فاقد أنا سمعت من الدكتور يقول إن الاميكتال ممكن يشغل عمل الكلوزابين .. هل جربتهم مع بعض؟

هو يقول إذا ما اشتغل الكلوزابين يعطى معه الاميكتال حتى يعمل بشكل جيد ..

اهلا لا ماجربته
الدكتور عطاني ابليفاي مدعم له ايضا
انا اتدرج شوي شوي لييونكس بتركه

بالتوفيق إن شاء الله .. لكن لو قدر الله ورجعت له حاول تاخذ معه اللاميكتال .. وإن شاء الله خير

الاميكتال وش يعطيك مزاااج يعني وش يحسسك بالحياه

من جرب السوليان ؟؟؟

قال لي الطبيب أنه جربه على أعداد لا بأس بها مما أخذوا دواء
الكلوزابين ولم بعمل معهم ، عند اضافة اللاميكتال يكون مفعولة كالسحر ، فيجعل الكلوزابين يعمل بشكل جيد ..

وحتى الآن لم يستطيعوا يفسروا ما الذي حدث علميا ..

هذا ما قال لي الطبيب .. فتذكرت وضعك ، وقلت أفيدك.

أنا لم أجرب اللاميكتال أبدا إلا من يومين بجرعة 12,5 وهي جرعة ليسن بالعلاجية .. الجرعة العلاجية هي 200 ولا يظهر مفعولها إلا بعد 8 أسابيع ..
وأنا لا أستخدمها مع الكلوزابين .. فلا أستطيع افادتك.

جربته ، يسبب كسل فظيع ، ويرفع هرمون الحليب بشكل جنوني، ويزيد من الوزن بفتح الشهية خاصة للسكريات ، ويسبب تململ حركي غير محتمل .

ولكنه يعطي دفعة للحياة ويحسن المزاج بطريقة جيدة.

انا عندي سكر يمكن ماينفعني

فاقد ... ما تحس ان احد يعرفك او احد يمشي وراك اذا رحت مكان عام

ايواا احس ان فبه شخص يعرفني ويناظرني
والناس يفكرون بي واكون مميز ببنهم كانهم يعلقون على ملابسي وشكلي
بعدين في ناس يعرفون اني في اي مكان اروح له
وفي احد راح يصورني وانا مدري

زيك انا بس بدون تصوير

كيفك رهابي

هل مقتنع 100٪ انه حد يعرف وين تروح ويتبعك ،، او عارف انه ممكن يكون عرض من المرض

السلام عليكم
اولا اتمنى للجميع الشفاء العاجل يارب
اخي مصاب بالفصام لكن غير مستبصر بمرضه عارف ومدرك انه مريض لكن احيانا يرفض ياخذ العلاج مدري وش الطريقه المناسبه كيف نقنعه اذا رفض وغير كذا كان سابقا يتكلم عن اوهامه وافكاره طبعا مقتنع تماما انها حقيقه مهمااا ناقشناه الحين صار ابدا مايقول وش يحس فيه كل ماسالته يقول مافيه شي اتوقع وصل مرحله يظن اننا بنضره ومايبي تكلم يخااف كيف اتصرف معه !!

هو بدايته كان فقط يشك باخوي انه مهكر جواله وانه يتصل ع اصحابه يقول لاتمشون معه ومن هالكلام بعد كذا تطووور صار يشك باكثر من شخص بعدين صار بكل الناس واذا طلع يفكر انهم يتكلمون عنه وانه احد مرسلهم يراقبونه وصار مايطلع ابدااا من البيت صرف له الدكتور ابليفاي اخذها 3 اسابيع وارتاح شوي لكن فجأه وقف ورفض مرررره يكمل جلس ثلاث اسابيع بدون دوا كان يمشي اربع وعشرين ساعه مايصلي ولايتروش وماياكل الا ناااادرااا نحف مرررره وديناه دكتور ثاني صرف له ابر رسيبدال كل اسبوعين مره اللي صار بالبدايه تحسن شوي صار ياكل ينام مايمشي يتكلم شوي معانا بعدين صار يتخشب كثييير كم ساعه يوقف مايرد علينا ويفك لين وصل مرحله تخشب كل اليوم مكانه مايرد ولا ياكل ويطالع كانه مايعرفنا مره تعب وديناه طبيب ثاني قال الطبيب اللي صرف له الابر هذي مجرم لانها قويه عليه غلط
المهم عطاه ابره مادري وش اسمها جانا من المستشفى يقول وش صاير وين العالم اللي كانو هنا كانو يعذبوني ويستحقروني قال كل اللي يحس فيه طبعا اشياء غريبه يقول انه صلى للجني و بعدها بعالم الجن بدو يعطبونه ويهينونه ويتكلم عن احداث مثلا الشخص الفلاني كان هنا بيتنا وسوا كذا وكذا وناس مشاهير جو له وانه تحول لكائن ثاني وانه ركبو له شكل جديد وانه طلعت روحه يتكلم عادي كلامه موزون وطبيعي بس يقوب عنها مقتنع انها صارت نقول له انها مجرد ارهام يقول معقوله مصدووم بس كان فرحااان يقول الحمدالله اني رجعت من هذاك العالم وكان متحمس مره بيطلع ويشتري وبسوي وراح تروش ( له شهرين ماكان يتروش ) المهم بعدها بكم ساعه رجع لوضعه صاااامت نناديه مايرد ونام بعدها صحي وضعه متحسن شوي بس يتكلم عادي لكن مايقول وش يحس فيه ابداااا ودايم ضايق ومتكدر ومايطلع ولايصلي والحين علاجه انفيجا 3 ملجم واقنعته امس وافق لكن خايفه من باقي الايام ماياخذه والدكتور يقول مجبووورين تتصرفون معه ياخذه

مقتنع 50%