|
|
||||||||||
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
|
أدوات الموضوع |
20-11-2018, 11:41 AM | #1 | |||
عضو نشط
|
تركت السيروكسات ما استفدت منه وراح اتكلم عن مكملات استخدمتها
السلام عليكم ورحمة الله وبركاته
للاسف انا تركت السيروكسات لاني ما استفدت منه وسبب لي سمنة فضيعة ورجعت للبروزاك 40 لاني اعتبره افضل من السيروكسات لايسبب سمنة ولاخمول والمكملات اللي استخدمها من موقع ( اي هيرب) : استخدمت مكمل mood support و مكمل tru calm وماشاءالله مفعولهم رااااائع انشراح ورااااحة ولله الحمد لكن يجيني معهم صداع شوي ويرتفع ضغطي شوي مع انه المكملات ماتسبب الضغط غريبة؟؟ ¡¡¡ ايضا استخدمت مكمل أشواجاندا ممتاااز مرررة يخفف التوتر ويعطي نشاط بالجسم وايضا مكمل كافا كافا هذا ممتاااااااز بعد يعطي انشراح ويزيل التوتر بس ماينفع يستخدم يوميا لانه يضر الكبد ومكمل تريبتوفان هذا للنوم يخلي الواحد يغطس بالنوم مدري هذي تجربتي معه ومكمل فاليريان نفس الشي ينوم ومكمل باكوبا منشط ويخفف التوتر رااااائع مررررة مكمل ال ثيانين هذا بعد مهدي وحلو والله للتوتر والقلق ويسبب نعاس يعني نفع وقت النوم اما المكملات اللي ماناسبتني واتعبتني مررة هي : GABA 750 مغ و SAMe 400 مغ للاسف اتعبتني مرررة سببت لي توتر فضيييع وصداااع ورفع ضغط لانه عندي ضغط يمكن لان الجرعة كانت عالية مرة فاضطريت اقسمهم للنص ونفس الاعراض مع الاسف فتركتها 😖 ومكمل التيروسين او التايروسين 500 مغ هذا ماناسبني وسبب لي نفس الاعراض ضيقة وصداع وضغط بس لما استخدمت نص الجرعة طلع مضبوووط بس الصداع يجيني بعده بكم ساعة ما ادري ليش؟؟ اما المكملات الثانية اللي استخدمتها فهي : بوتاسيوم مغنيسيوم مكملات بي كومبليكس وشاي أخضر كلهم ممتازين ماشاءالله هذي تجربتي مع المكملات وان شاءالله المكملات اللي للاكتئاب راح أخففها مرررة لاني استخدم بروزاك اللي يبي يجرب المكملات يستخدمها بدون أدوية الاكتئاب هذي نصيحتي لكم وان شاءالله يارب تستفيدون الله يكتب لنا الشفاءجميعا يارب العالمين المصدر: نفساني
|
|||
التعديل الأخير تم بواسطة أم ليونة وحمودي ; 20-11-2018 الساعة 11:42 AM
|
21-11-2018, 08:20 PM | #4 |
عضو فعال
|
Mood Support هو هذا صورته؟ اللي من شركة (NOW) او واحد ثاني؟ لانه معاه عشبة سانت جونز وبرضو htp-5 و GABA وممكن يسبب تعارض مع السيروكسات ويكون هو سبب عدم الاستفادة من السيروكسات لانه يرفع السيروتونين مثل الأدوية ويمكن ماتعارض مع البروزاك
وبرضو True Calm فيه Insitol وGABA واللي اساسا موجودة بالمكمل الأول ويخليه الجرعة اعلى، الله يشفيك ويشفينا وتتحسنين بس نصيحة ضروري تشاورين طبيب قبل لا تغيرين علاج أو حتى عند استخدام مكمل غذائي لان المكملات اللي ذكرتيها ترى تسوي تداخل أو تعارض مع علاجات الاكتئاب. وقدامك العافية |
|
21-11-2018, 09:26 PM | #5 |
عضو فعال
|
حتى التايروسين والتريبتوفان تداخل مع علاجات الاكتئاب،
نصيحة لا تستخدمين المكملات مع أدوية الاكتئاب بنفس الوقت إلا بعد استشارة الطبيب لانه ممكن لا سمح الله يجيك متلازمة السيروتونين وهي حالة خطيرة جدا وابحثي عنها في ويكيبيديا واقراي عنها الله يحفظك ويحفظنا جميعا يارب من كل مكروه. |
|
22-11-2018, 12:15 PM | #6 | |
عضو نشط
|
اقتباس:
يعني اقسم الحبة واخذها عشان يطلع مفعولها مضبوووط والحمدلله الامور تمام بس ترى سيروكسات جد مافادني يسبب كسل وخمول بعكس البروزاك هذا اللي لاحظته اما متلازمة سيرتونين حصلت لي قبل اسبوعين تقريبا لما استخدمت جابا وسام ايه بنفس الوقت وكنت بلحظتها استخدم سيروكسات وربي ستر الحمدلله خفت الحالة وتركت جابا وسام اي |
|
|
25-11-2018, 02:05 AM | #7 |
عضـو مُـبـدع
|
ام ليونه وحمودي ارحمي جسمك من الادوية والمكملات اللي مالها لازمه خليك على البروزاك كمية تعارض كبيرة بين الادوية والمكملات وتذكري كبدك والكلى راح يتعبن مع مرور الوقت انا مابي اخوفك بس لاحظت عليك تاخذين اي شي كلنا نبي الشفاء والعلاج السليم لاكن صدقيني مافيه اقوى من ربك ثم العلاجات المكملات ماراح يوصلن زي العلاجات وسلمتهن ولا يمكن يكون مكمل او اكله او شراب راح يرفع المادة الكمائية بالمخ زي العلاجات الطبية يقلولك الموز احسن من البروزاك وهاذي الناس تاكله مافادهم وغيره الكثير
نصيحة اخو خليك على البروزاك وغيري من حياتك ومعلومة لي ولك ولغيرنا العلاجات تفيد 50٪ ماهما كان العلاج فعال بدون تغير حياتك وغصب نفسك على الشي اللي ماتبيه ماراح يفيدك العلاج راح يخدرك ويشيل الافكار السلبية منك ويمكن تحسن مزاج بس الدافعية وتغير حياتك للا فضل زي باقي خلق الله عليك انت بعد الله حنا ناكل العلاجات بدون خطط وتغير لحياتنا مثل اللي يقول انا مسلم وهو مايصلي !.. والصلاة بالبيت وماهي مثل الصلاة بالمسجد شتان بين الاولة والثانية الاولة تحس بثقلها ومافيه اطمئنان وتحسك لحالك تصلي ونوب تسرع فيها ولالها طعم مثل الصلاة بالمسجد تطلع من المسجد منشرح صدرك اللي ابوصله مدامنا ماسعدنا انفسنا انسا احد راح يساعدك حتى والديك واخوانك لا تستخرب ماحد بيساعدك واذا ساعدوك يوم وشهر وسنة وانت ماغيرت نفسك راح يتركونك ولا عليهم منك اللي علينا نقوي انفسنا بالصلاة والصدقة والرياضة وبر الوالدين واغصب نفسك لا تريح نفسك اضغط بكل قوتك على نفسك اي شي ماترتاح له واجهه اي مشوار او سوق او تجمع عائلي لا تفوته ادري قسم بالله راح تعاني وتعاني وتبي الفكة لاكن ذا صديت عن الناس اعرف انه بداية الضياع وكل وقتك وشبابك راح يضيع عليك بالعربي الفصيح اضغط ثم اضغط على نفسك ولا راح تاكل حبوب وعلاجات لين تموت ولا راح تنفعك كلها تخدير لاكن الحبوب نعمة انعم الله علينا فيها تساعدنا وتقوينا شوي لنغير حياتنا لاكن كثير مايعرف اذا اخذ الحبوب وحس بالراحة والمزاج جلس محله ويشوف ذا كافي واول مايترك العلاج يرجع زي اول والسبب ماغير من نفسة ادوري طولت عليك بكلامي وتشعبت بالكلام كثير ياام ليونه وحمودي لاكن تذكري اللي تسوينة بنفسك غلط والله العظيم غلط ضريتي جسمك خليك على كلام الدكتور بروزاك 40 والباقي اقرب حاوية والله خايف عليك يشهد الله علي وافكر بعيالك الله يحفظهم لك ويحفظك لهم لادمرين نفسك !!. الله يشافيك ويشافي كل من هنا بنفساني 🌹 |
التعديل الأخير تم بواسطة سلطان السحيمي ; 25-11-2018 الساعة 02:14 AM
|
25-11-2018, 02:08 AM | #8 |
عضـو مُـبـدع
|
حتى االفيتامينات اللي بالصيدلية اذا زادت عن حدها تضر الكبد وخاصتن الحديد
|
التعديل الأخير تم بواسطة سلطان السحيمي ; 25-11-2018 الساعة 02:13 AM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|