سؤال مهم واتمنى الاجابه عليه يا اخوان
 

السلام عليكم ورحمه الله وبركاته
اسعد الله صباحكم / مسائكم بكل خير
يا جماعه عندي استفسار واتمنى منكم النصح
انا معاي قلق وتوتر ودوخه وسبه نوبات الهلع سابقا
انا حاتني نوبات هلع قبل سنه ونص في بدايتها قعدت ست شهور تقريبا اسير هذي النوبات من طبيب لي طبيب من طوارئ الي طوارئ جميع الفحوصات سلميه
وبعدها رديت لحياتي بتدريج مثلا السياره ودوام والطلعات والمناسبات لين الحمد الله كسرت الحاجز هذا وسافرت علي السياره واروح عليها اي مكان ابيه من غير حبه دواء واحده ولله الحمد
الحين ما بقي الا الشي القليل الا واهو الدوخه والتوتر مع العلم نوبات الهلع اخر مره جاتني في عيد الاضحى الي فات والعيد الفطر هذا انا الي جبتها لنفسي بتفكير السلبي قبل الصلاة لكن الحمد الله رحت وصليت العيد واكملت يومي
نفس ما قلت لكم الي معاي الحين توتر وقلق في مكان مزدحم او مكان من زمان ما جيته او من ناس من زمان ما شفتهم احيني افكار ان لا يغمى علي او يصير شي وتوتر ويجيني قلق
ودوخه
اليوم رحت لطبيب اخذ علاج لي حبوب ضغط لان انا معاي اساسا ضغط من عشر سنين واخذ له علاج وقعدت اسولف مع الدكتوره واقولها عن وضعي هي دكتوره باطنيه وقالت لي هدي نفسك انت ليش تفكر بكل هذا عيش حياتك وانت قطعت مشوار جديد مع نوبات الهلع
واذا حاب اكتب لك علاج سبراليكس اعطيك اياه حبه وحده باليوم قبل النوم لفتره ونوقفه
بصراحه انا تردد وقلت لا ما ابيه بالوقت الحالي
وحبيت استشيركم واخذ برايكم
مع العلم انا قطعت شوط بنسبه 70٪‏
السياره ماعندي مشكله والسفر فيها
الدوام رديت ولله الحمد
المسجد واصلي فيه ولكن في توتر وقلق
كل يوم اطلع واروح واتمشى والحمد الله
المناسبات احضرها لكن في توتر بسيط
والتجربه الجديده السفر بطياره وهذي الاسبوع الجاي والي اوروبا
والحين ابي رايكم بكلام الدكتوره وعلاج سبراليكس وهل احتاجه او لا
وشاكر لكم

انا اشوف انك تاخذ سيبرالكس عشان تمكل مشوار شفاءك وان شاء الله يجيب معاك نتايج طيبه

خبرنا اذا استفدت منه

استخير ربك والله العلاج فعلا يوقف التوتر والقلق والافكار انا استخدمته بس اربع ايام ووقفته واعطى مفعوله بس اخذت سيروكسات وكان الدكتور ليعطيني سيبرالكس بس رفضت في اربع ايام قدرت الحمدالله اطلع واروح لكن جابلي اكتئاب حاد ماقدرت اتحمله اما الاعراض الجسديه كانت مافي لان معاه مهدي ونفس ارجع للعلاج بس خايفة من الاكتئاب اخوي خذ العلاج بجرعه قليله افضل

والله يا اخي الحمدلله راح الكثير وما بقى الا القليل
اخاف من العلاج تفتح لك باب انت في غنى عنه وللعلم انا اقولها الك لاني اخاف من العلاج بصفه عامه وانت ان مجربه فتوكل ع الله وان متردد استخير ..واسال الله يشفيك شفاء تام

انا اقول لاتاخذها نصيحه لك لاانك راح تكون اسير للدواء اتجه للعلاج السلوكي افضل لك

بنسبه للعلاج انا ما فكرت فيه من اول نوبات الهلع علي شان اخذه الحين
بس حبيت انقل لكم كلام الدكتوره وابي رايكم لاني فعلا محتار مابقى الا القليل من الحاله

انت تجاوزت اشياء كثير من غير دواء وما بقى الا رواسبها ومحتار بالعلاج

وانا هذا الي مخليني متردد مابي افتح علي نفسي سالفت الادويه واعراضها

صحيح كلامك وانا الحمد الله قطعت شوط بنسبه 70٪‏ وما بقى الا رواسب