مباشر

بيانات اضافيه [ + ]

رقم العضوية : 49080  تاريخ التسجيل :  11 2014  أخر زيارة : 20-01-2018 (09:31 AM)  المشاركات : 178 [ + ]  التقييم :  18

لوني المفضل : Cadetblue

سلامتج يا أختي

في البداية لازم تسوين فحوصات شاملة المتعلقة بهذا المرض وكشف عن مكان العلة اذا كان السبب عضوي
وثانياً اذا كان المرض نفسي اطلب منج ان تعرفين سبب النفسي في حياتك يعني لازم يكون عندج سبب مثل حادثة صارتلج أو موت أحد الأقارب وغيرها من الأسباب وعلاجها جلسات سلوكية عند أخصائي سلوكي
واذا كان السبب مجهول يا أختي لازم تسوين جدول بسيط روتيني لحياتج
قبل مانسوق الجدول ماحد يحب يعيش هذي العيشة ابد والحل هي المعنوية العلية في تخطي هذا المرض
والجدول بسيط كا التالي :
1-نسيان المرض نهائياً وحطي في بالج انه وهم فكري فقط هو السبب هذي الاوجاع
2-التقرب الى الله بكل الطرق لانه أقوى علاج لأي مرض كان
3-الرياضة اليومية وأقلها المشي السريع لايقل عن 30 د في اليوم بتشعرين براااااحة كبيرة والأفضل انه يكون عندج ايفون او اي تيلفون حديث نزلي برنامج أسمه itupe وعملة مثل اليوتيوب بس مايخسر قيقا وترومين تحفظين المقاطع وتسمعينها اي وقت وابغيج تحفظين حلقات الوعد الحق لعمر عبد الكافي او قصص الانبياء لعمرو خالد وسمعي الحلقات بالسماعة وانتي تسوين رياضة بتستفيدين كثيرررررر
4- استخدمي عشبة البابونج مرتين فاليوم
5- ابعدي عن اي ضغوط واخلقي لنفسج جو مسلي مثل بعض الالعاب او تجمعات الاهل والاصدقاء
6-خلقي لنفسج مهنة أو هواية وحاولي اطورينها مثل الكتابة والقراءة أو لعبة الشطرنج أو الطبخ وغيرها
7- الإبتسامة في كل وقت وزمان وا تتشكين الا لرب العالميين فقط
8- حاربي خوفج بعكس مايقولج اياه مثلاً قالج لا تطلعين انتي طلعي او لا تسوين شغلة معينه سويهااا عنااااااد لانها افكار وهمية

اذا قدرتي اطبقين هذي الأفكار وخليتيها روتينج اليومي صدقيني بتتحسن حالتج كثير بتتعبين فالبداية بس بترتاحين ولا تنسين انه مب انتي الوحيدة المريضة على اأقل انتي مثل اي انسان طبيعي وهذا مرض نفسي بتتشافين إن شاءالله ولكن غيرج فاقد البصيرة أو مقعد بالكامل فأحمدي الله مليون مرة على هذا الإبتلاء وصدقيني هذي اشارة ان الله يحبج ويقرب لج الجنة بهذا الابتلاء فقط عليج بالصبرر ثم الصبر وابتسمي لأنج في معية الله

وأسف على الإطالة أختي وياليت اطمنينا على حالتج بعد تطبيقج لهاي الافكار
أخوكم مباشرر