السلام عليكم ورحمة الله وبركاته


كيف حالكم اخواني واخواتي اختفيت كم يوم عن المنتدى علشان ما اقراء الاشياء الجديده من مواضيع وغيره على اساس ادرب نفسي عقلياً وجسدياً انه اللي فيني وسواس قهري لا اكثر وبديت اضبط نفسي الحمدلله بس الحين صحيت بسبب حلم احسه عادي بس الوسواس جالس يشتغل علي فكرياً واحاول انا اقنع نفسي انه وسواسي فقط لا اكثر يعني تقدرون تقولو اني في معركه داخليه بين عقلي والوسواس يحاول يتغلب علي وانا بنفس الوقت احاول اتغلب عليه ويارب انه مايسيطر علي

الوسواس له عدة مداخل للمريض يحاول فية الإقناع بأنك على ما يرام في بعض الأحيان واحيانا يقول لك لماذا تحسنت فقد تصاب بادى


فلا ينبغي الإسترسال مع الوسواس على الإطلاق وحاولي إشغال نفسك بأي عمل عندما يهجم عليك فجأة

طبيعي جدا تخافي لان مريض الوسواس حساس جدا ويخاف حتى من الزكام

و الله فعلا كلامك صحيح كل شي يخوفني

يعني يوم الخميس حسيت بتنميل غريب في رجولي و خذت موعد عند دكتور اعصاب و اليوم موعدي و زوجي يقولي لا تروحين لا تفتحين على نفسج باب و انا فعلا اوسوس من كل شي يصير معاي

يعني اليوم ماقدرت ارتاح فالدوام الوسواس ماكل راسي

احس مره الم في بطني و بعدين احس بطعم مراره غريب و بعدين الم عظام صدري و غير التنميل و مرات احس بحراره غريبه في اجزاء بجسمي

خلاص تعبت من هاا كله احس الوسواس قاعد ياكل براسي و محتاره اروح دكتور الاعصاب و لا ممكن دكتور الاعصاب يرعبني اكثر ويقولي شي مخيف

صباح الخير

من الامس و انا تعبانه احس اريد ابكي بس مش قادره من وقت النوم و انا يتني حاله خوف و هلع و حاولت اني اغمض عيني و اطنش ماعرف شو صار فيني و صحيت على نفس الخوف و لين الحين اعصابي و نفسيتي تعبانه

و انا فالدوام و افكر اني اقوم اقدم استقالتي بس ارجع افكر بظروفنا

بس تعبت كل شوي ادخل الحمام فالدوام عشان ابكي

ماعرف ليش فيني خوف و دوخه زايده الطين بله

الله يعين يا رب

هذا ما يريدة الوسواس منك بالضبط - فكري صح قبل إتخاذ إي إجراء سلبي

شو الحل
كيف اتصرف في وضعي هذا

السلام عليكم ورحمة الله وبركاته



سبحان الله الوسواس كل يوم يجي بشكل غير من جد شي غريب والشي الغريب اني عارفه انه وسواس بس تملك عقلي لدرجة من لما اصحي لحد ما انام وانا افكر بالمووت حتى بالاحلام يدخل علي لي كم يوم احس نفسي مشدوده الاعصاب والتفكير وعصبيه ولما اخذ نفس تجي نفس الشهقه حتى البكاء ههههههه مدري ايش اسمها عند الناس الثانيه بس للاسف من دون بكاء تجي وانا نفسي ابكي علشان اخفف حدة العبيه والتوتر اللي انا فيها

انا قمت من النوم وقعدت افكر بشي نمت و حلمته والحين خلاص حالي معفوسه فوق وتحت وفيني خوف قوي على عيالي وزوجي و اهلي يعني تركت الوسواس عنفسي ودور اهلي و خايفه الحين و حاليا الفجر ماعرف شسوي وين اظرب راسي ليش احس وسواسي يزيد كلماجاهدت نفسي اكثر كسرني بقوته انا اخاف من الاحلام و تحطمني وترجعني للبدايه بقوه

كيف حالك اختي بنت الحوسني انتي مثلي انا اللي خلاني انتكس مره ثانيه الاحلام مره تعبتني في اليوم احلم اربع احلام لدرجة اني كرهت النوم شوفي الحين انا صاحبه واهلي كلهم نايمين الله يخفظهم

هلا والله يا رهايف

هيه و الله البارحه كل ما انام احلم و كل الاحلام نفس الفكره ثلاث مرات تقريبا خلاص كرهت النوم

فعلا الاحلام تخلي الحاله تروح للاسوء الله يعين يا رب