا بك آختي ... العفوو
آنا مثلگ ماعرف آيش ھو آختلال الانيہ .. ولا آبي اعرف عشان مااوسوس وافكر كثير بس من جد لوو بنضل ع الحال هههههه ماراح نعيش مثل الخلق .. حياتي حاولي تسيطري ع افكارك وخلي روحك وعزيمتك قويه .. مثلي انا شوفيني صايره مدرعه ماشاءاللہ علي ههههههه . |
آختي رحمتك ارجووو وكووولكم فديت خشومكم ..
رجيتكم لاتعطو الهلع ونوباته اكثر من حجمه لانوو بكذا بيسيطر علينا و افكارنا وبيخرب حياتنا ادري صعب بين يووم ولليله تتخلصو منه بس حااولو فديتكم . |
يا اختي الهلع هو لي مسبب لك الاحساس بالدوخة والاحساس بانك بخيال صدقيني بس تتخلصي من الهلع رح تروح كل ها الاعراض
|
اقتباس:
|
السلام عليكم....
كيفكم اخواني....بالبداية اعرفكم عن نفسي انا اخوكم عبدالله الاحمد عايش بالكويت ابي اقولكم قصتي باختصار اول شي طبعا انا كان دوامي من 12 بالليل لي 8 الصبح بيوم رجعت من الدوام منسدح ابي انام وقاعد العب بالتلفوون فجأة حسيت بنغزة تحت قلبي فكرت نفسي بمووت قمت عند امي قالتلي شفيك قلت حطيت ايدي على راسي وقلت لها بمووت احس نفسي بموت قالتلي استعيذ من الشيطان المهم من يومها بديت بالمعاناه طبعا مو عارف انام خوف من الموت احس بدقات قلبي سريعه حيل وطبعا احس شي يمشي بجسمي من اول رجولي لي راسي وعلى طول خوف من الموت وتفكير بالمستقبل وبالقبر وبعذاب النار طبعا هذا الشي قربني من ربي وقمت اصلي وعلى طول استغفر وكنت لما اصلي تجيني الحالة واخر شي ما قمت اصلي يا رب اغفرلي مو تقصير مني بس خوف انها تجيني الحالة طبعا كنت بالبداية اخاف اطلع من البيت وبعدها قلت لو تميت بالبيت على طول بتجيني الحالة وقمت اطلع مع ربعي وعلى طول طالع صرت اخاف ارجع عالبيت يعني ما ارجع عالبيت الى لما اكون ابي انام طبعا كرهت الشغل وكرهت كل شي كل ما اسوي اي حركة اقول لا اذا سويت جذي راح امووت عايش بخووف ورعب الله اعلم فيهم وطبعا الحين ولله الحمد خفت نوبات الهلع بس تفكير الموت ما يروح من بالي كل شي بحياتي تشاؤم ورعب من ولا شي وطبعا لما اضحك يجيني اخساس بالموت اكشر وربي اني عايش حياتي برعب وبخووف وبصراحة ما ارتاح وانام الى لما اقرا انه في ناس بنفس حالتي يا رب رحمتك بس مابي اطول عليكم وهذي قصتي باخصار وانشاالله لي كلام ثاتي معاكم ....اسأل الله انه يشفيني ويشفي كل المسلمين ....والحمج لله على كل حال اخوكم المهلووع// عبدالله الاحمد |
يا اخي طنش اعراض الهلع لانها ليست اعراض موت دايما تخدعنا ليش نصدقها كل مرة وكدلك اقرا عن نعيم القبر والجنة لكي ترتاح وكلما تتدكر الموت وانه شيئ مرعب او مخيف تذكر نعيم القبر والجنة ورح ترتاح وتقول وبعدين لو متت امر المؤمن كله خير
|
اقتباس:
بس كله من التوتر والقلق فديتك ف اطنشه ويروح بحاله .. اقهري القلق لاتخلينو يقهرك シ |
ادري انه هذا كله لازم انطنشه بس والله اذا تبي الصراحة اللي نحسه اكبر من اللي نتكلم فيه تعرف شعور المعاناة لما انت تكلم نفسك وتقوول الحين بموت وبنفس الوقت تقول لالا هذا كله جذب تعيش بصراع داخلي براسك وخوف وشغلات كثيرة سهل لما تقول طنش بس يكون صعب لما فعلا تحاول تطنش يعني يكفي انه الشي الوحيد اللي يخليك مستانس بهالدنيا اهيا نفسيتك ونفسيتك تكون مو مرتاحة وعلى طول ضايق مو عارف تلقاها من وين شلون تبي اطنش....بس ما اقول غير الحمد لله على كل حاال الله المستعان......يا رب رحمتك علينا
|
كيف حالكم يا اخواني
ان شاء الله بخير ؟؟ الى كل من ينظم الى هنا اقول له دعك من مراقبة الاعراض و تنفس بعمق و هدوء اثناء النوبة و تذكر انك تمر بحالة خوف شديد و انه غير ضار و لن يقتلك باذن الله طنش اي اعراض ليس لها سبب عضوي ظاهر لانها اعراض قلق لا غير .. فكر بايجابية .. الله يعافي الجميع |
الساعة الآن 03:41 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا