كيف حالك ان شاء الله اختى تفرق كثير

السلام عليكم كيف الحال اخواني

وعليكم السلام ورحمه الله وبركاته
اهى اختى ملكه كيف حالك احنا ولله الحمد قاعدين نقاوم

اليوم قابلت صاحب قديم من العصر الذهبي وبصراحةمشفتوش يجي من سنتين لما شوفتة تعبت نفسيا وحزنت كتير خصوصا لما قالي انت فين ياعم مش باين خالص كل لما اسأل اخوك عنك يقولي قاعد في البيت انت مبتخرجش خالص من السجن دة وكأنة عايش معايا تعبت قوي وارتبكت ومبقتش عارف اقوله ايه والله لحظات صعبة

ولا تشيل هم اخ كلنا بنتعرض على هالمواقف لكن بنتحمل ان شاء الله
و نتدرب على اصغر المواقف منشان نواجه المواقف لكبيرة

انا مريت بمثل هالموقف وحزنت برضو كثييير كلنا بيحصلنا كده يامحمد وفتره وحتعدى
انا بقالى يومين الهلع هاجم على بشراسه بس بفضل الله متغلب عليه ومبهدلوووو خليتو يصوت مش عارف يخلينى انهزم وكلو بفضل الله

مبروووك عليك اخي رجل ضد الهلع الله يقويك

الله يبارك فيكى اختى ملكه والله العظيم حرب حرب مقاومه شرسه مع الهلع بس ماخليته يغلبنى استخدمت كل شى بحيث مايتمكن منى ولله الحمد غلبته بفضل الله

ربنا يسهل اختي ملكة واخي ابوعبدالله فاكر لما قولتلي ياابو عبدالله اتحدي الهلع علي حكاية الكوبري لما قلتلي لما تحس ان الهلع هيجي امشي وارجع تاني وامشي وارجع تاني اليوم جربت الطريقة دي ومرمت ام الهلع ههههههههههههههه خليتة يلف حول نفسة

ان من شهر كدا بقيت احس ان اهلي مش اسرتي اقاربي ابتدو يسخرو مني و يقللو من شخصيتي يعني مثلا خالي كان عندنا من امبارح وقعد يقولي انت مالك كدا يابني حابس نفسك مفيش مرة تغلط وتيجي البيت عندنا وكمان مرات خالي قعدت تمدح في ابنها اللي هو اصغر مني قدامي وعمالة تقول علية دة راجل وبيشتغل وبيصرف علي نفسة وكأنها عايزة تقول مش زيك قاعد جمب امك وفي حاجات وامثلة كتير بتحصلي من اقاربي بس مش عايز اوجع دماغكو حاسس اني بدأت اخسر حتي الاقارب والاهل

ههههههههههههههههههههههههههههه
بجد يعنى نفعت الطريقه واستفدت كلمنى اكتر عنها

محمد انت عايش فى نعمه والله لو الحكاه على كده كانت هانت انا لو احكيلك الى بيحصلنى اليومين دوووول اصعب عليك بس انا مش مستسلم يمكن خالتك بتقول كده مش بتغيضك لا يمكن علشان تخليك تتحرك وتخليك تغير خذ الموضوع من زاويه ثانيه يامحمد انت مشكلتك الاستسلام والخوف من التجربه جرب وحاول حتتعب اه بس حتتشافا يامحمد مش من اول مره حتتخلص من الهلع انا اليومين الى فاتو انا والهلع زى القط والفار دوخت ام الهلع خليتو يقول الله يخرب بيت الى يعمل فيها هلع ياشيخ
مش عارف يعمل معايا ايه افكار زى الزفت وخوف وبلاوى بس انا قاعدلووووو مش بخلى فكره فراسى على طول اتخلص منها ولو مقدرتش اعمل اى حاجه اشغل نفسى اخرج اخذ شور مش بديلو فرصه يستفرد فيا اليوم هجم عليه بشراسه عارف عملت ايه اخذت زوجتى ورحت سينما وانا فالسينما الهلع يطلعلى مع الممثلين بس وحياتك طنشتو وخليتو شئ تافه ولله الحمد وعدت على خير

يعني بس مش قوي لاني معملتش اللي انا عاوزة برضو اينعم روحت وجيت روحت وجيت لحد ما الناس قالت ايه العبيط دة ههههههههه بس حاسس اني انجزت بس احس انها تهرب من المواجهة

