معك حق ،، عشان كذا اقول لازم يقول للدكتور المعالج الي يتابع عنده عن هذي الأفكار .

وكويس إنك انت ماتستسلم كليًا لوساوس التصوير عقبال ماتجي تبشرنا انك تغلبت عليها نهائي ياااارب 🤲🏻

انا اتلثم اذا طلعت من البيت اخاف احد يصورني بس اروح مكان بعيد وافكها واحس في حريه بس الدكتور عطاني علاج جديد واحس اني ارتحت له بس لازم اغادر من راسي الفكره
انتي بحكم انك بنت تخافي احد يصورك مثلا في بنك ولا الجامعه ؟

كان الله في عونك ومثل ماتقول لازم تطلع هالفكره من راسك ..


أنا العكس أحب التصوير وماعندي مشكله اي احد يصورني ودايم اشوف صوري بجوالات صديقاتي ماعندي مشكله .

ومن ناحية الجامعه انا اكثر من مره يتم تكريمي بقاعة كبيره ومدرجات اذا تعرف قاعات الجامعه حقت الاحتفالات ،،
مره كرموني بسبب براءة اختراع وكنت اشوف كثير ماعرفهم رافعين الجوال ومشغلين فلاش وعادي عندي يعني اكيد ماراح يصورون وجهي وثاني شي اذا صوروني وش بيصير مثلا؟ عادي جدا

واحيانا انزل صوري بالسناب وفيه ناس يلتقطون الشاشه وعادي ما أسالهم ليش التقطتو الشاشه لأن الموضوع بالنسبه لي عادي — واذا رحت احتفالات او عزايم البنات يصورون وانا اطلع بالفديوهات حقتهم. وعادي عندي

اعتقد انك مو سعوديه صح ؟

انا يافاقد عندي وسواس التخاطر عندي اعتقاد اني احس بإحساس الناس او افكارهم اقدر اعرفها بدون مايتكلمون هذه فقط مشكلتي والحين مع العلاج بدت تخف الاعراض - وتعامل اهلي وصديقاتي له دور كبير بعلاجي الحمدلله

التخاطر عموما موجود
بس لا تخافي منه

إلا سعوديه

هههههههههههه ان شاء الله اصير مثلكم انتي وخواتي
حتى في زواج اختي يصورون مع بعض و يجلسون عيالهم معهم جوالات كميرا ولا يجي على بالهم شئ

هههه ان شاء الله ، التصوير حلو لأنه يحفظ لك الذكريات الجميله

الحين ودي اشتري كميرا اصور على الدباب
ولا اصور دبابي الجديد اذا شريته و اصور الي شئ كفي ولا اكل
بس اخاف من الكميرا اذا جت على وجهي حتى جوالي مغطي الكميرا لصق عرفتي

موهبة التصوير جممميله ، صور عادي لا تخاف الكاميرا ماراح تلتفت عليك وتصورك ، خذ جوالك واذا اعجبك شيء صوره 👍🏻 حتى لو حسيت بألم نفسي بالبدايه استمر وصور اذا طلعت مطعم صور عادي صور اخوانك شوي شوي لين تخف الاعراض الي عندك

انا من كثر حبي للتصوير فاتحه صفحه خاصه كلها صور انا صورتها وطبعا كلها عباره عن سفرياتي والمطاعم

ثنتين من صديقاتي دخلو دورات تصوير وصارو مصورات ، المطاعم تتعاقد معهم يجون يصورون الاكل حقهم بطريقه احترافيه ويعطونهم مبلغ مادي .. التصوير صار بزنس كبيير ويعطيك فلوس اكثر من الوظيفه .. لازم تطلع من القوقعه الي عايش فيها وتطلع للعالم وتعيش طبيعي

يوم كنت صغير عندي 10 كميرات تحميض

وفوري

كل شئ اصورة عندي صور عيال صغار جيراننا و اخواني مصورهم
بس الحين اخواني العيال مايبون احد يصورهم مع انهم مايخافون بس حريه شخصيه

كنت ايام التوسط مصور اصور اليوم المفتوح بس سبحان الله كرهته كره وخفت منه بسبب اختي الله يرحمها