|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
07-05-2006, 06:22 AM | #1 | |||
عضو جديد
|
حسبي الله ونعم الوكيل
السلام عليكم
ضايق خلقي بشكل فضيع وفيني حاله يئس من الحياه بالي فيها ودي اموت اهلك اي شي بس ماعيش ساعه اكثر................ كـــــــــاره نفسي ..كرهلت اهلي وكرهوني في روحي وفي شخصيتي وفي وجودي بالدنيا ......................... انا شاب من السعوديه عمري 19 سنه مريض من 9 سنين (مرض كرون )تضيق في الامعاء و تشنجات قويه جدا في المعده واحيانا في الصدر والظهر انا الحمدلله ربي احسن خلقتي .. بس هالشي سبب لي مشكله.. لان ملامح وجهي اقرب للبنت من الولد.. لما اطلع للسوق او اي مكان عام.. ملامح وجهي ناعمه وشعر جسمي خفيف مره ولما البس بنطلون ياساتر .. كل الناس تترك اللي بايدها وتناظرني .. مهما سويت لبست ثوب لبست ملابس قبيحه .. يناظرون واهلي متظايقين كثير ..انا عندي ثقه بنفسي وعارف اني مو جالس اسوي شي غلط او (اتنعم) .. البس حالي حال الشباب ولبسي موجود بالمحلات العاديه ومو ملفت للنظر .. واشوف علامات التعجب بعيون الناس خاصه الحريم .. مدري كيف اعيش مع الوضع .. حسيت اني محروم من شي او اني مو طبيعي ..كرهت الطلعات .. حتى اختي توها متملكه تقولي مابي زوجي يشوفك مره ثانيه وقالتلي كلمه او بالاصح سبه ماقدرت اكتبها. اول مره احد ينطقها لي للمعلوميه بس :استشرت ناس فاهمين بعائلتنا وخارج العائله قالولي انت شكلك مميز وجميل جدا ماشاءالله بس مو يدل على انك شي ثاني ورحت لدكتور نفسي وماساعدني كثير وسألته عن المشكله قالي اهلك غلطانين .. تكلمت معاهم مافيه فايده.. الحين 4 من افراد العائله في البيت مايتكلمون معي ومعهم امي.. اقولها وش الشي اللي اسويه زياده عن الشباب ولا عندها رد لي.. هم عارفين اني مااسوي شي غلط .. بس يقولون شكلك ( موحركاتك) مفشلتنا واللي يشوفك يحسبك جنس ثالث اهلي يسألوني دايم ... انت حاط مكياج ؟؟ ليه بشرتك صافيه . ليه انت احلى من خواتك .. ابوي مرات يمسك منديل يمسح شفايفي ووجهي عشان يتأكد اني مو حاط شي ... دايم يحطموني لما اجي اطلع مكان .. ممنوع احد يجيني بالبيت عشان كذا ماعندي اصدقاء ..ابوي يهاوشني لما احط عطر وانا طالع.. الحين عايش على الاشياء اللي تهدي وتخليني طول الوقت نايم .. الفتره الاخيره امتلى وجهي ويديني حبوب وشعري صار يطيح .. احس راح اموت اذا استمريت على هالحال .. محد يكلمني واكل اذا راحو ينامون قبل اسبوعين تأزمت المشكله وكل البيت يصارخون علي لما حاولت اكلمهم للمره الميه ..جلست اصيح .. ونمت ويوم قمت الصباح ماقدر اتكلم ولا اقدر اكل وفمي يصب منه دم خفيف رحت للدكتور قالي هذي من الحاله النفسيه ومرضي الاول زاد علي كثير ودخلت للمستشفى يومين مع المسكنات تحسن الوضع شوي الحمدلله بس الى الحين اذا اكلت ينزل دم والدكتور قالي هذي يبيلها مسألة وقت وتروح اذا تحسنت النفسيه .. الله يخليكم ساعدوني شلون اعيش مع الوضع .. المصدر: نفساني
|
|||
|
08-05-2006, 08:36 PM | #2 |
عضو نشط
|
اخى الكريم
حياك الله انك محتاج الى علاج اسرى مكثف مع جميع افراد الاسرةلتعديل افكارهم وكيفية التعامل معك وذلك عن طريق الجلسات بالعيادة . واتمن لك التحسن باذن الله |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|