|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
27-12-2015, 10:08 AM | #1 | |||
V I P
الصلع غزا رأسي
|
عفوا يا شخص، إذا ما تعرف نوبات الهلع فـ لا تزيدها علي ( موجه للمحيطين حولنا )
السلام عليكم
اتمنى انكم بخير جميعا هذا موضوع موجه للي ما عنده نوبات الهلع، وعاده ما يكون اصدقائنا، اقاربنا، زملائنا والناس المحيطين حولنا. طبعا الزوار ايضا والاعضاء الي ما يعانون من النوبات وداخلين هنا لان احد يقرب لهم عنده او عندها هذي النوبات او زميل او زميله او اي شخص يعرفونه فـ هذا الموضوع يستهدفكم انتم بالذات علشان ان شاء الله تعرفون تتعاملون معانا ولا تخلونا نعاني اكثر. اغلب معاناتنا هي نفسيه وانتم عارفين هالشي وطبعا لانها نفسيه تحلولون انكم تريحونا وجزاكم الله خير لكن للاسف مرات تزيد علينا بسببكم وانا اعرف ان نيتكم تهدونا او مرات تضيقون فينا وتطفشون لكثرة النوبات وتصيرون ضجرين وكأننا زودناها. طبعا ما الومكم بس معليش ماهو بيدينا هالشي ولو فعلا شايفين اننا زودناها ف الافضل لا تهدونا خير شر لانه افضل لنا. طبعا من اهم الاشياء الي تزيد علينا معاناتنا بعض الامور الي تققولونها وخلينا نبين لكم امور جد تخلينا نموت قهر واحنا بالنوبه وانتم تفكرون اننا مبسوطين انكم تقولون لنا هالامور. طبعا فرقوا اول شي، ان نوبة الهلع يا من لا يعاني منها، انها ماهي الدوخه والصداع الي نعاني منه واحنا معكم. هذي نسولف معكم ممكن نشكيلكم عادي وهنا تقدرون تقولون الي تبونه. لكن و اعيد، لكن،، وكمان اعيد،، لكن !! اذا شفتونا فجأه عيوننا توسعت واحنا نطالع فيكم او فجأه صرنا نحاول نتنفس بقوه او شفتونا مرتبكين او كنا جالسين وفجأه وقفنا ونحاول نمشي ومو عارفين او فجأه انسدحنا ومدينا رجولنا او تكورنا على انفسنا او فجأه قلنا احس اني دايخ و عرقنا صب بشكل عنيف او بدون عرق، او فجأه تغيرت وجيهنا ومسكنا يديكم او اي شي يدل اننا فجأه سوينا حركه طفوليه تخلينا متوترين بشكل مفاجئ ف أعرفوا ان نوبة الهلع جت يعني جت يعني جت وهنا مشكلتنا معكم ومع كلامكم يا جماعه امور تجنبوا وتحاشوا تقولونها بوقت النوبه هذي ومنها 1- لا تقولو هدي نفسك ( يا جماعه لو بيدينا ترى ما بنقصر ولكن ما نقدر ف كلامكم يخلينا نموت قهر ) 2- لا تقولو اجلس ارتخي ( صاحي انت، ما اقدر اصلا ارتخي افهم ولا تقولي اجلس، في بعضنا يرتاح بالجلوس بعضنا يتبطح بعضنا يمشي، بعضنا يتكور على نفسه، وبعضنا يطلع بالحوش ف لا تقولي وش اسوي وقتها تراك منت حاس ) 3- لا تقولو مافيك شي ( ادري وكلنا ندري مافينا شي لكن لا تقعد تقولها لي لانك تزودها علي ) 4- لا تقولو تراك منت طفل اكبر ( ندري ان اشكالنا وقت النوبه كأننا نمثل او اطفال واحنا نعاني لكن ترا ما نمثل وهالكلمه جد ترى تطعننا نفسيا ) 5- لا تقولو ترا كل من تفكيرك ( حبيبي انت، ترى نوبة الهلع اعراض جسديه، لو انها نوبة قلق قلتلك معاك حق ، بس لما نكون بنوبة هلع يا ليت بس تنقطنا مسكاتك ) 6- لا تقولو غريبه ليش جتك النوبه من ايش ( ياخي مو فاضينلك احنا ولا تخليني افكر وانا بالنوبه لانها تزيدها،، اسالني لما اخلص ) 7- لا تقولو لا تفكر فيها ما عليك ( ياخي انا قاعد اتلوى قدامك كيف ما افكر فيها؟؟؟ لا تقول كذا وانا بوسط النوبه ) طبعا هالامور بعضها جد تزيد النوبه وتخليها اقوى بوقتها..... وانا انصحكم يا من تقرؤون هالموضوع وتهتمون باحد فيه النوبه انكم تستبدلو الكلام الي فوق ب كلام اخر مثل ( معليش رح تروح النوبه بس تحمل شوي، سوي الي يحسسك تخففها تبي تمشي تستلقي انا معاك ما بتركك ما عليك، مافيك اي مرض عضوي لا تخاف بتخف عليك النوبه هالحين، ترا هذي اعراض جسديه لكنها ما تضرك ابدا لا تخاف، قربت تروح خلك قوي وانا عارف انها ما تضرك ابد ) مثل هالكلام افضل بالنوبه بكثير من الكلام الي بالنقاط وهذا جد ممكن يريحنا بالوضع الي احنا فيه. وطبعا بعد النوبه تقدر وقتها تعطينا الي تبي من كلامك لكن حط ببالك شغله،،، النوبه تراها تاخذ مننا طاقه كبيره ف خلنا ابو ربع او نص ساعه لاننا جد نكون هلكانين. اتمنى ان الي ما عندهم نوبات الهلع انهم يستوعبون هالكلام وان شاء الله ان كلنا نشفى من هالمرض المصدر: نفساني
