اذا في احد عنده تجربة لنفس اللي يصير لي يفيدني
السلام عليكم
الله يجزاكم كل خير على الموقع الرائع وجعله في ميزان حسناتكم
انا مشكلتي أني قبل 3 شهور حسيت فجأة وبدون مقدمات انه بيغمى علي وحسيت بنبضات قلبي على جهة اليسار من فوق كتفي
رحت المستشفى بسرعة وقالولي الحمد الله مافيك شي انت بس عندك نوبة هلع
بعدين تطورت الأمور عندي ، انسدت نفسيتي عن الأكل وصرت أخاف كثير اطلع من البيت وأخاف أني أموت ويدي علطول معرقة
وصرت ما اقدر أركز واتلعثم مرات بالكلام وإذا طلعت من البيت رحت الدوام بس افكر ودي ارجع البيت
ماصار ودي أروح مكان مره ولا احب اختلط بالناس أو أصدقائي ولا أسافر مع انه ودي أداوم ودي أسافر ودي اختلط مع اصداقئي بس ما ادري ايش اللي قابضني
عملت مرة ثانية تخطيط قلب وكل شي والحمد الله مافيني شي
انقلبت حياتي راس على عقب
حتى آذا جيت اكل بس أبي اكل عشان الأكل وما ودي استطعم
ماودي اقعد مع زوجتي أو عيالي ، وصرت اذا نمت ارتاح ، أحس راحتي في النوم، ومرات بس ودي ابكي من غير سبب
بس ابي اقعد لحالي وأنام ، وحالة غثيان معظم الوقت لأني أحس انه في شي عالق في حلقي
الحمد الله سويت رقية وارقي نفسي ورحت عند الشيخ
بس الواحد يأخذ بالأسباب بعد
انا ودي اول شي أصنف حالتي
هل هي رهاب او هلع او وسواس قهري او اكتئاب
وايش تنصحوني بالعلاج الدوائي لأني الى الآن مارحت الى اي دكتور نفسي ، ماودي أروح من واحد الى ثاني وأضيع بينهم
انا الحمدالله اجاهد نفسي وأداوم على الصلاة والأذكار والرقية
شاكرين ومقدرين
|