هههههههه ان شاء الله بنزلها هنا للاخوان و الاخوات
للجميع يعني


بسالك اختي ادويتك ايش هيا الي اخذتيها يوم قالوا فصام اتوقع انه انفيجا صح ؟

ايه صح انفيجا

الدكتور حقك مرتاحه معه ولا لا

انا ارشحم ماهر بغدادي

ايه مره مرتاحه لو ماكان كويس ماكان تعالجت بهالسرعه معه

وش اسم دكتورك ووين عيادته ؟

البرفسور عبدالله السبيعي
عيادة إدراك
بالرياض

انسان فاهم جدا بالفصام وهو برفسور يعني أعلى من الدكتور

النبض عندي 136 بعد ماخففت ادوية وصل 105

بس اقيسه بالبيت 90 و اذا دخلت المتوسف طلع 120 مدري وش اسوي تتوقعين من الارتباك ولا من الادوية ؟؟

تصدقين ما ابي شئ من الناس لا سلام ولا كلام حتى لو احتجت شئ اروح اساعد نفسي بفلوسي ولا اروح على روجولي

مليت من خواتي وبناتهم وعيالهم مافيهم خير ولا يحترموني كثير الحين مدري وش فيهم
ختى مايعلموني ولا يسلمون علي وصديقي واحد تركني وقام يجرحني بالكلام الله يسامحه وصرت وحيد بس اسمع اغاني وحزين
مع ذالك انا افكر في الناس و اذا دق جوالي اتمنى يكون احد منهم يسلم علي و يذكرني بالخير

قسم بالله اعطي ناس هدايا و اساعدهم في اشياء و اعشيهم اكل و اعطيهم سلف فلوس
وحتى اقولهم كلام مدح واحترام بس مدري وش فيهم ؟
ولا واحد ولا اثنين كثير منهم يتركوني

ماعقلني على كلامي اخت جواهررر

اهلييين فاقد

من ناحية نبضات قلبك يمكن المستشفى أدق من تحليل البيت او يمكن اذا مشيت كثير تزيد النبضات عندك .

ومن ناحية خواتك صدقني هم أحن الناس عليك ، الأخوات إذا شرحت لهم وضعك وش يضايقك وش تعاني منه راح يوقفون معك ومن ناحية عيالهم ذولا بزارين محد يشره عليهم ، عيال اخواني يهبلون فينييي ومافيه احترام بس عادي هم اطفال .


والاصدقاء صح كلامك كثير ناس تنكر العشره وتستغلك وتستغل ضعفك احيانا وتخدعك لكن لو تلتفت بجهه ثانيه راح تلاقي كثير ناس فيها خير ، الرسول قال الخير في أمتي الى يوم القيامه ، والله يافاقد انا جربت اشترك بأماكن تطوع كان بالنسبه لي صدمه لأن شفت شباب طموحين يحبون الخير صدق ، وشفت بنات يرجعون لك الأمل الي فقدته بالحياه متطوعات ماياخذون مقابل على عملهم التطوعي لوجه الله فقط ولحبهم للخير .

احنا يافاقد مشكلتنا نحكم على الناس كلها بسبب واحد تافه او اثنين او مانقول عنه تافه نقول عنه فاته شي من الخير ويقولون دور لصديقك سبعين عذر عشان ماتدخل بسوء الظن وبالأول والأخير ترا الدنيا دواره انت لاتحقد ولا تحزن تجاهلهم وفكر بمستقبلك وحياتك .. ودور اصدقاء جدد لكن مو اي اصدقاء يعني مثلا شارك بجمعية الفصام رح تلاقي اصدقاء كثير يهبلون

السلام عليكم أخت جواهر أنا استعمل علاج السكر ديماكرون هل يتعارض مع مضادات الذهان والاكتئاب بشكل عام هل يتعارض مع الأدوية النفسيه

اهلين وسلامتك ان شاءالله

من ناحية الأدويه انا ماعندي خبره فيها - الي اعرفه ان فاقد يستخدم ادوية سكر مثلك ممكن هو يفيدك.

جمعية الفصام تهدف لنشر الوعي بين المجتمع عن مرض الفصام
وايضا تسوي دورات لمرضى الفصام وتدريب عشان يتوظفون وكثير مرضى فصام تعالجو حمدلله بعد مادخلو مع هالجمعيه ، جدا فائدتها عظيمه وممكن تغير شخصيتك وتزيد الثقه وتدربك وتعطيك وظيفه حلوه تناسبك 👍🏻❤


http://www.ssca.org.sa/


هذا رابط جمعية الفصام بالرياض - للي موجودين بمناطق اخرى ابحثو عن الجمعيات الي عندكم او تواصلو مع هالرابط موجوده فيه الارقام حقت الجمعيه واستفسرو هل فيه بمنطقتكم جمعيه مثلها ولا

حساب الجمعية بتويتر
@alfsamorg
—-


حساب الجمعيه بالإنستقرام

@alfsamorg_

—-

رقم هاتف الجمعيه
920008874

ابشر اخوي انا بروح للطبيب العصر وسال لك عنه و ارد لك خبر

جزاك الله خير يافاقد اسأل الله العظيم رب العرش ان يشفيك وان يوفق التوفيق المبارك في الدنياوالاخره