|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
02-04-2008, 01:22 PM | #1 | |||
عضو جديد
|
أفكار وهواجيس .. عاجل
انا شاب عمري 28 سنة
الأفكار بدت معاي بعد الخطبة بكم شهر ورحت لطبيب شخصها وسواس قهري وعطاني سيبرالكس وكانت حالتي صعبة كثير نزلت 15 كيلو تقريبا ... المهم أول ما اخذت الدواء يومين وبديت أتحسن بعدها بكم شهر يعني بعد الملكة وقبل الزواج بشهر رجعت لي وعطاني نفس الدواء المهم انا الي عندي مجرد أفكار فقط . وتميت يمكن سنة ونص عال عال قبل شهر جتني فكرة وسببت لي ضعف شهيه وقل نوم لكن سبحان الله أشغلت نفسي وقريت الأذكار وطارت من كيفها ورجع نومي وأكلي طبيعي ... لكن بعدها بكم اسبوع رجعت الحاله من جديد مع العلم أنها ليست بصعوبة الأولي ... يعني تجيني أروح لدوامي طبيعي وآكل الوجبات الثلاث .. يعني تجيني لحظات في اليوم اشتهي الأكل وآكل لكن مو زي أول طبعا لكن المشكلة بهالنوم قليل جدا 4 ساعات يوميا بس أروح لربعي وأشغل نفسي وأتمشى عادي لكن أكون دايخ لاني مو نايم زين وأفكاري مشوشه .. خاصه اني أحاول أشغل نفسي صارحت زوجتي اني اخذت دواء وكذا وكذا قالت ما فيك شي وما هي مقتنعه اني استخدم دواء .. وتعتبرني طبيعي جدا لا وأحسن من أول على حد قولها أني الحين أكثر رومانسية وتقول علاج سلوكي معليه لكن دواء انتبه هذا يسبب مشاكل بالاعصاب ووو وانت ما فيك شي مجرد ارهاق وتحتاج تغيير جو الحين انا أدق على ارقامكم بالرياض كلها غلط ما ادري وش تشورون علي خاصه اني ما احب الدواء وهل يوجد عياده في الدمام تستخدم علاجات غير الدواء وانا تجيني الأفكار غالبا بعد صدمات قوية أو قبل أحداث مهمه فقط المصدر: نفساني
|
|||
|
02-04-2008, 01:32 PM | #2 |
عضو جديد
|
المهم هذا الدكتور يقول ان سبب الي عندي تكوين الشخصية ... طيب تكوين الشخصية هذا ما يتغير .. انا مستعد أتغير يا جماعة ما عندي مشكلة
انا اجتماعي .. لكن أغلب مشاكلي من الدقة .. ودي أتخلص من الدقه والحساسيه الزايده ... يعني مابي أقل كلمه تأثر فيني واقعد أفكر فيها وما ادري ايش أبي أصير آحذ كل شي بضحكه وانسى مع العلم اني دقيق فقط في العلاقات الاجتماعية اما ما عدا ذلك انا غير دقيق أبدا يعني ماني مهووس بالدقة والتنظيم لأشيائي وأغراضي ووو... |
|
02-04-2008, 01:37 PM | #3 |
عضو جديد
|
وصرت وسواسي خاصة بعد ما صرت مهووس بالثقه بالنفس وابي أصير واثق بنفسي دايما وانا المنتصر وما ينوخذ حقي أبدا لدرجة أني أقعد أحلل الأشخاص في التلفزيون هذا واثق بنفسه وهذا مهزوز وهذا ما ادري ايش وهذا ضحكو عليه مسكين وووو
شخصيتي تتسم بالجديه نوعا ما اوكي خلاص طولت عليكم |
|
02-04-2008, 02:14 PM | #4 |
عضو جديد
|
وهل ممكن تكون عين .. لأني سابقا طول قترة حياتي ما شاء الله تبارك الله كنت ما أشيل هم لشي أبدا .. ولا أحاتي
خاصة بدت هالحاله من بعد الخطبة على طول .. وانا على فكره اصدقائي ينعدون على الاصابع وأفكر أوسع الدائرة شوي لأني اذا ما اشغل نفسي وين أروح |
|
03-04-2008, 07:42 PM | #5 |
عضو جديد
|
المهم الحمد لله سنه و 9 شهور بعد ترك الدواء ما جاني شي .... بس الحين جاني
طيب ما احب الأدوية ... الطبيب وصف لي سيبراليكس وبعدين سؤال المطاوعه يجيهم هالشي .. يعني نادرا ما أشوف واحد متدين جاي العياده النفسية ... بالاضافه الى انه إحراج .. والله رحت اليوم وانا مستحي أخاف أحد يشوفني .. السؤال الي يطرح نفسه ... ممكن اذا صرت أقرا الاذكار وصرت قريب من الله وسويت جلسات سلوكية معرفيه هذي ممكن يروح الوسواس نهائيا .... فيه أمل خاصه ان حالتي الحمد لله ماهي صعبه |
|
03-04-2008, 09:17 PM | #7 |
عضو جديد
|
مكتوب في نشرة السيبرالبيكس
هذا العقار له آثار جانبية عامه طفيفه وتختفي بعد بدء العلاج بأيام قليلة ما معنى هذا الكلام مع أني سألت الدكتور وقال لي لا تخاف في مثل حالتك ما يسبب فتور جنسي ... وبعدين يا استشارين والله ما أحس بضيقة صدر او اكتئاب .. أحس أني عادي ... خاصة اذا ما فيه ضغط عمل أو التزامات أسريه كثيرة ... بس الصباح أكثر شي أكون مختلق ... باقي اليوم آكل زين وأطلع مع الشباب ... بس هو النوم ... ما آخذ كفايتي من النوم يعني 30 % من اليوم متضايق ولا 70 % بالمية عادي لا حظ أني للحين ما أخذت أي عقار .. ولا حبه وحده |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|