|
|||
|
27-12-2015, 01:01 PM | #2 |
عضـو مُـبـدع
[فصبر جميل]
|
الله يشفيك أخي
والله يشفينا جميعا ايه والله في بعض الاحيان المحيطين بك يحاولون مساعدتك و لكنهم يزودون همك وأكثر شيء يزعجني هي كلمات اللوم يعني مثلا...ليش اتسوي كذا انت مافيك شيء خلك قوي فأقول ...والله أنا أتألم والله وحده يعلم وليس بيدي وكأننا طبيعيين بس نحب نبالغ والله يعيننا يارب |
|
27-12-2015, 01:56 PM | #3 | |
V I P
الصلع غزا رأسي
|
اقتباس:
ف كتبت الموضوع |
|
|
28-12-2015, 04:21 AM | #4 |
عـضو أسـاسـي
عالمة المستقبل |
ظريف يهمنا أيضا نحن الموسوسين ويخفف علينا
ههههه والله تذكرت موقف اغبر اممم مرةجتني اقوى نوبة هلع جلست حوالي ساعة وزيادة واقول لأختي بروح المستوصف تقولي استني السواق يجيب حاجاتي اول شي! (طيب والضعيفة المهلوعة دي تروح فين هههه وشوي أقولها منت حاسة فيني بس بعدين رحت الحمدلله وكشفوا ومافي شي بعدها تنفست الصعداء |
|
28-12-2015, 08:21 AM | #5 | |
V I P
الصلع غزا رأسي
|
اقتباس:
الله يعينا |
|
|
28-12-2015, 09:36 AM | #6 |
عضـو مُـبـدع
قلب لايبآلي يعيش طويلآ
|
اممم اي بعضهم يتعآملو مع المهلوع ع انه يعاني من شي بسيط ك الزكآم بلاهم مالذعتهم ماجربو نآر النوبه ..الله يبعدها عن كل مسسلم
والله مايحس فيك الا اللي مجرب غيرهم لآ واذا كلف ع نفسه وبيقولك كلمه يقول موسوس وسواس او يتشمت بحالك (: اووه اشوآ قال لنا انه وسواس ماندري يعني(: لو يخفف عنه بدعوه زين لكن البعض يستخدم كلمآت تزيد من حالك يعني قبل قريت لواحد كان خايف من الامراض اعتقد رد عليه واحد قآل واضح معك المرض الفلاني هو اللي يسبب كذا ويعدد له الامراض يقول انت فيك واحد منهآ ... لو كسب ثواب فيه وقال كلمه تجبر بخاطره ازين .. صدق الشآعر اللي يقول لا تشتكي حالك على كل من جاك بعض البشر يفرح إذا قلت مهموم يخفي سمومه بين همك وشكواك يشمت بحالك والحصيله شقا ولوم.. |
التعديل الأخير تم بواسطة فرح ; 28-12-2015 الساعة 09:37 AM
|
28-12-2015, 09:39 AM | #7 | |
V I P
الصلع غزا رأسي
|
اقتباس:
وفعلا الي ذاق الشي يعرفه عشان كذا احنا المريضين نفسيا نصير ارق واحن ونحس بالناس اكثر |
|
|
30-12-2015, 06:22 PM | #8 |
عضو نشط
تناثر الرماد في الظلام
|
كلامك جدا مريح الله يريحك دنيا واخره فعلا النقاط الي ذكرتها ليت الي يحولنا يحسون فيها او بالاصح يطبقونها ولا يزيدونا دبل قبل ماكنت اعرف ان الي فيني النوبه هلع لكن الحين عرفت الله المستعان الله يشفيك ويشفيني ويشفي كل مريض
|
|
30-12-2015, 06:25 PM | #9 | |
V I P
الصلع غزا رأسي
|
اقتباس:
امين كلنا نشفى باذن الله وشكرا لمرورك وان شاء الله تزول كل امراضنا |
|
|
30-12-2015, 07:12 PM | #10 |
مشرف ملتقى الاكتئاب
للادويه سلبيات قد تدمرك
|
ضحكني كلامك و حوراتك برغم التعب اللي انا فيه ههههه
اذكر مره جتني نوبه هلع وانا بنص نومي , وافزز و اركض من الخوف وينط اخوي ويضمني بقوووه ويضمني انا قعدت اتشهد بغيت افطس من الضم , معد ادري انا الاقيها من النوبه ولا من ضغط اخوي , قلت خلاص خلاص راحت بس عشان يفكني |
|
30-12-2015, 07:19 PM | #11 | |
V I P
الصلع غزا رأسي
|
اقتباس:
واخوك تهور ضمك بقوه وخنقك النوبه شكلها اهون هههههههههه عسا يا رب تشفا مما انت فيه والجميع ان شاء الله |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|