كويس كويس براااااااااافوووووو كده انت ماشى صح ومتغصبش على نفسك خليك كده انت المسيطر وطنش الناس يقولو الى يقولوه المهم انك تبقى كويس كرر القصه دى كتير
وبخصوص الصلاة فالمسجد لو لسه عندك خوووف روح صلى فالمسجد بس لما يبقى فاضى متصليش جماعه صلى لوحدك لما يكون المسجد فاضى علشان تكسر الخوف من المسجد فهمتنى وحتلاقى نفسك لوحدك عايز تروح تصلى جماعه وشويه شويه كل الخوف حيروح وحتلاقى نفسك رجعت احسن من الاول وليك عليه ياسيدى لو انتصرت على الهلع وبقيت كويس انا حشغلك فمكان كويس فمصر ومرتب كويس انا عندى معارف كتير فمصر وناس واصله هناك ويتمنو يخدمونى والوظيفه دى حتكون هديه النصر على الهلع ده وعد منى

انت عارف يا بوعبدالله انا هصدمك والامر لله مشكلتي في الحياة حاجتين سببهم الهلع اول حاجة اني ضاحك علي اهلي ومفهمهم اني لسة في الجامعة وانا اصلا اتفصلت من سنة والتانية هي الجيش لان المفصول من الجامعة بيدخل الجيش من غير قرعة الحاجتين دول مأزمين حياتي وحاسس اني شايل جبل علي صدري اول حاجة امي مريضة بالقلب وكل حايتها هي التعليم واحتمال لوعرفت اني اتفصلت يحصلها حاجة لاقدر الله ناهيك عن شكلي امام اخوتي اما ابوية ميهمنيش هههههه لانه مش هيتأثر وتاني حاجة زي ما قولتلك لو قدمت ورقي للجيش هدخل من غير مناقشة شوف بقي واحد عندو هبع يدخل الجيش

بس كده بص ياسيدى لو على الجيش اول ماتقدم ورقك شوف المكان الى انتى عايزووو واحسن مكان فالجيش المريح وانا افرزك فيه عايز ايه كمان ياسيدى

ليش مصر عندها الجيش اجباري

بوناصر وينه اليوم وحشنى ياجماعه
بوناااااااااااااااااااااااااااااااااااااااصر

اى اجبارى الحياه توقف اذا ماخلص الجيش لازم يدخل

ليش الخليج مايطبقونه<<تبي تفتك من الشباب

هههههههههههه ياعم انت محسسني انك تقرب لابو علاء هههههههههه علي العموم متشكرين ياعم الحج علي تعبك معانا الجيش اان مش هقدم ورقي الا لما اخفولو مخفتش في الاربع سنين الجايين هكون عديت سن الجيش واروح ادفعلي 3 4 الاف جنية او اتحبس شهر شهرين وسلامو عليكو عليكو م السلام هههههههههه المشكلة الاساسيية دلوقتي والله هي الجامعة وامي بالخصوص حاسس اني ارتكبت جريمة في حق امي قبل نفسي امي قاعدة تحلم وتتحيل علية اخلص علشان تجوزني وتشوفني عريس وانا مخيب املها الا ابعد الحدود والله اني ادمع مش عارف لية ههههههه

بالنسبه للكويت كان مطبق بس وثق مؤثت وراح يرجع عن قريب باقى الدول ماعندى فكره الصراحه

علشان الصهاينة علي الابواب واقفين مستنين اي فرصة الله يحرقهم بقالنا 60 سنة تجنيد اجباري وحالة استنفار في الجيش بسببهم الله يحرق ابوهم

اولا بخصوص علاء صاحبنا ده لسه معرفتوش بس متستهينش بالى قدامك انا ليه علاقات فمصر لو اكتب الاسماء الى اعرفها تجيلك نوبت هلع دلوقتى ههههههههههه ياعم يوضع سرو فاضعف خلقوووو بس لو حاجه وقفت معاك فمصر قولى بس ومتشلش هم حاجه انا عايز اخدمك مش اتفشخر عليك
وبخصوص الحجه والدتك متشيلش هم على همك وتأنب نفسك حرام عليك كده تتعب نفسك اكتر شوف يامحمد انت لوساعدت نفسك حتساعد امك انساها دلوقتى مؤقتا علشان تتفرغ لنفسك وتتشافا وتقدر تسعدها
قولى انت بجامعه ايه

