إلى متى يالرهاب
 

سلام عليكم
مساكم الله بالخير
اولاً صلو على النبي واستغفرو واحمدو الله على النعم

بدخل في موضوعي على طول لاني مااعرف المقدمات وهالسوالف

انا شخص مبتلي بالرهاب من 15 من عمري والان انا 26 سنه والله هذا المرض بهذلني وكان عائق في حياتي اليومية والدراسية والعملية والزوجية

بالنسبة للادوية استخدمت كل الادوية من سيروكسات الى السبراليكس الى الزولفت وغيرها من الادوية والمهديات لكن فايدتها مؤقته وترجع الاعراض والله ماادري وش اسوي الحين انا تزوجت واحس ان الرهاب زاد علي بعد الزواج ولا اقدر اشتغل ولا اقدر ادرس ولا اقدر اجامع زوجتي من تأثير الادوية على الانتصاب ، الحمدلله لا اعتراض على هذا الشي لكن سئمت الحياة الكل يضحك علي اني عديم فايدة اهلي كل يوم يجرحوني ليش ماتروح ليش ماتطلع من غرفتك انت وانت وانت والناس يقولو ليش مازرتنا ليش ماحضرت عرس فلان والله مادري وش ارد عليهم خلاص طفشت وللعلم اني محافظ على صلواتي في اوقاتها وانا انسان متدين واخاف ربي ومستمر على قراءة البقرة والاذكار والدعاء وقيام الليل اؤمن ان الشفاء بيد ربي ولكن اريد حلول اضافية والله خلاص صرت حبيس الغرفة وعديم الفايدة ومنكسر وضعيف رغم ان شخصيتي قوية

ادعوء لي بالشفاء 😞

كيف زوجتك معك ؟

جرب العلاج السلوكي سمعت انه ينفع للرهاب اكثر من الادويه لانك محتاج تغير افكارك مو بس تعتمد على العلاج الدوائي

الرهاب علاجه بالمواجهة صدقني ( المواقف التي ترهبك هي للي لازم تعمل وتحضر وتضغط على نفسك لغاية ماتربح أنت في الأخير) أما الأدوية أقوى واحد فيهم على الرهاب هو سيروكسات

والله واجهت بس مافي فايدة

عيون الناس تقتل لما يشوفوك بنظرة شفقة اخخ اخخخ شعور مؤلم

رحت وسويت بس مانفع ومااقتنعت لاني مش مريض فكري لكن انا لا ارادي يحمر وجهي

الحمدلله كلشي تمام

ما هي اعراض الرهاب عندك؟

احمرار الوجه وتشنج الخدود وتزايد دقات القلب

الله يشفيك يا رب

ما ترى باس

شو سبب الرهاب عندك

وهل انت حساس بزيادة

انا عانيت مثلك الين خلاص صبرت صبرت الي متى سجلت بنادي وكان ذاك اليوم ماينسي رجفه وتلعثم واحس كل شي فوق راسي الين الحمدلله صرت اواجه واسولف مع الي بالنادي وصرت اجبر نفسي اروح عزايم وزواجات اذا حسيت ان معد في فايده واضح علي النفضه ودقات قلبي زادت اهذ اندرال 10 نص ساعه والله لو تبي ارجع اسلم مره ثانيه ماعندي مشكله بس الاندرال مؤقت وقت تحس انك خلاص معد تقدر ، والله يشفيك يارب ويشفي كل مريض

وين صاحب الموضوع

الله يشفيك اخوي ويشفي مرضى المسلمين، طيب مدام كل اللي جربتهم SSRI ليش ما تجرب SNRI زي البرستيك و الافكسور والسيمبالتا، ناقشها مع دكتورك، وحاول تغير من حياتك مثلا رياضة و حاول تنظم اكلك هذا كله مع الأدوية طبعاً