هلا اختي جواهررر
كيفك ان شاء الله بخير

حبيت اسلم عليك

‏يوم الاحد هو اول يوم عيد ...

كل عام وانتم بخير ، ممكن الايام هذي صعبه على كل الناس بس اظهار الفرحه في العيد .. سُنة الرسول صلى الله عليه وسلم🤍

الحمدلله طيبه انت وش اخبارك

كنت اجهز عيديات والحمدلله ضبطت

مدري وش فيني
اشره على نفسي دايم وانا اسولف مع اهلي
اقول عيب عليك تقول الكلام هذا بالشكل وانا اصلا ماقلت شئ خطا ولا جرحت احد
بس الافضل اني الطف الكلام اكثر
ولا انا مصدق اني جالس مع احد

جوع و دوخه والله يعين و ارق

لا تلوم نفسك كثير هذي هي النفس اللوامه تخليك تلوم نفسك بسبب او بدون سبب .

فيه النفس مطمئنه والنفس اللوامه والنفس الأماره بالسوء .

المطمئنه هذي للناس الي تحافظ على عباداتها وذكر الله تصير نفسه مرتاحه ومستقره .

والنفس اللوامه ، هذي دايم تلومك على تصرفاتك على العبادات اذا تركتها على كل شيء وضميرك يؤنبك .. الله يبعدها عنا .

والنفس الأماره بالسوء ، هذي تأمرك بترك الصلاة مثلا وتخليك تنسى ذكر الله وانت مايأنبك ضميرك ،، الله يكفينا شرها


دايم ردد ، اللهُم راحة و قلب راضٍ مطمئن ♥.

ومن ناحية الدوخه كيف فقر الدم عندك هل سبق وحللت عنه ؟

كنت احلله علشان اليبونكس طبيعي جدا

انت تقول الشهيه عندك قليله ترى يمكن لأنك ماتاكل ، تغذى زين وكل اكل صحي وان شاء الله تضبط امورك

صح والله بس اكل شئ بسيط امي تطاب شربه من المطعم
وتسوي لي قرصان مع خضره و انا احاول اكل تفاح و اندومي وشرب لبن
اغصب نفسي ولا والله مدري وش صار بي

يمكن مع رمضان انسدت شهيتك للأكل وان شاءالله الحين ترجع طبيعي ،


تقبل الله طاعتك وعساك من عواده

وانتي بخير وعاده الله علينا بالخير انا وانتي وجميع اعضاء وزوار نفساني

لا بعد الفافرين ورفع جرعة ابليفاي

اللهم امين 🎈

هذا اول عيد بتعيد فيه ببجامتي 😂

من ناحية الادويه الي ذكرتها ماعرفها ولا ادري وش اعراضها ،

ودي اسألك يافاقد انا وضعي الحمدلله مسطيره عليه لكن اشوف كلامكم احيانا والاعراض الي تجيكم ، هل ببدايتك انت كنت مثلي ماعندك اعراض فصام وثم بعدين تبين ؟ لان ابي اعرف هل بعدين بيتطور الوضع معي او بكون نفس وضعي الحين اذا التزمت بالعلاج

هاتي اعراضك وانا اشوفهااا

طفولتي ومراهقتي وبعد الثانوي ماعندي شيء

ماجتني بالا بثاني جامعه تقريبا يوم دخلت تخصص قانون
مع القضايا وكذا بديت اشك مثلا بالدكتوره انها ارهابيه وكذا وبعد شهر اكتشف اني غلط واضحك ع نفسي

ثم تطورت الحاله صرت احس احد يراقبني وكنت اعتقد انهم دكاترة الجامعه يلاحقوني للبيت بس احس فيهم بس ماشوفهم .. وبعدين اكتشفت اني غلط واعتقدت ان خواتي هم الي يراقبوني .

ثم بديت احس بأن الناس تدخل عقلي ،، مثلا بعطيك مثال انت يافاقد تسولف انت ورهابي بالواقع وانا معكم اذا رحتو بيوتكم احسكم باقي موجودين بعقلي تسولفون بس احس بأفكاركم ما اسمع اصواتكم ابداً - وهذا الشي الي كرهني حياتي من بدت معي ذا الحاله ان احس بالناس موجودين جوا عقلي متتت من الصياح دخلت غرفتي وانا منهاره ابكي وشافتني اختي الكبيره وسألتني وش فيني وعلمتها قالت لي لازم اوديك دكتور نفسي يشخص حالتك وان شاءللله انها بسيطه يمكن بس مجرد اكتئاب لانك افترقتي عن صديقات الثانوي وصرتي لحالك بالجامعه وماصرتي تسولفين كثير ف صرتي تحسين بسوالف الناس بعقلك ،

رحت لأول دكتور وقال اكتئاب وعطاني حبوب وخفت الاعراض بس ما استمريت ع العلاج صارت لنا ظروف - بعدين اختي ودتني لدكتور وبرفسور بالطب النفسي وقالي انتي ميه بالميه فيك ذهان وليس اكتئاب، وقلت له دكتور ماسمع اصوات ولا اشوف اشياء وانا مجتهده وادرس واشتغل ما اثر على حياتي وادخل نادي واروح عزايم واسافر وكل شيء واهتم بنفسي مره

قال الدكتور ماله دخل انتي اكيد فيك فصام عاد اقتنعت بكلامه وانا همني اتعالج وبس ابغى الناس تطلع من عقلي - والحمدلله طلعو كل الناس من عقلي مع العلاج. صار عندي بس تخاطر مره يجي ومره يروح والحمدلله صرت سعيده اكثر بحياتي وحبيت نفسي وحبيت الفصام لأنه جزء مني 🎈