مساء الخير


كيفك استاذه ليلى الحمدان

عندي سؤال هل انت مجربه الهلع لاني احس قريبه من الاعضاء وفاهتهم

تسلمي غاليتي ليلى

سؤال ثاني ــ

كثرة النسيان هل بسبب الهلع ام بسبب اخر وما علاجه؟؟

لان النسيان عندي عندي صاير كثير

واسفه ع كثرة الاسئله

عزيزتي النسيان شيء طبيعي يتعرض له الفرد، ويزداد لدى الإنسان إذا تشوش الذهن أو تكاثرت الضغوط فاذا انت تعانين من ضغوطات ومتوترة وشغلك الشاغل الهلع النوبة يمكن تجيني الان او بعد شوي وبهذا يكون ذهنك مشوش بمرضك وانتباهك مشتت وبالتالي النسيان نتيجة حتمية

فعلا هذا الحاصل تفكيري محصور جدا ــ وماالعلاج؟

حتى اني كثرت الزيارات ومجلس لوحدي كثير

احاول اشغل نفسي بس التفكير ذابحني واكلم نفسي ؟!

نفسي ارجع زي ماكنت !؟

الوووووووووووو

صباح الخير جميعا

السلالالالالالالالالالالالالالالالالالام عليكم ورحمه الله وبركاته

هلا بوناصر لا والله ادش اسلم وما القى احد يرد اطلع انا سلمت الساعه 1 انت رديت على بعد ساعه وربع :)
بس ابشرك انا ولله الحمد بأفضل حالات اكل عدل واطلع وارجع بس ان شاء الله نستمر على هالحاله يارب
والتوتر والقلق شبه راح منى الا يجينى لحظات ويروح الحمدالله على كل حال
والنوم تعدل لالالالالالا الحمدالله الحمدالله واجد متحسن
والله كله بفضل الله والتزامى بصلاة الفجر وما انسى طبعا وقفتكم معاى

ما شاء الله ما شاء الله


يارب دوم ان شاء الله


بس الله الله ما اوصيك ياخوك على الصلاة مع الجماعة واذكار الصباح والمساء واذكار النوم وصلاة الليل / الوتر

هذي باذن الله هي مفاتيح السعادة




اشوفك الليلة ان شاء الله هنا

لاتوصى حريص والله ياخوك هالى قلته اسويه ومن وقت ماصرت اسوى هالاشياء وانا فى تحسن مستمر ولله الحمد
على خير ان شاء الله باليل

سلام كيفكم

فيه احدد اتكلم معه

السلام عليكم ياحلوين بشروني عنكم ؟

الحمدالله يارب ..إن شاءالله طيبه الله يديمها علينا من نعمه

ممكن سوال؟
عند اي دكتور تعالج؟ وكم تاخذ من بروزاك 20 والا 40

20

ولماذا السؤال عن الدكتور ؟ لأنه دكتور مو معروف

سؤال عادي ..
العشرين جرام من اكلت الدواء؟
لان دكتوري زاد لي الجرعه لا 40 يعني اكلت 20 شهر بعدين زاد اللجرعه

اااااهااااا

انا الدكتور قالي براحتك اذا انت مرتاح الان استمر على 20

بس اذا تبي تزودها عادي خلها 40

مع العلم انه صارلي اكثر من شهرين على العشرين

طيب لين الحين تراودك الافكار .؟ والخوف

ايه الى الحين بس على خفيف

يعني اخف من قبل

السلام عليكم

سلام عندي سؤال

مايجيكم شعور فجاءة كانك ماتعرف نفسك لحظات وتروح بسرعه

وعليكم السلام
انا هالشعور مايجينى بس ساعات يجينى شعور عدم تركيز مادرى شنو يصير حولينى مركز على فكره وحده بس وهالفكره تتعبنى

اهو شعور كاني في غربه

اعذرني ماعرف اشرح صح

ههههه شوق الى يصير فينا محد يقدر يشرحه بس انا قلتلك قبل هالمره مادرى انتى ولا اخت ثانيه لما قالتلى مثل حالتك قلتلها حل هالمشكله الدوش الباره بس قالتلى انها ماتحب البارد حتى فالصيف مادرى انتى ولا احد ثانى ما اذكر والله
بس جد علىى فكره الدوش البارد يوخر هالحاله الى انتى فيها ان شاء الله حتى لو ماتحبينه على الاقل حاولى

انا ان شاء الله احاول عما قريب

الله يشافيج اختى والمسلمين يارب

اللهم امين

كبف شعورك الان؟

والله اختى شوق انا الحمدالله وضعى ممتاز ولله الحمد امورى طيبه انا قلتلك حاله عدم التركيز ماكنت اقصد الحين لا قبل فتره والله يمكن اسبوعين او اكثر الحمدالله انا فى تحسن كبير

مشاء الله تبارك الرحمن

زيد فالثقه عندك حتى لو حاولت ترجعلك ادفعها بقوه

بشاره والله لنا حتى يكون فيه امل بالشفاء

انا عندي اليومين هذي مااحب انام ومع وخوف حتى لو اصحي بدري ماانام

والله اختى شوق انا كنت اصحى من النوم قلبى مسوى حفله من سرعه الضربات واكون خايف مرعووووووب واخاف انام لا اصحى بهالطريقه بس استخدمت استراتيجيه ووالله انفعت معاى اولا لما يصير معاى هالشى اقعد استغفر واقرى قرآن وانا بفراشى ما اقوم لغايه ما اهدى وسبحان الله ارجع انام ثانى شى تحديت الافكار مثل افكار الموت او المرض لما الافكار تقولى خلاص بتموت انا اقول يالله اروح لربى احسن مايظلم عنده احد واقول حق مفسى يالله عاد موت ليش ماتموت بسرعه انا مستعجل ابى اموت واقول لنفسى ماصارت ترى تاخرت انت تقول (اكلم الافكار) ان خلاص بموت ليش توعد وماتوفى خليت الفكره سخيفه انا كنت اهرب من الفكره وعلشان جذى كانت تلحقنى انا سويت العكس صرت انا الحق الفكره واهى تهرب منى هههههههه والحمدالله مثل ما انتى شايفه بس اختى احنا عيبنا ماعندنا اصرار ومانبى نحاول نبى حل سريع بدون تعب نبى ناكل حبه او طريقه بسيطه توخر كل هالافكار عن تفكيرنا وهالشى ماراح يصير الا اذا احنا نبى وقبل كل هذا يا اختى انا كنت استغفر وواثق بالله واقول انى واثق بالله بس الصراحه اغلبنا بس كلام يعنى يقول انه واثق بالله كلام بس فى فرق لما تقول انك واثق بالله ومتوكل عليه وفرق لما تكون متيقن بهالموضوع انا لما ايثنت ان كل شى بيد الله سبحانه والله يا اختى كل شى راااااااااااااااح

الله يديم نعيمك وعافيتك وصحتكـ

عقبال مااشوفك دكتور نفساني للمنتدى يارجل ضد الهلع (اسم على مسمى)

يالله بحاول انام وبتحدى نفسي

الى اللقاء

موفقه ان شاء الله وتصبحين على خير احلام سعيده

السلام عليكم ورحمه الله وبركاته