ساعدوني الله يخليكم ( سروكسات )

ساعدوني الله يخليكم ( سروكسات )

ياجماعه انا تعبان عندي قلق وخوف رهاب الساح
اذا طلعت تجيني نوبه هلع ابي ارجع البيت باسرع وقت
لكن اجبر نفسي واطلع مع اخوي او امي واتحمل 3 الى 10 دقايق
ويزول الخطر مليت من الشعور هذا لدرجه اني صرت اخاف اسوق السياره لحالي اخر مره طلعت لحالي بالسياره يمكن قبل سنه
والان اكل سروكسات 25 واحسه يضايقني او وسوست فيه من قوه الفراغ الي عندي
والان عندي مراجعات اسنان وعذبت اخوي كل ماركبت معه وحنى رايحين
ازعجه في بدايه الخروج .. وقف بموت .. ارجع البيت خلاص مابي .. مع تكرارها بشكل سريع
هو يرد علي بكل برود يقولي افتح جوالك والعب اي لعبه واسكت وتنفس بهدوء
لكني مليت من هذا التصرف المقرف
وايضا السروكسات جرعتي 25 مع اندرال حبتين باليوم
ولكسوتانيل
الي عنده اي نصيحه لي يقدمها وراح اطبقها بأذن الله

المصدر: نفساني

اولا الله يفرجها عليك صدقني انا حاسه فيك ،،اذا كان المشوار قريب مايخوف تجاهلها وبتروح اما اذا ماقدرت لازم ترفع الجرعه لان جرعتك قليله اذا حالتك قويه وراح يغنيك عن البقيه لكن لازم تعرف الاثار الجانبيه مثل الوزن و عدم التركيز ،، والافضل تروح طبيب يتابع معاك

حياك الله اخوي
انت تعاني من نوبات هلع ورهاب الساح
ومن شخص مر بنفس اللي تمر فيه ترا اقصى شي يسويه
هو انه يعطل حياتك
بالنسبه للسيروكسات سي ار هو علاج ممتاز ولازم تلتزم بالوقت وتعطيه وقته الكامل
سؤال : كم لك مع السيروكسات
بالنسبه للوكستانيل مهدئ مايجيب مفعول مع الكل لكنه يجيب النوم اكثر
بالتوفيق

السلام عليكم اخي وصباحك خير ...

جرب هذي الطريقه:

اطلع لوحدك وخذ الموبايل معاك ، امشي برجلك مسافه كيلو وقول في نفسك ابيها نوبة الهلع تجيني، خليها تجي والله ما تضرك، كم مره جتك ولا ضرتك؟ ولا تلعب بالموبايل ، خله في جيبك وامشي وركز على البيئه/البيوت اللي حواليك ، ثم ارجع ، كرر هالطريقه كل يوم وكل يوم زود المسافه شوي...

وصدقني هالطريقه مفيده لان اولا تصرف انتباهك عن مرضك ..

ثانيا تزيد ثقتك في نفسك وفي قدرتك على الخروج لوحدك،،

يوم على يوم بتدعي لي ... وترى الدواء مجرد مساعد، الاساس هو عزيمتك ..


تمنياتي لك بالشفاء عاجلا غير اجل ..

تحياتي 😃

وحبيت اضيف اذا كنت طالب ابتعد عن الادويه نهائيا وقاوووم لحد ماتتخرج لانها تدمر ذاكرتك

أنا أؤيد كلام حمدان وردينا

لا تستعمل الأدوية، حاول تتغلب على مخاوفك، امش لوحدك حتى وإن كان قلبك بيطير، لا ترجع، ولا تخاف، وفي اليوم الثاني امش مسافة أطول، وكذا كل يوم، واقرأ القرآن، خصوصا سورة البقرة يوميا، والرقية، ولا تيأس، هذا من الشيطان، إن كيد الشيطان كان ضعيفا، وأنت أقوى من الشيطان، الله يقول لنا أن الشيطان ضعيف، وأنت تخاف منه، لا تخاف، امض قدما في حياتك، واقتحم هذا العدو، عندك أسلحة فتاكة: القرآن، الصلاة، العزيمة، الصبر، الرقية، الأذكار، الصدقة، والله هذه الأسلحة تفتك بهذا العدو، بس اصبر وثابر ولا تتقهقر.

الله معك

يارجال قو قلبك وتوكل على الحي الذي لايموت وادحر ابليس وتعوذ منه اخوانك في سوريا هم الي فعلا مايقدرةن يطلعون البراميل تطيح عليهم فجأه ماحتى تسمع صوتها الا اذا انفجرت

الله يشفينا واياك وكل مرضى المسلمين