werw;مشاالله

لاشكر على واجب اخي الصغير ، ونحن نحبك في الله ونتمنى لك الخير في كل حياتك

هههههههههههه
هو يقول آكل في التيوس لان وزني نزل من 73الا 59 يقصد وزني نزل من 73 إلى 59 فهو يقصد إلى حرف الجر وليس إلا أداة الاستثناء.

صباح الخير اليوم النوم ماذقت طعمه الله المستعان نمت 3الفجر صحيت 5 على نوبه هلع شديده طبعا صحيت مخنوقه وافرفر بالبيت وبعدين حاولت انام الساعه 6 صحيت 7 على نوبه هلع كمان واحس بهبوط وبطئ نبضات قلبي الصراحه انا ميته رعب بقول شي مع العلم اني استحي اقوله بس يمكن بيفدكم اذا اعطيتوني الحل انا معاي الدوره وجايه على نزيف هي اللي مسويه هبوط لجسمي؟ ولا اتوهم ؟ وبطى دقات قلبي احسها بطيئه ؟وربي عيوني تقفل من حالها بس مو قادره الهلع موطبيعي اليوم لاعب فيني .... اروح الطوارى كالعاده ولا اجلس واشوف لي صرفه بليز ردوا علي . طيب ايش اعراض بطى القلب ؟ يمكن انا اتوهم

هتووفه لاتروحين للطوارى ليش تروحين زي كل يوم بيقولون ماعندك أي شي ؟؟. هتووفه بقول لك شي تخيلي انك في سجن ومنعو عنك الاكل والمويه لمدت أسبوع وش بيصير فيك ؟؟ طبعاً بتموتين صح طيب ابغاك. بس تصبرين اسبوع بس اسبوع ونتي لاتحاولين تخافين لأن الخوف غذاء الهلع يعني كلمازاد الخوف كلما زاد الهلع والله والله لو تجربين اسبوع بدون خوف من أي عارض سواء دقات قلب او دوخه والله تلقينها تخف وتروح تدريجي ادري انها صعبه لاكن اصبري اصبري لازم العلاج يبغي له صبر والله لو تطبقين كلامي اسبوع بس والله تلاقينها خفت تدريجيا بس انتي اصبري وطنشي . وبنسبه للدوره اعراضها طبيعيه لاكن القلق القلق القلق والله زودها عليك لازم تصبرين ولافيه داعي تروحين للطوارى لانك مابتسفيدي شي ..

وإذا ماقدرتي يعني ماتحملتي أرجوك أرجوك انك ماتعذبين نفسك والله والله ان هذا المرض التافه مايستاهل تعذبين نفسك عشانه أعرضي نفسك على دكتور نفسي وخذي العلاج روحي مع اهلك لاقرب عياده وخذي العلاج عشان يساعدك في تحمل الأعراض وترجعين لحياتك الطبيعيه هذا في حالت انك خلاص ماقدرتي لاكن انا بطلبك طلب قبل ما انصحك بلعلاج انك تحاولين تصبرين بدون خوف ركزي معي ( بدون خوف اسبوع بس ) وبتشوفين الفرق .

الله عليك ياعلي، جد الله يريحك زي ماتريحنا بكلامك وتفاؤلك ❤️

هتوووفة طبيعي ان يزيد القلق والخوف والارق والاكتئاب في وقت الدورة وهذا عند جميع النساء الطبيعيات فما بالك بمريضات الهلع والوسواس، لاتركزي كثيرا في الاعراض، تناولي بعض الاعشاب المهدئة كالميرمية والبابونج والنعناع فهي تريح وتزيل التشنجات واسترخي.
وكلام علي سليم جدا ولو تطبقيه سترين فرقا واضحا في حالتك واعراضك، اسأل الله لك ولنا الشفاء والعافية.

