وعليكم السلام

السلام عليكم اخواني كيف الحال؟

الحمد الله ان شاء الله بخير

أستغفر الله العظيم الذي لاإله إلا هو الحي القيوم وأتوب إليه
أستغفر الله العظيم الذي لاإله إلا هو الحي القيوم وأتوب إليه
أستغفر الله العظيم الذي لاإله إلا هو الحي القيوم وأتوب إليه

الوووووووووووووووووووووو

السلام عليكم
بوناصر شلونك اخوى صارلى جم يوم ماكلمتك

والله ياخوى انا الحمدالله تمام ولله الحمد تصدق بس ثبل نص ساعه جاتنى ضيقه ليش مادرى مع انى كنت تمام من زمان والله من قبل العيد تقريبا وصارلى اسبوع التوتر والقلق راح ولله الحمد بس جتنى الضيقه الحين مو قويه بسيطه بس بديت اوسوس تدرى ليش بوناصر لانه لما تحسنت اخر مره بعيد الفطر وصرت تمام تذكر بعدين جتنى هالضيقه بعدين انتكست فالحين جاى فبالى ان هذى بدايه انتكاسه

ابو عبد الله اسف على التاخير ( صلاة الظهر )


بالنسبة للضيقة يجب ان تثق ثقة تامة انها تاتي لكافة الناس ( كيف ) ؟

كل الناس يحسون بالضيقة هذي من وقت الى اخر لأي سبب , ويتضح هذا على عدد من الناس


بس الشي المهم انك لاتعتبرها انتكاسة

مو معقول كل مرة تتضايق تقول هذي انتكاسة

سوي الاشياء الي كنت تسويها الايام الي فاتت وبس


وما قدامك الا الخير ان شاء الله

والله ياخوك قاعد احاول وقاعد اقاوم بكل الى اقدر عليه بس الله يوفقنى يارب

بعدين بوناصر الضيقه هذى مو من فراغ انا صارت معاى احداث امس عكرت مزاجى ونكدت على اعتقد هالضيقه منها يعنى مو فجأه ان شاء الله ضيقه وتعدى يارب

ابو عبدالله الي تسويه هذا غلط !!!!!!


لاتتكلم عن الضيقة كأنك معها في معركة خاسرة

يعني انا احس انك يائس

واليأس هذا ماله داعي

حتى لو كانت الضيقة من اشياء صارت لك امس خلاص الشكوى لله

لاتتعلق بهالاشياء ولا تعطيها اي فرصة تنقص معنوياتك


انا اقولك هذا الكلام واقول لنفسي بعد

حنا لازم نكون اقوى من هالاشياء الثانوية الي تمر على حياتنا كالشوائب في النهر الصافي

ياعينى عجبتنى هذى كالشوائب فالنهر
والله كلامك صح يابوناصر مادرى شفينى استسلمت بسرعه للضيقه لاحول ولا قوه الا بالله لا ان شاء الله بشيل هالفكره من راسى بعون الله ا والله ماصارت كل ماصار شى اعتفست غير سالفه هذى بعد

هذا الي اقوله


لا تستسلم بسرعة لأي شي ما يستاهل


الا على فكرة كيف الاجواء عندكم هاليومين ؟

سمعت ان القعدة على البحر في هالفترة ماتنتفوت

والله ياخوى انا اروح المخيم الجو فالمخيم لندني والله عجيييييييييب

بس ما فيه مطر ولا ربيع علشان اروح للمخيم

والله مطر مافيه ولا ربيع بس الجو حلو يخليك تروح المخيم

الحمدالله بدت تخف الضيقه ماقصرت يابو ناصر لاخل ولا عدم ياخوى

ههههههه وش دعوى يابوعبدالله

ما سوينا شي


حنا قبل اسبوع تقريبا صلينا صلاة الاستسقاء

بس الى الان ما جانا المطر , المطر هلحين على مكة والطائف وجدة والمناطق الجنوبية

الله يرزقكم ان شاء الله
حنا صلينا يوم الثلاثاء واعتقد فى بعد هالاسبوع صلاة الله يرزقنا يارب اجمعين يازين المطر ياخوك نعمه هالربيع وهالخير بس ان شاء الله مستعدين هالسنه للمطر ماتصير غرقه عندكم

اااااااه الله المستعان بس

هذا الفساد الادراي وما يسوي

عندنا وعندكم خير هالفساد ماراح يخلص ياخوى الله المستعان
تصدق بوناصر أم واحد من الربع يعتبر عشيرى اخوى دنيا اهو الى كان معاى لما كنت تعبان حيل والله العظيم ماقصر فينى تصدق يابو ناصر أمه صار فيها هلع الحين سبحان الله يقولى والله عرفت ان الى فيها هلع وعرفت شلون اتعامل معاها بسبب الخبره الى اكتسبها منى الله يشافيها يارب اهى جالها الهلع بعد وفاة ابوه الله يرحمه ووسواس الموت شاد عليها حيل

الله يكون في عونه وعونها

انا اذكر يوم قلتلي هالسالفة

الى الان ما هدت شوي؟

لا والله ياخوى للححين الله يعينهاا

ابو عبدالله انا استئذنك

لدقائق قليلة

خذ راحتك ياخوى

صباااااااااااااح الخير

كيف هي الاجواء هنا؟؟؟؟؟

اهلا اهلا استاذه ليلى نورت الصفحه انتى اخبارج ان شاء الله تكونين بخير

لما ادخل واطمن عليكم واشوفكم بخير تلقائيا اكون بخير

والصفحة منورة بيكم اعزائي

مساء الخير لكم جمعياً

أستاذة ليلي إذا موجودة محتاجتك في استشارة

دائما بخير استاذه ليلى انا والله كنت قبل شوى مضايق بس دخلت واخوى ليش لا ماقصر وخفف عنى ولزمت الاستغفار ولله الحمد انا بخير الحين شكرا على سؤالج استاذه

مساء النور اخت مطمئنه

يسعد مساءك اخت مطمئنة

انا استاذنكم اصلى وارجع

ياجماعة شسوي بروحي
عندي دراسة ومو قادرة أروح، زايد عندي رهاب الخروج وضيقة الخلق والتوتر واللاواقعية والأفكار الغريبة وكل شئ

من عيوني يا الغالية

ايش رايك اليوم المساء

لاني بعد شوي رايحة للشغل

والمساء ان شاء اله اكون تحت امرك

فاذا حبيتي هون ساتواجد واذا شيء خاص افتحي موضوع في العيادة

اسعد الله اوقاتك اخي العزيز

كيف حالك ان شاء الله بخير