بعد 11 سنة زواج لازلت غير سعيدة
السلام عليكم ........
انا متزوجة من 11 سنة وعندي 3 اطفال وزوجي يكبرني ب13 سنة ومن اللحضة اللي شفتة فيها عرفت ان حياتي صعبة معاه ومع ذلك كملت وكتمت مخاوفي ,في بداية زواجي اكتشفت انة منعزل عن العالم مالة اصحاب يثور على اتفة الاسباب واغربها مثلا مايحب يشوفني اول مااصحى من النوم!!! يحاول يحطمني ويتعمد يجرحني لان المراة دايما تحب تحسس الرجل انه اقل منها لذلك مافيه اي حوار بيني وبينه واذا حاولت تنقلب خناقه لانه للاسف مايعرف يحاور احد فيعصب وكنت اضن ان المشكلة فيني لحد بعدين عرفت من اهله انه هوكذا انطوائي ومع ذلك صبرت واحتويتة واستوعبتة لانه من داخله انسان طيب ولكن مشوة بسبب طفولته الصعبه لانه دايما يشوف ابوة يعامل امه معامله سيئه حاولت اوفرله البيئه العائلية اللي ماعاشها والان هو كتير مبسوط لانه كل شي حلم فيه تحقق صار عنده اولاد وزوجه تسمع الكلام والحق يقال يعترف لي دايما انه لولا اني عاقلة كان الوضع ثاني وحتى اهله ومبسوطين مني لان قدرت اغيره للافضل لكن المشكله اني انا غير سعيدة واحس اني تعبانه من هالزواج تمنيت شخص احط راسي على كتفه ويطبطب علي يسمعني يفهمني وببساطه يحبني تمنيتة بعد هذا كله يلتفت لي شوي ولكن ابدا لازال مايحب يسمعني ويعتبر الحب مرض و انا اشوف ان الزواج مااعطاني الا التعب والندم والاكتئاب المكسب الوحيد هم اولادي زوجي لو ابعد عنه مايشتاق لي ولا اشتاق له بس يشتاق لعياله واذا قرب مني احس بنفور منه وبعدها ادخل في نوبة بكاء شديد انا مش تعيسه ولاسعيده لكن محطمه وتعبانه
|