دكتور ياااااااسرالمزروع ...رجعت بعد شهرين ...مستعجل

دكتور ياااااااسرالمزروع ...رجعت بعد شهرين ...مستعجل

السلام عليكم ورحمة الله وبركاته


هذي انا رجعت بعد شهرين لامن جديد من التغيرات غير الشخص اللي قلتلك عنه اللي اهو اكبر عني وعمره 40

تعرف ان عمري 24 وفارق السن بيننا كبير بس اهو يفهمني ويقدر احاسيسي ومشاعري وانا احبه وايد واهو بعد نفس الشعور وعمره ما قصر معي بأي شي طبعا او سعودي وانا اما ارتيه


انا واهو متفقين على الزواج بإذن الله واهو حاليا يرتب وضعه المادي تقريبا لمدة 6 شهور وبعدها يجي يخطب واهو قالي انا في البدايه ما كنت مقتنع في الزواج بس حاليا مقتنع 100% لان في البدايه كنت احسبج بنت زي اي بنت لعب وكلام فاضي بس انا والله اني مخلصه له ولا افكر في غيره و ما قصرت بإي شي معه واهو كم مره يطلب انه يشوفني بس انا ارفض مستحيييييييل انا تبت وما ابا ارجع اندم مره ثانيه واهو يقول اني غير يقول اني احبه لشخصه مو لاي مصالح وفعلا هذا للي صايير .........................لكن للاسف يادكتور قبل شهر انا اكتشفت انه يكلم غيري من البنات بس يتسلى ولما واجهته عصب وقال انتي تجسسين علي انا ما اقصر معاج واحبج وابيك كزوجه وبالحلال ويحلف انه صادق .....قالي ماعليج من هذي الحركات دام انا احبك وتركته بعدها رجع اهو يتصل علي ويتأسف وقال انا غلطان سامحته ونسيت السالفه بس بعدني كنت اشك فيه
قبل يومين قلت ابرجع اختبره اذا بعده يلعب والا لا اكتشفت نفس الشي بعده على حركاته بس هذي المره سكت ما واجهته لاني ادري انه بيقلب السالفه علي وبيطلعني اني غلطانه قلتله يا فلان بدال منت جالس عالنت ترد على خلق الله روح اذكر ربك احسن لك ترى محد بينفعك من هالناس كلها وانا نصحتك لاني احبك.......رد علي وقال انتي ظلمتيني انا ما ارد على اي احد (( والله انا اللي ارسلت ورد علي بس ما يدري انه انا)) وقالي انا عندي مشاكل مع زوجتي عشان كذا انا ما كلمتك؟؟ وعيب عليك تتعاملين معي بهالاسلوب؟؟
رديت عليه قلتلك اسفه دام كلامي زعلك وعلى قولتلك عييب وخلني ساكته احسن ويجي يوم تعرف ليش قلت هالكلام

اذكر مره قالي والله اذا الله كتب لنا نصيب اني معاد ادخل النت واني اوريج كل الرسايل اللي من البنات واكنسل النت نهائي انا اادور على انسانه تحبني واحبها والحمدلله موجوده خلاص ليش اخرب بيتي ؟؟سبحان الله

وكم مره قلتله انت ليش ما تحترم غيرتي ومشاعري مثل ما انا احترمك يقولي هذولي ما يسون شعره من شعرك لاتقارنين نفسك فيهم ؟؟ يقهرني بكلامه يسكتني وايد تناقشت معاه في هالشي بس ما في فايده والله يادكتور اني كل ما احاول اسوي شي غلط اني ما اقدر اقول خلاص ليش هالحركات دام عندي انسان شاريني ويحبني؟؟

والله يادكتور انه يحبني ويموت فيني وانا متأكده من هالشي بس مشكلته حركااااات اللعب انا حسيت انه ما يقدر يبتعد عنها؟؟

انا خايفه اذا الله كتب زواج انه يتم على نفس الطبع ما يتغير وانا حاليا متضاااااااااايقه ما اعرف شو اسوي كيف اخليه يبتعد عن هالحركككككككككككككات


ولك مني جزيل الشكر

المصدر: نفساني

أختي : feedback .......,,,,,,.....

وعليكم السلام ورحمت الله وبركاته

في البداية ما دام الحب موجودآ بينكما وهو دستوركما فتستطيعون تجاوز مثل هذه العقبات .

أختي العزيزة ان لكل سلوك دافع وهدف ومتى ما أستطعتي الوصول الى هذا الدافع وساهمتي في أشباعه بطريقة صحيحه سترين أن هذا السلوك أختفى بأذن لله .

لا تحاولين النظر الى النقطة السلبية فقط , بل أنظري الى الجوانب الايجابية والتي أعتقد أنها أكثر وأعملي على تعزيزها فيه .

حاولي عند مناقشة مثل هذه المواضيع معه عدم التعامل معه على انه متهم وأنتي الشرطي بل كوني الصديق اوالاخ الذي يحاول أنتشال أخيه من خطأ وقع به .

حاولي أن تتفقي معه سويآ على أن تعملا معآ على أن لا رجعت لهذا السلوك مرة آخرى .


أدعو الله العلي القدير أن يوفقكما أجمعين