يا اخي استحالة طبعا ان اقلل من شأنك انت قبل ما تكون كبير بمعارفك انت كبير في نظري بأخلاقك وطيبة قلبك يكفي انك قاعد تخفف عني والله تسوي عندي اكتر من ملايين الدنيا بالنسبة لابو علاء هو مبارك الباشا بتاعنا انا كنت في جامعة بنها تحديدا تجارة انجليزي وبالنسبة لنقطة امي والله كأنك تقرأ افكاري انا دائما اقول البيت دة ناقصة عامود علشان يقف علي حيلة تاني والعمود دة هو انا وان شاء الله هسد مكاني الفاضي قريب بس غصب عن الواحد ساعات بيفكر والشيطان ينطلة ويلعبلو في دماغو

شوف يامحمد عليك ب3 اشياء سبك من الدواء والكل الكلام الى قلتلهولك
1 اكثر من الصلاة لوجتلك فكره بايخه قوم اتوضأ وصلى صلى قد متقدر
2 طول منت قاعد استغفر انا وصلت بالاستغفار الى 12 الف مره باليوم
3 والدعاااء وانت ساجد ادعى ادعى ابكى وانت بتدعى اتكلم مع الله سبحانه تذلل لله خليك كانك الطلف الى عايزحاجه ويعيط لغايه م امو تديهالو
فهمنى يامحمد لو التزمت بالتلات حجات دى بعدها اعمل النصائح التانيه ووالله العظيم وباذن الله تعالى شهر واحد وحترجع لحياتك الطبيعيه

اعزائى ممكن اشترك معاكوا فى الكلام

نتشرف اختى دانوشه هالصفحه للفضفضه والنصائح وكل مايختص بالهلع

ان شاء الله يا اخي بس مشكلتي اني مش بداوم علي حاجة وملول اخر حاجة علي رأي العيال السييس الفرافير هههههه يعني يومين تلاتة تلاقيني بصلي نوافل وبأستغفر وملتزم وبعدين ارجع تاني كسول وبعدين بحس بلخبطة واقول ازاي تصلي نوافل وتدعو وتستغفر من ناحية ومن ناحية تانية بتتفرج علي افلام و مسلسلات وعنيك تروح كدا وكدا جوايا صراع حاسس اني مليان عقد اوقات بحس اني اتعس انسان في الدنيا كلها

ياسلام طبعا يا اختي lk,vi

شكرا لك اخى الكريم انا بصراحة بحب كل مواضيعك وبتفاؤل منها اوى

هههههههههههههه ياسيدى كلنا كده بص الشيطان هنه ييجى دورو لما يشوفك بتصلى وبتلجا الى الله سبحانه هو بقى يزعل ويولع سجاره ويتفرغلك ويقولك انت ازاى تصلى وبتشوف مسلسلات وازاى تدعى ربنا وانتى لسا بتعصيه هو انت فاكر ربنا حيستجيبلك
الخ الخ الخ يامحمد شوف مسلسلات واعمل كل الى انت عايزوووو بس صلى وكثر من الصلاة لما الوسواس ده يجيلك قولى انا عايز كده اى فكره تحس انها تتعبك اعرف انها وسوسه شيطان قول للشيطان وانت مالك عايز ايه انا بحب اشوف مسلسلات واصلى انا عايز ذنب وعايز أجر متدخلش لو سمحت
فهمت يامحمد
وبخصوص الفرافير حقولك نكته
فى واحد كان ماشى فالسياره بتاعتو لقى واحد لابس احمر فاحمر وبيشاور وقف وقالو انت مين وعايز ايه قالو انا الفرفور الاحمر وعايزك توصلنى قالو انا مبوصلش فرافير
مشى شويه لقى واحد لابس اصفر فاصفر وبيشاور وقف قالو انت مين وعايز ايه قالو انا الفرفور الاصفر وعايزك توصلنى قالو انا مبوصلش فرافير مشى شويه لقى واحد اخضر فاخضر وبرضو قالو مبوصلش فرافير مشى لقى واحد لابس ابيض فابيض وقف صاحب السياره وقال للى لابس ابيض انت اكيد الفرفور الابيض ردعليه وقالو فرفور مين ياروح امك هات الرخص
هههههههههههههههههههههههههه

