مساء الخير

الحمدلله انا صارلي اربع ايام و انا امشي بنصايحك و اطبق كلامك و ارتحت خفت علي نوبات الخوف يعني صرت اخاف مب كل الوقت يعني مره فاليوم لمده ساعه لساعتين اتيني الحاله و حوف و قلق و بعدين ارجع طبيعي اليوم جازفت و طلعت مع اهلي المول و المكان مش ابوظبي لا مكان ثان و بدا القلق عندي فالسياره و اول مانزلت السوق توترت ويتني الدوخه و نغزات فكل جسمي و خفت كل شوي افكر اذا تعبت و اذا و اذا و خليت اخلي يروحون يتمشون و انا قعدت خليت عيالي يلعبون جدامي و انا قاعده اني خوف قوي مع اني كنت الصبح مرتاحه الحمدلله ب حاليا وااايد تعبت وخصوصا الناس حولي وزحمه احس في شي غريب و دوخه و الام

الله يعين احس لو تميت فالبيت افضل مب في وضع اقدر اكون في اماكن مزعجه نفس هذا

صباح الخير

فعلا من الوسواس يتني حاله خوف و قعدت اقرا كلامك و نصايحك لين هديت شوي و قمت اتمشى و ثاني يوم عاندت الوسواس و قمت طلعت مع اهلي لزيارة عائليه و فالبدايه خوف اصابني بس عاندته و الكل استغرب من وجودي لاني ما اروح تجمعاتهم و يوم شافوني و قعدو يقولون اخيرن شفناج و شو صاير طالعه من البيت و هالكلام وترني زياده بس قعدت اقول حق نفسي عادي عادي لان محد شافني من زمان عادي و اقنع نفسي لين خف و راح و قدرت الحمدلله و الشكر اني اسيطر عليه

الحمدلله بديت اقدر اسيطر على وضعي شوي شوي بفضل من الله و ثانيا لنصائحك والله اني كل ما اتوتر اقعد و اقرا كلامك و ارجع للصفحات و اشوف كلام الناس و الردود ارتاح و اطمن و يخف

يزاك الله كل خير يا رب و الله يقدرني اخلص منه نهائيا

السلام عليكم


انا الحمدلله افضل حالا من السابق اطلع و ادخل صح الوسواس يدور براسي لكن اطنشه

يعني مثلا البارحه اتشرى اغراض البيت من السوبرماركت قعد يلعب براسي ليش تشترين ليش و ليش و ليش لكن حاولت اني اتصل في اي حد اتكلم تلفون و اطنش

لكن اليوم الصبح صحيت ووصلت الاولاد للمدرسه و كنت ماخذه اذن بتاخر شوي و قلت بنام حطيت راسي و بديت اسمع مثل الاصوات يعني كلام يخوف بصراحه بس انا فتحت عيني و كلمت نفسي قلت انا مش نايمه و هاي افكار و خرابيط و رجعت غمضت عيني و نفس الشي انه شي بيصير و كلام يخوف و رجعت فتحت عيني و نفس الشي قلت انا مش نايمه و هاي افكار

و بعدين قمت و صحصحت ورحت الدوام

هل هذا الشي طبيعي بما اني قاعده احاول اني اتخلص من الوسواس

أي شيء غريب يحدث لك فهو طبيعي لا تقلقي على الإطلاق


الوسواس دائما يكون قوي مع الأقوى وكلما زادت مقاومة المريض للأفكار التسلطية يبدء يضعف بالتدريج حتى يزول

يالله ان شاءالله اقدر اتخلص منه المشكله اكون قويه و فجاه ارجع لنقطه الصفر بس حاليا اتعلمت اوقف بسرعه الحمدلله

ماقصرت اخوي مع الجميع بنصايحك المفيده للجميع

فكروا بها بتمعن

شكل الوسواس قاعد فوق راسكم (:

بالضضضضبط

اليوم بزياده خوف و قلق و نرفزه

مادري ليش جي ياني فجاه خوف و رجفه و للاسف فالدوام مع اني اخر فتره كنت افضل حالا فجاه انتكست اليوم