ربي يعطيكم العافيه ويشرح صدوركم
انا الحمد لله احسن من قبل واجاهد نفسي
بس اللي يضايقني الاحلام احيانا يحدد لي ف اليوم الفلاني شكلك بتموتين
واتم في صراع نفسي الين يعدي هاليوم او الاسبوع
انتم تمرون كذا
وكذلك الاحظ ع نفسي زيادة الوسواس عند حدوث مشكله واتوتر حيل
ربي يسرني لليسرى وجنبني العسرى

اهلا مزون كيفك خطوه رائعه يامزوون واصلي معليك انا زيك اخر ايام المرض الله لايعيده تجيني احلام كلها عن الموت واحيانا يقول انت مسحور وووو شوفي تدرين يوم طنشتي الاعراض طلع لك بشي جديد نفس الي حصل لي بزبط وكل هدف الشيطان يبغى يرجعك للهلع بأي وسيله وأنا شخصيا سالت شيخ وقال لي بلحرف الواحد ( انت مريض بلهلع او بلوسواس قلت ايه قال كلها احلام من الشيطان يريد ان يحزنك ويخوفك) وبقول لك معلومه ترى مو كل حلم يتحقق لو كنا كذا كان صرنا انبياء)والله والله كل المصابين بلهلع والوسواس تجيهم نفس الاعراض معليك تطمني وترى انتي ماشيه للطريق الصح الى الامام لاتوقفين ونصيحه اي حلم زين شين اتركيه انسيييييه اول ماتقومين لاتفسرينه .

بصراحه يا علي ياغامدي تستاهل تصير دكتور مو ممرض
كلامك رائع ومنطقي وسليم ولا غبار عليه
بس المشكله فيني حاولت اطنش ماقدرت
كيف اطنش شئ ملازمني ليل نهار
عدم توازن وانا امشي وانا جالسه وانا واقفه
سبب لي خووووف ورعب واعصابي دايم مشدوده وعدم تركيز
مع توقع الشئ السئ
الله يستر عليك قولي وش اسوي ؟

اسفه
غلطت في الاسم اقصد علي اليامي
صرت مااركز تمام

تاليا انتي قلتي انك طنشتي الاعراض ؟ بس ما طنشتي الافكار ! يعني ماراح تستفيدين اي شي تاليا انا كنت زيك واكثر كنت اطلع اسوق السياره حاس بكل شي يدور احس اني امشي علا اسفنج شوفي انا بقول لك شي ابغاك تروحين تجين تمشين وتطنشين الاعراض والافكار يعني انتي تمشين اللحين فكري في اي شي ثاني البيت الدوام اي شي مفرح اول ماتجيك الفكره انك بتسقطين وبيغمى عليك لاتسترسلين معها وقفيها علا طول والله والله لو تعرفين بس الطريقه صح بتفشلين اول مره ثاني مره ثالث مره لاكن صدقيني لو تعودين نفسك على التطنيش والتفكير الايجابي والله على طول تقدرين تتحكمين بأفكارك ويخف عنك القلق والتوتر وحاولي بقدر الامكان نسيان المرض حاولي حاولي حاولي لازم الصبر وكل ماجاتك فكره سيئه اضحكي وابتسمي واعرفيً انها من الشيطان واي شي يستصعب عليك تعالي وقوليه والله انه مرض لو استطاع الانسان انه يتحكم بافكاره لانهاه في فتره بسيطه لاكن مشكلتنا الافكار .

التركيز في الاعراض = زياده الخوف والقلق. التفكير في الاعراض = زيادة الخوف والقلق. اليأس والحزن والتفكير السلبي = زيادة الخوف والقلق. سوف اموت سوف اسقط سوف أجن = زيادة الخوف والقلق. التفكير الايجابي وطرد الوسواس والتفائل والتطنيش = زوال الخوف والقلق تدريجيا حتى الشفاء. والله والله لو كل المصابين طبقو هاذي القاعده لتخلصو منه بأسرع وقت ( واتمنى ان كل الموجودين يركزون على القاعده ويحفضونها ويطبقونها )

<احس اني امشي علا اسفنج >
نعم نعم نفس الاحساس وماعرف اوصفه واحس ان الناس ماتحس بي
وان الي انا فيه مامر علي احد
ياليت تشرح حالتك قبل كيف كانت البدايات
وايضا مشكله تشتت النظر واذا ركزت في الشئ الثابت احيان اشوفه يهتز
معليش سامحني علي اسيلتي الكثيره
بس ابي احد يفهمني ويعرف معاناتي
واشكرك بارك الله فيك