ان شاء الله الكل يستفيد اختى دانوشه احنا هنا كلنا نساعد بعض وحاولى تشاركينا تكلمى قولى الى فقلبك كله او اى استفسار

منور بيكوا كلكواا

انا جوايا بلاوى ههههههههه
اولا انا عندى 28 سنة متجوزة من 4 سنين وعندى احلى نعمة من ربنا ابنى (ادم) انا زمان كنت انسانة مرحة جدا ومقبلة للحياة جدا وكنت مش باشيل اى هم وبكبر دماغى علطول لحد قبل موعد زفافى ب 4 شهور كنت مضغوطة جداا كنت نايمة وصحيت على اول نوبة هلع ومكنتش عارفة طبعا دة اية وخفت وحسيت انى باموت واتشهادت بس عدت الحمدلله بس طبعا بعدها النوبة مكنتش بتفارقنى لمدة 3 شهور متواصلة لحد ما اتجوزت وهديت شوية ورحت لدكتور نفسانى قبل فرحى بشهر واتحسنت الحمدلله من بعدها بقت تجينى النوبة على فترات
اللى تعبنى دلوقتى ومعذبنى احساس الاكتاءب اللى بيجينى والخوف وعدم القدرة على الاستمتاع زى زمان كل ليلة وقت النوم يشتد الموضوع من يوم اول نوبة الى الان ممرتش ليلة عليا نمت فيها من غير خوف ::confused:

هههههههههههههههههههههههههههههههههههههههههههههههههه ههههه يا نهار ابيض تصدق انا قابلت ناس من الخليج كتير عندنا في الكلية وكلهم كانو بيقولو نكت حمضانة بس بجد والله نكتتك فطستطني من الضحك هههههههههههههههه امين الشرطة هينفخة هههههههههه بجد جامدة اخر تلت حاجات هههههههههه اسمع انت النكتة دي بمناسبة الفارفير برضو واحد فرفور زهق من تريقة الناس علية فقال انا لازم ابقا راجل فدخل الجيش وقامت حرب دخل الفرفور ساحة المعركة وقابل جندي يهودي راح رمي السلاح وقعد يضربة علي صدرة ويقولة بكرهك بكرهك ههههههههههههه

اختى دانوشه احساس الاكتآب وحش ومقرف انا مريت بيه بس فى حجات تانيه تخلي الاحساس ده ينتهى او ميجيلك احساس الاكتآب اعمليلو احساس مضاد على طول فكرى فى ابنك ادم ربنا يخليهولك فمستقبلو فشكلو وهو عريس فبدلة الفرح فاى حاجه حلوه تتمنيها ومش من اول مره حتتخلصى من الاحساس ده بس مع الوقت حتكونى محترفه بيه وتكون عندك خبره فالتعامل مع الاحساس البايخ ده فهمتينى اختى

هههههههههههههههه ياضنايه اكيد اليهودى بقى عندوهلع من التصرف الشجاع بتاع الفرفور
ان شاء الله يامحمدايامك كلها ضحك وسعاده دايما يارب
شد حيلك وقول دايما لنفسك
انا مش قصير قزعه انا طويل واهبل ههههههههههه لا بهزر معاك خلى الله سبحانه وتعالى بين عينيك وارمى حمولك على الله
ومتقولش يارب عندى هم كبير
قول ياهم عندى رب كبير وكل ده حيعدى باذن الله وامك حتفرح فيك وتجوزك ونشوف عيالك بس متنساش تعزمنا على الفرح

فهمتك اخى العزيز انا والله مش باسيب حاجة مش باعملها بس افكارى السلبية مجننانى لو فكرت فى ادم شوية يجينى وسواس الموت واخاف على ادم وابقا هاجنن من التفكير نفس مافكرش بالشكل دة اا عارفة ان ربنا رحيم وكريم ومتفائلة انى هاخف ان شاءالله فى يوم ما نفسي افرح بابنى وبجوزى وباهلى واتبسط اخر حاجة هههههه(فرفورة انا ) نفسي ابقا زي زمان ماشيلش هم بكرة افكر فى يومي وبس ولو فكرت فى بكرة ابقا متفائلة بيه
نفسي افرح ماما لانها بتزعل اوى بسبب الكابة بتاعتى دى

ههههههههههههههههه جامدة اوى
ربنا يفرحك يا رب ويفرح مامتك بيك