قصتي المبدعه مع الهلع وطريقي للشفاء ^^
قصتي مع الهلع .. صارلها قبل سنتين تقريبن .. المشكله ماكنت اعرف انها حالة هلع . اول مره جاتني حالة هلع شديده وانا كنت بالسياره مع اصحابي .. كنت احسب اني بموت ماكنت اعرف انها هلع .. احس بتنمل ويدي بدت كانها تتشنج .. اقول لصاحبي ودني البيت ابا اشوف امي .. احس بالموت .. انفجعو وتمو يشربوني ماء ويقولولي بنوديك المستشفى الان واقولهم لا اريد عند امي قبل لا اموت .. المهم اول ما وصلت المستشفى .. دخلوني بكرسي متحرك هههه وودوني الطوارئ .. فجاه اول مادخلت عند الطبيب احس ان مافيني شي ابدن لاخوف ولا هلع ولا قلق ولا اي شي .. فحصني الطبيب وقالي وش فيك .. قلت له كنت احس اني بختنق وبموت .. قالي انت سليم ميه باميه .. رجعنا البيت وانا ساعتها مستغرب من الي صارلي في السياره .. بحثت في النت لين ماقريت انه مرض هلع .. وانه له علاج عند طبيب نفسي ..ارتحت وتطمنت شوي .. بس بعدين جاتني الحاله بالليل من كثر الوسوسه .. جتني حالة هلع شديده .. رحت عند امي قلت لها انا مره خايف واحس اني بموت .. قرت علي وقالت لاتخاف انت بس توسوس .. المهم هديت لما كانت تقرى علي .. حسين بالامان ونمت .. اليوم الثاني جاتني حالة هلع شديده وقلت لازم اقابل طبيب نفسي .. رحت الطوارئ وودوني على طبيب نفسي قلت له انا خاايف وفيني نوبة هلع .. فعطاني دواء ماذكر اسمه وقالي اذا مانفع الدواء تعال مره ثانيه .. بعدها جربت الدوا ونفع معاي ومعد حسيت باي قلق او هلع .. مرت شهرين وجتني هلع وزرته مره ثانيه وعطوني دواء .. ومرت الايام والشهور وانا طبيعي .... المهم لما خلصت من الثنويه كانت احلى ايامي .. قررت واتفقت مع الاهل اني اسافر ماليزيا اقويي لغتي بالانجليزي .. سافرت لماليزيا وانا مبسوط واموري طيبه .. جاتني نوبة هلع بعد 20 يوم من وانا بماليزيا .. ساعتها كنت وحيد بالشقه واصحابي كانو محد .ز اتصلت بصاحبي وقلت له تعال انا مره تعبان .. قالي انا بعيد مره بس بخلي واحد يجيك .. جاني واحد شافني مدوخ تعبان حالتي لايرثى عليها .. قلت له انا مره تعبان .. ووداني للمستشفى وخبرتهم ان عندي حالة هلع وعطوني دواء فقط .. الدواء كان مجرد 5 حبات فقط .. وكان دواء ظد الاكتئاب والقلق .. المهم ارتحت عليه لين خلص الدواء... وجاتني حالة هلع مره ثانيه وانا كنت عند صاحبي .. قلت لصاحبي انا تعبان مرهه وكانت ساعتها بالليل يعني مافي تكاسي.. اسعفني ودني المستشفى ..ماعندي دواء .. قالي صاحبي اوك الحين بتصل بالاسعاف ..قلت له لاتتصل خلاص .. لان بمجرد ماقالي اسعاف هديت شوي لان حسيت بالامان .. وقلت بصبر لين بكرى الصبح اروح المستشفى .. المهم حسيت بهلع شديده تجيني مره ثانيه قلت لصاحبي سويلي مساج وشغل قراان .. والله ماقصر كان افضل صاحب لي هناك .. سوالي مساج وكنت ارتجف واحس ببروده وفجاه احس بالطمأنينه ... بعدها فكرت وفكرت وقريت وبحثت بالنت لين سمعت عن العلاج السلوكي والدوائي والادويه المناسبه وكيف تتخلص من الهلع وووو... قررت وقلت بعتمد على نفسي .. صرت اروح العياده كل فتره واخذ منهم حبوب زينيكس .. وكانت فعاله معاي .ز مع القرائه والبحث استتفدت نصائح غيرت حياتي .. بديت امارس يوميا الركض للمسافات طويله .. التأمل او اليوغا .. التفكير بأيجابيه والتطنيش للافكار السلبيه .. الترفيه والرحلات .. .. كل هذي الاشياء امارسها وانا صارلي الان 7 اشهر بماليزيا .. عشت حياه حلوه تعرفت على اصحاب كثر .. واحلى مافي الموضوع ان الهلع مايجيني فقط شوية قلق ويزول مع التمارين الي امارسها .. المهم كل تخطيطي الان اني راجع لبلدي الان وبتعالج عن طريق العلاج السلوكي المعرفي عن طريق طبيب مختص .. هذا هو بيكون علاجي بأذن الله مع قرائة القران والاذكار وممارسة تماريني الي افادتني كثثيير ..
والموضوع الاهم .. ان في اكثر البنات الي بالمنتدى يضلون يشتكون ويشتكون انا فني يهلع انا بموت انا دقات قلبي سريعه جدا واحس بالدوخه و و و و .. الخ .. اخواتي المصابات بالهلع كلنا حسينا بهذي واخس كمان .. بس تعبنا برضو عشان نتعالج .. لازم تعتمدين على نفسك شوي لازم تعرفين مرضك وتهتمين فيه زوري طبيب نفسي والله اذا كان طبيب مخلص وممتا بيخلص من حالة الهلع تماما .. بس لازم تداومين عنده يعني بيحسب لك عدة جلسات اقل شي مدتها 3 اشهر يغير لك طريقة تفكيرك من السلبي الى الاجابي .. يعطيك تمارين الاسترخاء وتمارين عده تخلصك من التوتر والقلق الي هو يسبب الهلع .. يخلصك من مشاكل تضخيم الامور والوسوسه والحساسيه الزايده واشياء كثير ... فياليت محد يشتكي كثير .. حاولو تقوون العزيمه شوي وتحلون مشاكلكم .. مع تحياااتي للجمي21l;wqa'ww0dwdع بالشفااء ..... اخوكم احمدد
|