![]() |
|
![]() |
|
![]() |
||||||||
|
||||||||||
![]() |
![]() |
![]() |
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
![]() |
#1 | |||
عضو
![]() |
تعبني معاه وبثقله الزايد!!
السلام عليكم
اتمنى احد يساعدني من الاطباء الافاضل الموجودين هنا.. مشكلتي هي مع خطيبي..انا عمري 20 وهو حوالي ال27 سنه..لنا مخطوبين سنتين لظروف دراستي وعمله والين مايكون نفسه ولاحبينا يكون ملكه على شان مااحد يشغل الثاني.. المهم انه مايقصر يجي بيتنا كل اسبوعين طول هالسنتين ويسلم على ابوي وفي كل مناسبه يجيب لي معه هديه..وهو ماشافني الا يوم الشوفه الشرعيه مع انه ماطلب يشوفني وكان يقول المهم هي اللي تشوفني وتوافق على!!! مع انه اهلي دايما يقولوا لي سلمي على خطيبك وكلميه مافيها شئ وانا كنت امانع على اساس انه طول فترة خطوبتنا ماكان حتى يذكر اسمي قدام اهلي..مع انهم دايما يجيبون له طاري عني وهو كان يكتفي باابتسامه او بتعليق بسيط مثل_الله يستر عليها,الله يسعدها_ومن هالكلام. مر احد الاعياد ولاحتى قال لاهلي قولوا لها كل عام وانتي بخير وهذا الشئ كثير ضايقني..انا بعمري ماتعودت الاهمال من احد.. ولما لاحظت على امي الشئ هذا في العيد اللي بعده قالت لابوي وقال ان عادي لو كلمها وكلمته مافيها شئ خاصة ان فيه امور كثير المفروض يتفقون عليها ويمكن هو منحرج يكلمها والاياخذ رقمها مني.. وعطاه ابوي رقمي مادام فيه فرصة عيد على اساس انه يكلمني..انتظرت مكالمته اول يوم ثاني يوم ثالث يوم ولااتصل وكل يوم عن يوم نفسيتي تتعب بزياده..المهم في اليوم الرابع تفضل على واتكرم واتصل على وكانت رنه يتيمه وكنت وقتها اصلي ومن عقبها مااتصل !! تعبت نفسيتي بزياده وغيرت جوالي وانا اقنع نفسي ان هو الخسران.. المشكله كل شئ يدل على انه يحبني ومتمسك فيني ويبيني لدرجة انه وافق يكمل دراسته مع انه موظف وعنده دواميين..وفي احد الايام اتصل على جوال امي يسلم عليها وقالت له امي كلم خطيبتك..وكلمته.. الغريب انه طول المكالمه كان يتغزل فيني ويقول لي كلام يحرجني مع علمه بوجود امي وخواتي في ذاك الوقت..وقال لي:اني دايم على باله ويتخيلني دايم بااحلى صوره ويتوقع مني كل شئ طيب ويتمنى لو تجمعني الايام وياه ويحقق كل امانينا سوى..وكان يقول لي انه مستحي مني مع انه كلامه مايدل على كذا!!وانه مستحي مني اكثر في ان كيف انه اهلي هم اللي دايما يحاولون يقربوننا لبعض وانه هو الرجال اللي المفروض يتقرب لي ويوصل لي من غير واسطه..وطول المكالمه كان يبين لي فرحته بسماع صوتي وانه يتصبب عرق ومنحرج وانه كان ينتظر هاللحظه من زمان.. مع انه كان عنده رقمي القديم وغيرته بسبة تطنيشه لي..وفي اخر المكالمه وعدني انه يتواصل معي دايم بالمكالمات والرسائل الكثيره على جوالي واللحين مر اسبوع ولاشفت ولارساله ولامكالمه ولاشئ..المشكله ماني قادره اصبر وانا بطبعي خلقي ضيق و احس اني محرومه نعمة الصبر..وماني قادره مااطنش عن هالموضوع ليش يوعدني ولااشوف شئ عندي لو ماوعدني كان ارحم على!!.. المشكله اخاف ارسل له رساله ويشوف نفسه زود على..هو يبغاني انا اللي ابدأ بكل شئ..واتوقع انه هو الرجال وهو المفروض اللي يبدأ باي خطوه لقدام واتوقع لو اغيب عنه بعد ماراح يسأل عني وبيبقى على تطنيشه!!!..ماادري وش قصده باللي يسويه معي وكيف يقول لي من زمان وده يوصل لي وهو اللحين بيده كل شئ ولاشفت منه شئ؟؟هل هو فعلا يستحي مثل ماقال؟ولو اني مااتوقع لانه انسان شخصيته قويه..والا يبغاني ابدأ معه بكل شئ..وملكتي قريبه اللحين وخايفه ان يكون هو نفسه الانسان الثقيل المطنش اللي اعرفه لان عندي افسخ الخطبه ارحم مااملك ويقولوا مطلقه بعد الملكه..وساعات اقول يمكن يتغير على الملكه..انا محتاره ماادري بالضبط هو من ايش خايف؟؟؟مع انه اهلي معطينه الامان وانا نفس الشئ يوم كلمني ماصديته ولازعلته بكلمه بس كان يردد طول المكالمه انه مايبي يحرجني..انا صدق كنت منحرجه يوم كلمته بس انبسط بسماع صوته وسؤاله عني... وفيه شئ ودي اضيفه وماادري لو له علاقه او لا واتمنى ربي يخيب ظني في هالشئ..يقولون فاقد الشئ لايعطيه..وهو انسان عاش عند حرمة ابوه بسبة طلاق امه من ابوه من يوم كان صغير وماله غير اخت وحده من امه وكان دايم يقول انها كانت تضربهم وتزعلهم ومن هالكلام بس يرجع ويقول ماقصرت ربتنا مع عيالها ومن هالكلام..كنت احس بكلامه حزن وانه فاقد حنان..عكسي انا ولله الحمد اهلي مدلعيني بكل شئ..وانا خايفه انه يكون محروم من حنان الام وعطفها واخاف يكون تعبان من هالشئ او انه يكون تعود خاصة انه كون نفسه بنفسه ولااعتمد على احد وهو اللحين يساعد ابوه بااخوانه اللي من ابوه في تربيتهم ومصروفهم.. احس الامور متشابكه وانا ماعاد فيني اصبررررررررررررر مااحب احد يطنشني ولااحب ابادله بتطنيش وبنظري ايش حياتنا لو هو بيثقل وانا بثقل؟؟!! مع انه خير علاج للثقل هو التطنيش وانا مااستبعد منه انه يتعود على اني اكون الباديه بكل شئ...........حاولت اكتب بالتفصيل لعل وعسى اجد لديكم الحل اتمنى مساعدتي وعدم اهمال مشكلتي اللي يمكن بنظركم صغيره بس بنظري متعبتني وبتموتني وكل يوم ابكي بسبة هالشئ..والله يعين المصدر: نفساني
|
|||
|
![]() |
#7 |
عضو نشط
![]() ![]() ![]() |
أهلا أماني : نأسف جدا للتأخر بالرد ولكن أوعدك سوف أتابعك و أكون معك.
عزيزتي طالما أنك تقولين أن خطيبك يحبك وواثقة من هذا الكلام فلا أتوقع أن هناك سبب قوي لقلقك وأنني أعلم و أشعر بشعورك كشعور أي بنت في عمرك ترغب بأن خطيبه يدلعها و يهتم بها ولكن حاولي أن توضحي له وجهة نظرك و تفهمي ما عنده من ظروف و قد يكون فعلا يستحي منك أو مشغول بأمور مع أهله و إذا كانت علاقتك بأخته أو أحد أقاربه جيدة حاولي أن توصل له وجهة نظرك إذا كنت محرجة من ذلك و لا تتسرعي في التفكير في الانفصال لكي لا تندمي فقد يكون رجل صالح و خير من عيره وعليك بالتقرب منه أكثر و فهم وجهة نظره و ليس هناك أي عيب في ّلك و لا تسمعي لأحد بأن تثقلي عليه بل تصرفي بطبيعتك تماما و أن بانتظار ردك و لا تقلقي عزيزتي |
|
![]() |
#8 |
عضو
![]() |
اهلا أستاذه رشا..أشكرك من كل قلبي على انك بتوقفي معي في هالمشكله..
اول شئ حبيت اوضحه..ان خطيبي مايتصل على ولايكلمني حتى اوضح له وجهة نظري..وعلاقتي مع اهله تقدري تقولي معدومه ولاشافوني الا يوم ماتكلموا بالموضوع مع اهلي..وماكانت امه الموجوده كانت عمته اللي هي حرمة ابوه..امه الى الان ماشافتني ولاتعرفني..وهو اهله ماهم في الرياض عندنا ..هم في ديره ثانيه وانا ماراح الومهم على هالشئ.. لكن طول هالسنتين حتى هم مااتصلوا ولاسألوا الا مره كانت بالعيد وعمته كلمت امي ومن بعدها ماادري عنهم شئ..اتوقع ان عائلتهم كذا ماتتعامل بالرسميات والواجبات.. صحيح انه يقرب لي من بعيد.. بس هم مختلفين عنا تماما..هم عندهم ممكن البنت تقعد مخطوبه لسنتين مثل حالتي ويمكن أكثر ولااحد يسأل عنها!!!!!!!!!! وبنظرهم هذا طبيعي جدا..على عكسنا حنا لان هذا ننظر له وكأنه هو او اهله مو راضيين عن الخطبه..ومع كذا ارجع واقول انا متأكده ان ولااحد فيهم يكرهني..بس انا ابي اوصل لهم ان عندنا مايصير كذا تهمل البنت .. اهله حاليا ماهم مشكلتي انا ماشفت طول هالسنتين الا هو وانا ماابي منهم الا هو لانه هو اللي بالصوره وهو اللي شفته منهم بس..على العلم انه له اخت ساكنه عندنا بالرياض ولازارتنا ابد!!وانا استغرب تصرفاتهم..معقول ماخطر على باله يقول لها روحي وشوفي هالبنت!!حتى فضول ماعنده عشان يسمع اخباري او احد يوصله اياها!!!فعلا شئ غريب وبالنسبه لي ولتصرفاتي انا انسانه طبيعيه في التعامل ولااحب التصنع وانا اللي متعبني اللحين اني قاعده اتعامل بطبيعه مو طبيعتي بسبته!!!!!!لان مو من عادتي اطنش ومع كذا جبرت نفسي اني ماارسل ولامسج ولااكلم طالما هو ماكلمني ولاارسل لي لو مسج واحد الى الان!!!!!وصدقيني لو خطى خطوه وحده معي لقدام بتروح عني كل هالهموم اللي انا فيها.. كل اللي ابي اعرفه كيف اتعامل معه حاليا..ومع نفسيتي اللي كل مالها تتعب..مااعرف اتعامل مع ناس تتصنع الثقل لشئ انا الى الان جاهلته!!!!!!! واشكرك مره ثانيه :-) |
|
![]() |
#9 |
عضو نشط
![]() ![]() ![]() ![]() |
عزيزتي أميره...مشاعر الضيق التي تشعري بها ليس بالدرجه الأولى من تصرفات خطيبك لكن من تفسيرك لهذه التصرفات ..فأي واحده بمكانك وتفسر تصرفات خطيبها بغض النظر عن نوع التصرفت بأنها تطنيش وثقل ..لشعرت تماما بما تشعرين به...أذا المشكله في أسلوب تفكيرك بالأمر وتفسيرك له..والناتج من نظام قيمك ومعتقداتك لما هو صح وخطأ والمفروض والطبيعي..فعندما ردتي على الأخصائيه رشا..قيمتي تصرفاته وتصرفات أهله بأنها غير مقبوله او طبيعيه لأنها لا تتوافق مع طريقة وطبع أهلك.....وهنا السر..فأذا أردتي أن تبني علاقه صحيحه مع زوجك فيجب أن تفهمي بأنكم أتيتم من بيئات مختلفه لكلاً منها عادات وتقاليد وقيم(صح وخطأ والمفروض) ..فما هو منطقي والأسلوب المناسب لديك لا يعني نفس الشي عند الأسره الأخرى..,اختلافه عنك لا يعني أنه خطأ وأنت صح..
لهذا فأنت فسرت تصرفاته وتصرفاته أهله بالغير مناسبه أو الغير طبيعيه لأنه لا ينطبق مع ما سوف يفعله أهلك بنفس الموقف..وهذا لا يعني بأن اهلك صح وهم خطأ لكن كلا كما مختلفين... عزيزتي أنا قرأت كلامك أكثر من مره ولم أجد دليل واحد بأنه مطنشك أو يتثاقل عليك..بل أميل لأحتمال تحرجه أكثر وهذا أدلتي: 1) هو يزور أهلك كل اسبوعين وهذا لايتوافق مع مبدأ الثقل والتنطيش؟؟ 2) يحرص على أحضار الهدايا لك بالمناسبات ومكالمة أهلك والسلام عليهم وتهنئتهم بالمناسبات..وهذا أيضاً لا يتوافق ومبدأ التنطيش؟؟ 3) المره الوحيد التي كلمك بها أمطرك بكلمات الحب والغزل والأعجاب وهذا لا يتوافق ومبدأ الثقل والتنطيش؟؟ 4) حرص على أكمال دراسته من أجلك وها أيضاً لا يتوافق ومبدأ التنطيش؟؟؟؟ عزيزتي زوجك عاش طفوله صعبه ومع هذا نشأ رجلاً عاقلاً مسئولاً ...ويكفي دليلاً على حسن خلقه وطيب قلبه هو تحمله مسئولية أخوانه الغير أشقاء.. نصيحتي بأن تنزعي من رأسك هذه الفكره المدمره ..وتبادري بالأتصال به فالرجل يحتاج أن يعرف قدره عند المرأة التي يحب..فلماذا لاتتوقعي بأنه هو من يعتقد بأنك أنت مطنشه ومتثاقله عليه خصوصاً وانه قام بعدة أمور(زيارات هدايا) تعبر عن حبه واهتمام بك..لكن ماذا فعلت انت من أجله؟؟؟؟؟؟؟؟ |
|
![]() |
#10 |
عضو
![]() |
أشكرك جزيل الشكر أخصائيه نوره..
بصراحه بعد كلامك لي وكلام أ.رشا..كلامكم خلاني أرجع أراجع حساباتي شوي.. سالتيني ايش اللي سويته له؟! اللي لاحظته اني ماسويت شئ!! كل اللي سويته اني قاعده اتعب نفسيتي وهو مو داري عني!!!!!!!وانا متاكده انه لو درى فيني مابيرضيه هالشئ وبيتعب معي اكيد لو درى عني وعن حالتي..كل اللي بسويه اني بصبر الين ماتصير ملكتنا اللي ان شاء الله بتكون بعد اسبوعين..وطلعت له عذر في انه يمكن مايبي يكون بيننا اي علاقه طالما مافي ملكه واتوقع انه عاقل بهالشئ!!!!..بهالفتره هذي واللي راحت حسيت اني صرت احسن وتفرغت لنفسي شوي وللملكه..لان ماودي يشوفني وواضح على التعب والنفسيه الشينه.. وبالاخيراتمنى مايصدق ظني في انه راح يتعامل معي بالمثل طول فترة ملكتنا اللي بتكون سنه!!!! اشكركم من كل قلبي :-) وخاصة انتي أخصائيه نوره.. ولو جد على شئ جديد اكيد بقولكم.. وانتظر تعليقاتكم :-) |
|
![]() |
#11 |
عضو نشط
![]() ![]() ![]() |
أهلا أماني لا شكر على واجب عزيزتي و ما تتخيلي كيف أسعدتني بأنك مرتاحة و بدأت تفكرين بأكثر منطق و تعقل(خاصة بعد تفصيل الأمر من أ. نورة الله يجزاها خير ) لأن أمر اختلاف العادات و التقاليد ليس بالسهل فأمامك حياة طويلة مع هذا الرجل إنشاالله و لتكوني أكثر محاورة معه ومعرفة بيئته من جميع النواحي
|
|
![]() |
#12 |
عضو نشط
![]() ![]() ![]() ![]() |
أهلاً بك اختي أماني ..والأستاذه المتألقه رشا
وأنا فعلاص سعيده بالتغييرات ...لكنك بحاجه للمزيد ..انصحك بحضور دورات عن العلاقات الزوجيه.. حتى تستطيق بناء علاقتك مع زوج المستقبل بطريقه صحيحه..أنا بإمكاني تزويدك بكل المعلومات ..تحياتي وأنا فعلاً سعيده من اجلك..الله يوفقكgood |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|