![]() |
بس الناس الي كنت احس فيهم بعقلي ماكانو يسولفون معي ابدًا كانو يسولفون مع بعض ، يعني مايوجهون لي الكلام ولا يكلموني ولا كأني موجوده بس يسولفون مع بعض طبعا مجرد افكار اذا جت بمخك مو اصوات ، هذا شيء غريب عشان كذا اقتنعت انه ذهان مو مجرد اكتئاب والله يشافينا جميعًا
|
اقتباس:
لكن انا ببداية الامر كنت اشك اني جالس مع احد وهو مو فايه عرفتي بس كنت اشك ان احد يغتصبني وانا ماني عارف يعني شخص مختفي في اشياء كثيره حصلت لي اشوف بقع زيت و كفرات بسيارتي وكنت اشك ان احد راكب معي وانا مدري بس اتوقع ان اخواني يسوون كذا يخوفوني بعد الاستمرار بالعلاج راحت اشياء كثيره وبقت اشياء |
اقتباس:
مدري ايش الشعور هذاا مع ان شكلي جدا طبيعي وحركاتي طبيعيه ووسيم مو شين ولا شئ بس مدري ليش الفكره تدور براسي |
اقتباس:
هو بالأخير لو اختلفت الاعراض مو شرط تتشابه بين الناس يعني لو حتى اختلفت يجمعنا مُسمى واحد وهو الذهان وهو نفسه الفصام 🙏🏻 |
بس الي استغربه يافاقد شلون ماتعالجت للحين انت ؟ ولك سنوات شكلك مو منتظم على الادويه او انك قد تركتها زمان
|
اقتباس:
والجديد ماهر قالي خلاص برفع شئ وانزل شئ وبحاول اساعدك انا مرات عندي مشكله احس ان حياتي رجعت الى عام 2007 ثم تختفي واعيش يشئ ثم ترجع الى عام 2010 ومره بس حسيت اني طفل العب بين الاشجار هههههههه بس شعور جميل جدا انا عندي خوف من الكميرات + اصوات + احس اني مراقب او مميز او الناس يلاحضون فيني شئ ويعلقون على شكلي او اني اصير غريب بينهم |
اقتباس:
صدقني كل الاعراض الي عندك مجرد وقت وبتختفي مع العلاج بس يبيلك تصمل وتقوي ثقتك بنفسك وتساعد نفسك اكثر ، ولا تهمل اكلك ونام زين .. من ناحية احد يراقبك وهم من ناحية الناس يشوفون فيك شيء مميز . وهم من ناحية الاصوات . وهم من ناحية الناس يعلقون عليك . وهم إحنا مرضى الفصام نخدع أنفسنا بأنفسنا عشان تتعالج لازم تفهم وش الفصام وش الذهان وكيف يأثر على العقل وقتها بتتعالج اذا فهمت مرضك راح تتعالج نهائي بإذن الله |
ماشاء الله يافاقد انت واضح انك نبيه وشاطر لكن الادويه وكل شوي تغير لها تأثير ايضًا سلبي ، وعشان توازن نفسك خذ الادويه وخلك انسان صحي من ناحية الاكل ومن ناحية الرياضه ... طور نفسك بأشياء جديده او تعلم شيء جديد
|
اقتباس:
حتى مرات تجيني فكره تقولي اشتر مثلا لاب توب جديد او جوال جديد او مثلا اشتر اي شئ جديد حلو او فصل ثوب او او او بعد فتره يجيني احباط يقولي وشوله تشتري وش الفايده مثلا لو اقول البس بدله ورح مثلا الى البقاله فيها عادي ثم ارجع البيت ليش الخوف واجلس فترة احاول اقنع نفسي الموضوع عادي بس لما اروح البقاله اقول الحمد لله اني مالبس البدله حتى في شئ ثاني اطلع بالسياره نص ساعه علشان اروح لمول اخذ اي شئ منه او السوق اخاف وارجع للبيت اذا شفت ناس عندهم كثير |
شوف يافاقد انا علمتك وش الاعراض الي عندي وواضح انها مشكله عقليه وشوفي الأن ما اعاني من شيء ودراستي شاطره فيها ومتوظفه وعندي هوايات ..ليش انا اختفت معي الاعراض لأني كنت اقوى منها واحب نفسي ما ابي اوصل لمرحله ماراح اقدر اطلع منها بعدين ممكن الحين اتعب شوي لأني اشد على نفسي بالرياضه لكن هل تدري ان الرياضه توازن كيمياء الدماغ يعني لها تأثير بعد الله ثم الادويه بالشفاء ، ثاني شيء اهتم لأكلي ولصحتي النفسيه ما افكر بشيء يضايقني ، هل تعتقد مايجيني ضيقه وكذا الا ترا نفس الاكتئاب والارق الي يجيك يجيني لكن انا اذا جاني على اطول اطلع من غرفتي او اروح اجلس مع اهلي اروح اصلح اي شيء يعني مستحيل اسمع لنفسي واجلس مكتئبه او شكاكه بالناس .. لي حق اعيش بسعاده وانت لك حق كذلك
|
روح المول البس ملابس رياضيه سو الي تبي وش معنى الناس لها حق تسوي كل ذا إلا انت خايف ومرتبك لازم تكون اقوى جرب مره تسويها اعتبرها مغامره لكن بتشوف الفرق الحلو بينها
|
اقتباس:
انا اشوف العيال يجلسون لابسين بناطيل ويلعبون بلوت و يتققهون ويسافرون وعادي انا والله مدري وش الحل معي عمري 30 وانا اموري منحاسه شوي مع اني شفيت بنسبه عاليه الحمد لله بس دايم اركز على السلبي انه يكون ايجبي بس |
اقتباس:
لا تركز على السلبي ركز على انك شفيت بنسبه عاليه وقول الحمدلله دايم 💕🙏🏻 واهلك دعموك على الاقل تستخدم ادويه فيه غيرك عندهم فصام واهلهم حابسينهم بالبيت يعتقدون انهم مهابيل او فيهم جن يعني الحمدلله ربي انعم علينا بالأهل الي عالجونا وعرفنا وضعنا الباقي الحين علينا احنا دورنا نكمل ونعالج نفسنا ،، جرب اشترك بجمعية الفصام صدقني راح تتعالج معها بنسبة 80٪ بالميه |
بجمعية الفصام راح تشوف دكاتره كثير مصابين بالفصام راح تشوف مهندسين عندهم فصام راح تشوف مدرسين عندهم فصام وراح تتعرف عليهم. وبتعرف وقتها ان الفصام شيء بسيط مو مثل مايقول بعض الناس انه خطير او ان صاحبه مجنون بالعكس راح تحب نفسك كثير وتقتنع بمرضك
|
ويافاقد ترى مانسيت انتظر اشوف تصويرك بعدين ،،حاول بالعيد تجرب تصور اي صوره وخلني اشوفها هنا 👍🏻
|
الساعة الآن 02:32 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا