|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
11-04-2006, 04:17 AM
|
#1 | ||||
|
عضو جديد
|
الوقت ظيق.. وارجو عدم اغفال هذه المسالة
في الأيام القادمة سيضطر للسفر في تاريخ 82
 3 لإحدى مدن المملكة الداخلية وهذه هي المسالة اللتي فجرت عنده جميع مخاوفه و فهو سيسافر وحيدا ولمدة شهر كااامل وهذه تعتبر للبعض شيء عادي ولكنها طامه كبرا أخ لي اللذي عرض علي مسالته وارجو منكم سرعة الاستجابه وحتى لو اظطر للقدوم للرياض في موعد مستعجل (مع العلم انه انا من اقنعه بظرورة عرضها في هذا المنتدى) وهو من خارج الرياض وهذا هو الايميل المرسل السلام عليكم ورحمة الله وبركاته بعد التحية انا شاب وسيم وكنت اكبر أبناء ابي وأمي ربوني احسن تربية والله ما قصرو وأعطوني الشي الي انا ابيه وفرولي جميع الاشياء الي انا احبه حطوني الحنان والثقة بالنفس مااجبروني على الكذب بالعكس صريح معهم بكل شي بيوم من الايام زعلت ابوي ... (السالفة قديمة مرة يمكن مابعد دخلت المدرسة) بس عصبت بابوي وزعل علي وطلعن برا البيت عند الباب وهو وراء الباب كنت خايف مرة من اصوات الكلاب الي اسمعها اخذ دقيقة وفتح الباب ... ومن بعده صرت اخاف تخيل والله العظيم احيانن اذا رحت اصلي الفجر اخاف من ظلي زادت مشاكل الخوف عندي صرت ماحب ابعد عن امي كانو اعيال عمي واعيال خالي يلعبون وجدتي تقول رح العب معهم اقول لا كنت عند امي .. بس كبرت وبديت اخاااف الى الحين اخاف على فكرة انا تربيت تقريبا مع بنات لان اكبر من بنتين واللي أصغر مني كذالك بنتين و من المواقف مرة بالطائف مع اهلي بالهداء طريق الهد امي تقول خذ كل اقول لا وتدري اني خايف من الطريق ذا دخلت الابتدائية كان ابوي كل يوم عند باب المدرسة طبعاا كل يوم اصيح عليهم... ( يااا الله بأحاول اختصر الموضوع لاني ماقدر اتحمل اكتبه ) دخلت المتوسطة بسن المراهقة كانت اعين الشباب علي كنت اخاف من نظرات الطلاب والمدرسين تعرضت لمشاكل واجد تخيلي ادخل الفصل واشوف اسمي على السبورة احبك يا(ع) ومافيه الا انا (ع) بالفصل .... مشاكل كثيره مرة بأيام المتوسط والله العظيم تعرضت لحالتين اختطاف لاكن وربي شاهد علي ماوصلو للي يبونه حاولت افك نفسي بطريقتي الخاصة تخيل بسنة وحده لا بشهر واحد مرتين ستر علي ربي بديت امشي بخوووف واكثر ماخاف من شي اسمه الجن يوووه تخيلي اذا سمعت طاري جن والله لاشعورين وجهي يتغير لونه ويالله مشاكل الخوف ذي معي طول حياتي احد يرفع صوته علي يتغير وجهي احد يعصب علي يتغير وجهي كنت ماحب المشاكل لاعلي ولا على الناس كنت ابعد من المشاكل قدر المستطاع تخيل بيوم من الايام انا واعيال عمي 2 بالمدينة المنورة استأجرنا فندق واذكر قبل اسبوع عارضين برنامج بقناة الجزيرة الي يطلعون الجنون وهو اول برنامج يعرض بوقته تقريبا...استلقيت انا على السرير وبجنبي أولاد عمي (وانا اكلم نفسي)تخيل الحين واحد من اعيال عمي يدخله جن مثل الي بقناة الجزيرة وش راح اسووي والله العظيم وربي شاهد علي مادريت الا ولد عمي يصيح باعلى صوووت يقول اااه ااااه ويتقلب على السرير بشكل رهيب مرة والله العظيم اني بغيت اطيح الارض من الخوووف وجيت ابطلع برا ابقول للإستقبال يوم جيت ابطلع وهو يجلس يضحك قال والله العظيم تذكرت الي بالجزيرة وقلت ابسوي مثله؟؟!! واقسم بالله الشي ذا ما أنساااه ابد طبعا الحين اقسم بالله مقاطع فيديو بجولات الشباب اذا قالو تعال شف الجن اقول لا الله يخليك اذا سمعت طاريهم انهبل وش اقول وش اخلي اشياء كثيرة كثيرة تعرضت لمشكلتين ايام المتوسطة وكنت اخااف تخيل اطلع من المدرسة القى 4 سيارات شباب بيضربوني ونا الحالي واحد ارجع للمدرسة عند المدير ويجي ابوي ياخذن المشكله هم الي يتعرضولي موب انا مشاكل كثير تخيل قلت يالله ياعبدالله ابخرب وجهي ابحاول ابعد نظرات الناس عني تدري وش سويت بديت ادخن تخيل اشرب دخان قلت عشان وجهي يكون اسمر وشفايفي سود يالله واطلع عربجي ماعلي من احد وهذي المشكلة وجلست ادخن 3 سنوات وبالاخير لحقت على عمري والله لحقت على عمري الحين لي 4 اشهر مادخنت ولله الحمد دخلت احد الكليات العسكرية وفصلت بعد شهرين من دخولي لأني مرة تعبت من العسكرية تخيل ما رحموني انا كأن احد موصيهم علي انا بالذات يسحبونبي تسحيب طوابير اظافية اكون اول واحد الظهر منام يجازوني تركتهم الحين جالس بالبيت ما حب شي اسمه تعليم يالله هذ جزء من مليون جزء ما يحظرني الان ويشهد الله ماحد تعرضلي والله العظيم فعلن كنت خايف على نفسي ومن خاف سلم الحمد لله ماترعضت لشي الي يبونه الشباب وهذا يزيدني قوووه بنفسي والسلام عليكم ورحمة الله وبركاتة ع س غ ------------------------------------------- مع العلم انه افصح انه يوجد الكثير الكثير لكنه كتب ذالك على عجل وارجو منكم سرعة مساعدته وتحديد موعد له او التواصل معه عن طريق الإنتر نت المصدر: نفساني
|
||||
|
|
|
11-04-2006, 04:40 AM
|
#2 | |
|
عضو جديد
|
انا بالانتظار اروجو مراعات ظيق الوقت او حتى تدبير موعد مستعجل مع اختصاي لهذه الحاله
او يكفي اعلامي بالمختص بهذه الحاله وسوف اقوم بحجز موعد وجزيتم خيرا |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
