![]() |
هههههههههههههههه اى والله ياخوى ماقالها عبط حده فاهم الى قالها
بس الاحساس هذا طبيعى اخوى يعنى حاس انى مو طبيعى حاس ان فينى شى غلط او بسوى شى غلط مادى مادرى شنو فينى والله موقادر اوصف الاحساس |
يعني تحس ان مافيه شي بالهدنيا ممكن يونسك الحين ؟
|
لا حاس بالاواقعيه مثل حاس بتوهان او عدم تركيز اى عدم تركيز
|
اخوي ضد الهلع ممكن اذا ماعليك امر ( وبدون اي تطفل على حياتك ) تقولي وشو برنامجك اليومي من تصحى من النوم اليحن ترجع للفراش ؟ ممكن اقدر اساعدك في شي انا مريت فيه |
انا اقولك
انا نومى انام الفجر واصحى على الظهر او العصر واصلى العشى واطلع من البيت واروح الدوانيه او اطلع مع الاهل سوق ومطاعم ولا سينما وارجع البيت على النت لين ما انام وانا من عمرى من الناس الى يسهرون احب السهر بس بديت اتعب منه لانى اقعد بروحى وانا ما احب اقعد بروحى اوسوس وانا وظيفتى كل شهر مره اداوم |
طيب : هل سويت الاشياء الي تخلي الشخص فعلا يستحق راحة البال والسعادة بمشيئة الله ؟ |
مثل شنو مانى فاهم
|
1. الصلاة في وقتها ومع الجماعة 2. المحافظة على اذكار الصباح والمساء واذكار النوم 3. ترك الاشياء التي تسبب النكد والكدر ( الدخان - الاغاني - .........) 4. وفي المقابل الحرص على الاشياء التي تعود عليك بالاجر والثواب ( النوافل - طاعة الوالدين - غض البصر - ......) |
انا عارف انك تعرف كل هالكلام
انا كنت اعرف هالكلام من زمااااان بس ما عرف الراحة الحقيقية الا لما طبقتها كلها |
اقتباس:
المحافظه على الاذكار نعم دايما انا مدخن وما اقدر اقطع التدخين اغانى ما اسمع الا بالسياره الراديو ما اشغل النوافل اصلى كثير مو اقل من 6 ركعات يوميا وبعد كل صلاة هم اصلى ركعتين طاعه الوالدين الحمد الله واغض البصر يعنى كل الى قلته اسويه الا الدخان ولاتمسك على الدخان ولاتقولى شى عنه الله يرحم والديك لا اكره نفسى انا احاول اخفف مابى احس ان الدخان اهو سبب حالتى هههههه لانه صعب اتركه وان اظطريت بكون تعبان حيل انسى الدخان بس ياخوى اول مره تحوشنى هالحاله الى اهى عدم التركيز كانت على خفيف بس اليوم زادت حيييييييييل |
اقتباس:
|
اقتباس:
والله ما اكذب عليك انا قبل كنت حتى صلاة الجمعة ما اصليها في المسجد ( الله يتوب علي ) بس هلحين انا يضيق صدري من جد اذا ما صليت مع الجماعة صلاة الفرد = درجة واحدة فقط - صلاة الجماعة = سبعة وعشرون درجة |
والله مانى كاذب عليك ياخوى انا قبل ماكنت اصلى اصلا كنت اصلى متقطع بس الحين انا ما اطوف صلاة وفعلا افكر حيل انى اصلى جماعه جد واحس ان الله ابتلانى بالمرض لهالسبب لانى اخوى والله كنت ادعى ربى بقلب صادق انى اثبت على الصلاة واحس ان هالبلاء اهو سبب انى ملتزم بصلاتى
الحمدالله على كل حال وان شاء الله احاول التزم بصلاة الجماعه بس للحين ماجاوبتنى حالت عدم التركيز شنو هذى لانه تجاهلك الرد عليها خوفنى بصراحه |
اقتباس:
يعني كل ما ضاقت الدنيا علي راح ارجع من البداية خلاص مليت من هالحالة . |
وبعدين تعرف المثل الي يقول يوم لك ويوم عليك
هذا مثل كااااااااذب والحقيقة يوم لك (( وشهر )) عليك |
الساعة الآن 08:48 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا