نفساني - عرض مشاركة واحدة

15-11-2014, 05:08 AM

العذر مكتوب لاصار الخطا مقري آسف على ضحكتي اسف على احزاني
خطاي معذور والا غلطتي عذري ومرارة العذر في قلبي وبلساني
مدرى وش اللى ذكرته وضاق به صدري مدرى وش اللي نسيت ولاتناساني
لبست انا ثوب لا طولي ولا قصري يا طيبة القلب .. وين القلب وداني.؟
والشعر مطرود من قلبي ومن فكري سنتين ماني بأنا ماني بحد ثاني
غنيت للناس والدنيا على خبري والشعر في دفتري مغرور وانساني
غنيت للدمع يوم أن البكا كبري واليوم أنا اكبر من دموعي وحرماني
اليوم ماعاد يمدي اللي جرح يبري مليت من كثرة خطاياهم وغفراني
مليت أنا الشعر مل الشعر من شعري مليت انا الحب مل الحب وجداني
لو هي عليّه عزيز النفس من صغري ما أشاور القلب في كرهي لعدواني
إن رحت ياكثرهم وإن جيت ياكثري ضاقت بي عيونهم لو كنت وحداني
تعبت وازريت .. ما مليت من صبري ليت الذي راح مني كثر ما جاني
أحيان ودي أطيح من التعب وازري وتشيلني عزتي وسلوم جداني

مما اوجعني

المصدر: نفساني